Ашальчи Оки

Ашальчи Оки
Ашальчи Оки
	Акилина Григорьевна Векшина
Вордӥськыкуз сётэм нымыз	ӟуч: Акилина Григорьевна Векшина
Вордӥськем нуналыз	16-тӥ оштолэзе 1898
Вордӥськем интыез	Кузебай черкогурт, Елабуга уезд, Ватка губерния, Росси империя
Кулон нуналыз	31-тӥ коньывуонэ 1973 (75 арес)
Кулэм интыез	Алнаш, Удмурт АССР
Кунмуртлыкез	Российская империя → СССР
Ужудысэз	Кылбурчи, эмчи
Данъетъёсыз	;

Экспертиза РАН

Экспертизаез ортытӥз
Россиысь Тодосъёсъя Академия

Поыр-поч лыдӟе

Ашальчи́ Оки́ (4 [16] оштолэзе 1898^[1], |Росси империя,Ватка губерния, Елабуга уезд, Кузебай гурт — 31-тӥ коньывуонэ 1973, Удмурт АССР, Алнаш черкогурт,) — нырысетӥ удмурт нылкышно-кылбурчлэн кушемнимыз. Тужгес тодмо луиз 20-тӥ аръёсы. Выныз ― кылбурчи но гожъясьчи Айво Иви^[2]. Озьы ик тодмо луэ син эмъясь, фронт эмчи, Удмурт АССР-ысь сӥё-дано эмчи шуыса^[3].

Улон сюресэз

Вордӥськиз 1898-тӥ арын 4-тӥ (16-тӥ) оштолэзе Грах ёросысь Ускы (ӟуч нимыз Кузебаево) гуртын. 1914-тӥ арын Карлыганысь Вотской учительской школаын дышетскиз. 1921-тӥ арын — Кузонысь рабфакын, 1927-тӥ арын — Кузон университетысь медициная ёзэтын^[4].

Ашальчи Окилэн нырысетӥ кылбуръёсыз но веросъёсыз 1918-тӥ арын «Виль синь» но «Гудыри» удмурт газет бамъёсын печатласькизы^[3]. 1928-тӥ арын «Сюрес дурын» («У дороги») но «О чём поёт вотячка» нырысетӥ кылбур бичетъёсыз потӥзы. 1933-тӥ арын репрессие улэ шедиз: националистъёсын кусып возе шуыса янгыш каризы. Собере творческой ужлэсь палэнскыса, медицина удысэ выжиз. Ваньмон дыръёсаз тодмо ӟуч кылбурчиослэсь гожъямъёссэс удмурт кылэ берыктылӥз^[5].

Удмурт кылбурчи но гожъяськись Ашальчи Оки

1928-тӥ арысен Юкаменск но Алнаш ёросъёсын син эмъясь луыса ужаз^[2], стажировказэ Одессаын Филатов Владимир Петрович^[ru] дорын ортчиз^[6].

Быдӟым Атыкай оже пыриськем мурт:1941-тӥ арын 24-тӥ инвожоысен Горд Армиынн. Медслужбаысь капитан. Ар но ӝыны токсической газово-гангренозной инфекцияя ёзэтэн кивалтӥз, собере 571-тӥ номеро Хирургической полевой подвижной госпитальлэн ординаторез вал (Белорус фронтысь 3-тӥ армилэн 303-тӥ передвижной эвакуационной пунктэз). Войнаез Польшаысь Лодзь карын 1038-тӥ эвакогоспитальын йылпумъяз. «За боевые заслуги» (1944), «Берлинэз басьтэм понна» (1945), «1941-тӥ-1945-тӥ аръёсы Быдӟым Атыкай ожын Германиез вормем понна» (1945) медальёсын пусъемын.

Векшина эш ассэ мыло-кыдо эмчи шуыса возьматӥз. Тужгес секыт инитыосын ужалляз. … Ассэ жалясьтэм луэменыз трос сӧсырмем муртъёслэсь улонзэс утиз. Йӧнатон понна трос пол аслэсьтыз вирзэ сётъялляз. Эмъям муртъёсызлэсь трос таукарон гожтэтъёсыз вань.
— Басьтэмын "Горд Кизили" орденэн данъетаны дасям Наградной листысьтыз (данъетамын «За боевые заслуги» медален). Гожтэм улаз 571-тӥ номеро Хирургической полевой подвижной госпитальлэн кивалтӥсезлэн кинюртэмез пуктэмын, 1944-тӥ арын 5-тӥ южтолэзе^[7]

1946-тӥ арын коньывуонэ демобилизовать каремын. Гуртаз бертыса, Алнаш ёрос эмъюртын эмчи луыса ужаз^[2]. «Знак Почёта» орденэн пусъемын (1958)^[6]. Удмурт АССР-ысь сӥё-дано врач.

Творчествоез

Ашальчи Окилэн творчествояз валтӥсь инты басьтэ умурт нылкышнолэн лулпуш дуннеез. Кылбурчи литературае возьдаськись удмурт нылкышнолэсь выль улонэ кыстӥськись туссэ пыртӥз. Гожъямъёсаз озьы ик нылкышно ултӥямез возматъяз. Ашальчи Окилэн кӧняез ке кылбурез кырӟанлы пӧрмытэмын^[2].

Ашальчи Оки (А. Г. Векшина)

Кылбуръёсыз пӧртэм кылъёсы берыктэмын. Удмурт нылкышно кылбурчилэсь творчествозэ эскерись француз тодосчи Жан Люк Моро тазьы гожъяз: «Солэн лирикаез туж ненег, мур но зэмос, адямилыко, риторикалэсь но капчи мылкыдъем но гольтрес луонлэсь чаклаське»^[2].

