Ашальчи Окилэн музей-юртэз

Википедиысь материал
Ашальчи Окилэн музей-юртэз
Музей-юрт
Музей-юрт
Кылдытэмын 1987 год
Тема Литература
Адресэз Алнаши, Первомайской урам, 5
Кивалтӥсез Лилия Рыбакова
Россиысь лулчеберет кылёс лэсьтосъёс регионального значения
рег. № 181310008400005 (ЕГРОКН)
объект № 1800027000 (БД Викигида)
Логотип Викисклада Медиафайлы на Викискладе

Ашальчи Окилэн музей-юртэз — Удмуртиысь литературалы сӥзем музейёс пӧлысь одӥгез[1]. Интыяськемын Алнаш черкогуртын, нырысетӥ удмурт нылкышно-кылбурчилэн — Ашальчи Окилэн улон юртаз.

Кылдэмез сярысь

1973-тӥ арын 31-тӥ коньывуонэ нырысетӥ удмурт поэтесса, УАССР-ысь дано врач А.Г. Векшина (Ашальчи Оки) улонысь кошкиз. 1974 арын солэн улэм юрт вылаз буре ваён пул шукемын вал. 1983-тӥ арын Лина Григорьевналэн кузпалэз И.И. Карачев но улонысь кошкиз.

Анай-атаез кулэм бере, пизы Валерий, Алнашысь улон юртазы музей усьтон вылысь, сое Алнаш ёрослэн культурая ёзэтэзлы кузьмаз.

1987-тӥ арын, 3-тӥ шуркынмонэ, Быдӟым Октябрь революцилы 70 ар тырмыку, элькунамы нырысетӥез литературной музей усьтӥськиз. Алнашын Ашальчи Окилэсь музейзэ усьтон понна трос кужымзэс понӥзы культура ёзэтлэн кивалтӥсез А.Ф. Захаров, ёрос музейёсын кивалтӥсь В.И. Колесников, библиотекарьёс В.Н. Кириллова, М.В. Губкина, Н.Е. Груздева (Беляева), Э.А. Ишматова но музеез чаклась Н.М. Фадеева. Н. Фадеева троссэ экспонатъёсты ас кичӧлтэмезъя утиз-чаклаз.

Нырысь-валысь музейын экскурсиосты нуизы библиотекарьёс, ёрос музейёслэн директорзы но музеез чаклась. 1988-тӥ арын та музей Удмурт Элькунысь изобразительной искусствоосъя музейлэн филиалэз луиз. Та арын ик музее валтӥсь научной ужасе Людмила Ивановна Посадоваез кутӥзы, музее билетъёсъя пыртаны кутскизы. Кутскиз плановой уж. 1990-тӥ арын та ужъюрт Удмурт Элькунысь К. Герд нимо Йӧскалык музейлэн ёзэтэз луиз. Нош 2000-тӥ арын ― шаертодонъя музейлэн ёзэз. Берлогес Ашальчи Окилэн музей-юртэз «Алнаш ёросысь историко-литературной музейлэн» ёзэтэз луэ[2]. 2005-тӥ арысен 2023-тӥ арозь музей-юртэн кивалтӥз Мария Петрова. 2023-тӥ арысен музей-юртэн кивалтэ но нырысетӥ удмурт нылкышно-кылбурчилэсь творчествозэ эскеронэз азьланьтэ Лилия Рыбакова. Ашальчи Окилэн творчествоеныз тунсыкъяськисьёслэн лыдзы арысь аре йылэ. Музее Удмуртилэн палэнысьтыз но вуыло.

Валэктонъёс