Богомолова, Зоя Алексеевна

Википедиысь материал
Рецензировать карем гожтос
Рецензент: Клементьев Андрей Александрович, филологи наукаосъя кандидат, «Вордскем кыл» журналлэн валтӥсь редакторез
Зоя Богомолова
Богомолова, Зоя Алексеевна.jpg
Вордскыкуз сётэм нимыз Зоя Алексеевна Богомолова
Вордӥськем дырыз 5-тӥ тулыспалэ 1923({{padleft:1923|4|0}}-{{padleft:2|2|0}}-{{padleft:5|2|0}})
Вордӥськем интыез Озёрное
Кулон дырыз 13-тӥ коньывуонэ 2012({{padleft:2012|4|0}}-{{padleft:10|2|0}}-{{padleft:13|2|0}}) (89 лет)
Кулэмын
Кунмуртлыкез (подданство)
Ужудысэз гожъяськись, литературатодосчи, литературной критик, дышетӥсь, валтӥсь редактор
Нырысетӥ ужез «О творчестве Геннадия Красильникова» (1962)
Премиосыз Удмурт Элькунлэн Кун премиез (1992)
Данъетъёсыз
Эшъяськон орден — 1999 «Ужын висъяськемез понна» медаль — 1944 Почётный гражданин Удмуртской Республики (лента).png

Зоя Алексе́евна Богомо́лова (вордскемын 5-тӥ тулыспалэ 1923-тӥ арын Озёрное станицаын — кулэмын 13-тӥ коньывуонэ 2012-тӥ арын) — Россиысь гожъяськись, литературатодосчи, литературной критик, дышетӥсь, «Италмас» журналлэн валтӥсь редакторез (2008—2012). СССР-ысь гожъяськисьёслэн огазеяськонзылэн ёзчиез (1973). Удмурт АССР-ысь культура удысысь сӥё-дано ужась (1987). Удмурт Элькунлэн Кун премиезлэн лауреатэз (1992). Литература удысысь Флор Васильев нимо премилэн лауреатэз. Удмурт Элькунлэн дано адямиез (2002).

Улон сюресэз

Вордӥськиз 5-тӥ тулыспалэ 1923-тӥ арын Оренбург улосысь Тепловской ёросын (али Оренбург улосысь Первомай ёрос) Озёрной станицаын ужасьёслэн семьяязы: атаез лэсьтӥськись вал, Ож вакытэ со Чапаевлэн дивизияз ожмаськиз[1], анаез нылпи садын ужаз[2]. 1929-тӥ арын 6 арескын мынӥз Тепловской станицаысь шоръёзо школае, 1939-тӥ арын сое йылпумъяз. Со аре ик пыриз Чкаловскысь (Оренбургысь) дышетӥсьёсты дасянъя институтэ, дышетсконзэ йылпумъяз 1941-тӥ арын, Быдӟым ожлэн нырысетӥ нуналъёсаз. Институт бере вань ож аръёсы Оренбург улосысь Кувандыкской ёросысь шоръёзо школаын ужаз, ӟуч кылын дышетӥсь луыса (6-10-тӥ классъёсын), собере Оренбург улосвылысь Сергиевской станицаысь 7 аръем школаын директорлэсь ужзэ быдэсъяз, Харьков улосвылысь Змиёвской шоръёзо школаын ӟуч кылъя но литературая дышетӥсь луыса ужаз (5-8-тӥ классъёсын) . Кӧня ке дыр ӵоже улӥз Полтаваын, 1946-1953-тӥ аръёсы Ставропольын дышетӥсьёсты дасянъя институтын аспирантураын дышетскиз. Кандидат диссертациез утем бере, 1953-тӥ арын пӧсьтолэзе лэземын вал Муромысь дышетӥсьёсты дасянъя кун институтэ.

1953-тӥ—1958-тӥ аръёсы Муромысь дышетӥсьёсты дасянъя кун институтын ӟуч но совето литературая кафедраен кивалтӥз.

1958-тӥ арын, Муромысь институтэз реформировать карем бере, Удмурт кун педагогической институтысь ӟуч, совето но кунгожсьӧр литературая кафедрае доцентэ пуктэмын вал. 1966-тӥ арысен 1970-тӥ арозь дышетскиз докторантураын, 1971-тӥ арысен 1976-тӥ арозь профессор луыса ужаз. 20 ар ӵоже « XIX даурысь ӟуч литература», « XX даурысь литература», «Советской литература», «Фольклор», «Нылпи литература», «СССР-ысь калыкъёслэн литературазы» курсъёсты лыдӟиз.

1978-тӥ арысен творческой ужен выриз.

1991-тӥ арын берытскиз дышетонъя уже, Удмурт кун университетысь удмурт филология факультетысь ӟуч филология кафедраын профессор луыса ужаз.

