Алнаш

Черкогурт
Алнаш
Алнаш
Флагез Гербез
56°11′ с. ш. 52°28′ в. д.
Кун	Россия
Историез но географиез
Нырысьсэ пумиське	1710
Шор интыезлэн ӝуждалаез	120
Часовой поясэз	UTC+04:00
Улӥсез
Улӥсез	▲6837 мурт (2021)
Официальной луись кыл	Удмурт кыл но Ӟуч кыл
Цифровой идентификаторъёс
Телефон кодэз	34150
Почта индекс	427880
Алнаш
Медиафайлъёс РувикиМедиа пушкын

Алнаш — удмурт черкогурт, Алнаш ёрослэн шорсюлмыз.

Со интыяськемын Удмурт шаерлэн лымшор палаз. Ӵапак отӥ Алнашка но Туймы шуръёслэн вуоссы огинэ ӧръясько. Черкогуртын улэ-вылэ 6 сюрс 765 адями.

История

Та черкогуртлэн кылдэмез герӟаськемын 1751-тӥ арен. 31-тӥ июне отын усьтӥськиз приход. 1761-тӥ арын вераськон ӝутӥськиз пу черк пуктон сярысь. 1763-тӥ арын 20-тӥ мае выль вӧсяськон интыез усьтӥзы, вӧсям вуэн пазязы, Дун-чылкыт Тройчалэсь нимзэ сётӥзы. Оло, соин но куд-огез Алнашез Троицкий, Тройча нималля.

1791-тӥ арозь та черкогурт Кузон епархилэн бур улаз лыдъяськылӥз. Нош 1791-тӥ арын выжиз Ватка епархие. 1796-тӥ арын, Алабуго уездысь волостьёсты люкылыку, кылдӥз Асаново волость. Бӧрысь кылдӥз Алнаш волость, шорсюлмыз — Алнаш черкогурт.

1815-тӥ арын Алнашын излэсь черк пуктоно кариськизы. Выль вӧсяськон инты ӧсъёссэ вӧлъяз 1922-тӥ арын.

1859-тӥ арын лыдъян-чотан ортчытэм бере тодмо луэм: со вакытэ Алнашын 62 коркан 187 воргорон но 238 кышномурт улэм. 1897-тӥ арын черкогуртын 804 мурт улӥсез кылдэм ини. Татын кык пызь изон вукозы вылэм.

1867-тӥ арын усьтӥллям земской школа.

1921-тӥ арын Алнаш волостез выжтӥзы Можга уездэ. 1929-тӥ арын кылдӥз Алнаш ёрос, шорсюлмыз — Алнаш черкогурт.

Транспорт

Алнаш пыр кошке Муское нуись федерал сюрес Р320, 12 километрлы палэнэтӥгес ортче Огырчие нуись чугун сюрес. Та сяна, Алнашлэсь 5 километрлы палэнэтӥгес читыр-чутыр кошке Екатерина II императрицалэн трактэз.

Узырлыкез

Алнашын кирпич поттон завод, «Тойма» фирма, нянь пыжон завод, пищекомбинат, сӥль поттон цех ужало. Черкогуртлэн бадӟым узырлыкез со но — писательлэн Г. Красильниковлэн но кылбурчилэн Ашальчи Окилэн музей-коркаоссы, соос Алнашысь историяя но литературая музейлэн ёзъёсыз луо.

Галерея

• 

  Алнашын сылэ Ашальчи Оки кылбурчилы но эмъясьлы сӥзем музей

• Алнашский пруд.JPG

  Алнаш тымет

• 

  Алнашысь Трокай Борисовлы сӥзем синпелет

• In Alnashi.JPG

  Локальной ожъёсын быремъёсыз буре ваён синпелет. Интыяське Нылпи творчествоя юрт азьын