Ашальчи Оки Пушкинэз («Если жизнь тебя обманет») но Гейнеез удмурт кылэ берыктӥз. 1956-тӥ ар бере нылпиослы кӧня ке верос гожтӥз^[6].

Буре ваён

1987-тӥ арын Алнаш черкогуртын Ашальчи Окилэн музей-юртэз усьтэмын.
1994-тӥ арын литература удысын Ашальчи Оки нимо Удмурт йӧскалык премия кылдытэмын^[8].
1998-тӥ арын кылбурчилэн кылбуръёсыныз удмурт но ӟуч кылъёсын «Чырты весь» («Ожерелье») бичет поттэмын. Со арын ик, нырысетӥ нылкышно-кылбурчиез буре вайыса, «Ашальчи» журнал поттыны кутскемын^[2].
2002-тӥ арысен Грахысь шаертодонъя музей кылбурчилэсь нимзэ нуллэ^[6].

Библиография

Ашальчи Оки Узнала девушка любовь: Стихи на удмурт. и в пер. на рус. яз. — Ижевск: Тодон, 1994. — 75 с.; портр. на обложке; 50000 экз.; ISBN 5-900575-07-1
Ашальчи Оки Ожерелье = Чыртывесь: стихи: в пер. на рус. яз. — Ижевск: Удмуртия, 1998. — 150 с.: ил., портр.; ISBN 5-7659-0720-2
Ашальчи Оки Та буртчин чуръёсыд = Эти шёлковые строчки: кылбуръёс, веросъёс, тодэ ваёнъёс — [дасязы М. Петрова но Л. Нянькина; кылбуръёсты ӟуч кылэ берыктӥзы К. Герд и др.]; веросъёсты ӟуч кылэ берыктӥз Л. Нянькина; [Алнашысь Ашальчи Окилэн музей-юртэз]. — Ижевск: Удмуртия 2011. — 256 с., [8] л. ил.: ил.; ISBN 978-5-7659-0544-9 (Адями. Писатель. Вакыт = Человек. Писатель. Время)

Валэктонъёс

↑ Ашальчи Оки — кылбурчи, эмчи, югдытӥсь — Удмурт дунне [удм.] Эскеремын 2020-02-29 аре
↑ ¹ ² ³ ⁴ ⁵ ⁶ Христолюбова Л. С. Ашальчи Оки (Векшина Акилина Григорьевна) // Удмуртские женщины : XX век : Биографический справочник / рецензенты З. А. Богомолова, М. В. Решитько. — Ижевск : Удмуртский институт истории, языка и литературы УрО РАН, 2002. — С. 277—278. — 447 с. — 600 экз. — ISBN 5-7691-1149-6.
↑ ¹ ² Ашальчи Оки // Писатели Удмуртии : Библиографический справочник / сост. А. Н. Уваров. — Ижевск : Издательство «Удмуртия», 1989. — С. 25—27. — 464 с. — 5000 экз. — ISBN 5-7659-0131-X.
↑ Литературная энциклопедия
↑ Акилина Григорьевна Векшина (Ашальчи Оки) — Писатели и поэты Удмуртии. Дата обращения: 18 южтолэзе 2025.
↑ ¹ ² ³ ⁴ Ашальчи Оки / Шкляев А. Г. // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 31—32. — 540 с. — 300 экз. — ISBN 978-5-901304-62-4.
↑ Наградной лист Архивная копия от 1 толшоре 2021 на Wayback Machine // ОБД «Подвиг народа»
↑ Удмуртская национальная литературная премия им. Ашальчи Оки Архивировано 2 оштолэзе 2015 года.

Чӧлсконъёс

Озьы ик учке

Айво Иви — удмурт гожъяськись но кылбурчи, Ашальчи Окилэн агаез

[1] Ашальчи Оки — кылбурчи, эмчи, югдытӥсь — Удмурт дунне [удм.] Эскеремын 2020-02-29 аре

[УЖ-2] ¹ ² ³ ⁴ ⁵ ⁶ Христолюбова Л. С. Ашальчи Оки (Векшина Акилина Григорьевна) // Удмуртские женщины : XX век : Биографический справочник / рецензенты З. А. Богомолова, М. В. Решитько. — Ижевск : Удмуртский институт истории, языка и литературы УрО РАН, 2002. — С. 277—278. — 447 с. — 600 экз. — ISBN 5-7691-1149-6.

[Уваров-3] ¹ ² Ашальчи Оки // Писатели Удмуртии : Библиографический справочник / сост. А. Н. Уваров. — Ижевск : Издательство «Удмуртия», 1989. — С. 25—27. — 464 с. — 5000 экз. — ISBN 5-7659-0131-X.

[4] Литературная энциклопедия

[5] Акилина Григорьевна Векшина (Ашальчи Оки) — Писатели и поэты Удмуртии. Дата обращения: 18 южтолэзе 2025.

[УЭ-6] ¹ ² ³ ⁴ Ашальчи Оки / Шкляев А. Г. // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 31—32. — 540 с. — 300 экз. — ISBN 978-5-901304-62-4.

[7] Наградной лист Архивная копия от 1 толшоре 2021 на Wayback Machine // ОБД «Подвиг народа»

[8] Удмуртская национальная литературная премия им. Ашальчи Оки Архивировано 2 оштолэзе 2015 года.

[1]

[2]

[3]

[4]

[5]

[6]

[7]

[8]