З. А. Богомолова СССР-ысь но РСФСР-ысь гожъяськисьёслэн огазеяськонзылэн ӧтчамъёсаз быръемчи луыса пыриськылӥз. Мерлыко ужен выриз: 30 арлэсь кема «Знание» нимо элькун огазеяськонын литературая но искусствоя советэныз кивалтӥз. Удмурт пединститутысь художественной советэзлэн тӧроез, институтлэн Учёной советэзлэн секретарез вал. РСФСР-ысь гожъяськисьёслэн огазеяськоназы прозая советэ ёзчие быръемын вал, озьы ик Россиысь гожъяськисьёслэн огазеяськоназы Вылӥ творческой советаз ёзчие но Россиысь финн-угор гожъяськисьёслэн огазеяськоназы . Трос аръёс ӵоже З. А. Богомолова Удмуртиысь гожъяськисьёслэн огазеяськоназы критикая но литературоведения секциеныз кивалтӥз. 1989-тӥ арысен Творчество удысэн герӟаськем нылкышноослэн элькун огазеяськонэнызы кивалтӥз.

Кулэмын Москваын 13-тӥ коньывуонэ 2012-тӥ арын, шайгуэз Ижкарын.

Творчествоез сярысь

РСФСР-сь писательёслэн II-тӥ съездзылэн делегатъёсыз Евгений Евтушенко, Владимир Солоухин, Зоя Богомолова. Москва, Союзъёслэн юртысьтызы Колонной зал. Южтолэзь, 1965-тӥ ар.

Удмурт гожъяськисьёслэсь, кылбурчиослэсь но крезьгурчиослэсь творчествозэс эскериз: кылсярысь, Кузебай Гердлэсь, Кедра Митрейлэсь, Флор Васильевлэсь, Михаил Петровлэсь, Геннадий Красильниковлэсь, Степан Широбоковлэсь, Михаил Коноваловлэсь но мукетъёсызлэсь.

Зоя Богомоловалэн нырысетӥ книгаез потӥз 1962-тӥ арын, со сӥземын вал удмурт прозаиклэн Г. Д. Красильниковлэн творчествоезлы.

1973-тӥ арын Зоя Богомоловаез кутӥзы СССР-ысь гожъяськисьёслэн огазеяськоназы. Лыдэ басьтэмын вал со дырлы потэм «Творчество Кедра Митрея» (1967), «Михаил Коновалов» (1971), «Образ В. И. Ленина в современной советской литературе» (1971) книгаосыз. Бӧрысь но Зоя Алексеевна удмурт гожъяськисьёс сярысь трос гинэ книгаос поттӥз на: «Восхождение» (Флор Васильев сярысь тодэ ваёнъёс, 1984), «Я и в мире боец» (Михаил Лямин сярысь, 1986), «Как молния в ночи» (Кузебай Гердлы сӥземын, 1998), «Река судьбы» (Михаил Петров сярысь, 2001), «Опаленный подвиг батыра» (Кедра Митрейлы сиземын, 2003), «Неумолкнувшая песнь соловья» (Степан Широбоков сярысь, 2005) но мукетъёссэ.

З. А. Богомолова удмурт литературалэн но удмурт культуралэн историезлы сӥзем книгаослэн авторез но кылдытӥсез луэ; солэн статьяосыз печатласькизы «Учёные записки» изданиын, научной ужъёсъя сборникъёсын Казаньын, Пермьын, Свердловскын, Ижевскын, Тартуын. Ваньзэ вераса, 300-лэсь ятыр ужъёсыз лыдъясько.

Туала дыре Зоя Алексеевналэсь мытэм ужзэ азинтэ Светлана Скопкарёва

Литературатодос

  • О творчестве Геннадия Красильникова. — Ижевск, 1962. — 80 с.
  • Творчество Кедра Митрея. — Ижевск, 1967. — 116 с.
  • Песня о родном крае: О некоторых поэтах Удмуртии. — Ижевск: Удмуртия, 1974.
  • История удмуртского романа. — Ижевск, 1978. — 135 с.
  • Русские поэты Удмуртии: Литературные портреты. — Ижевск, 1979. — 104 с.
  • Песня над Чепцой и Камой. — 2-е изд., доп. — М.: Современник, 1981.
  • Г. Д. Красильников — писатель и человек (в соавторстве с В. Ванюшевым). — 1982.
  • Восхождение: [Сост., предисл., воспоминания о Ф. Васильеве] — Ижевск, 1984. — 347 с.: 2-е изд., доп., 1996. — 475 с.
  • Я и в мире боец: Очерки, статьи, воспоминания о М. А. Лямине. — Устинов, 1986. — 288 с.
  • Как молния в ночи / Сост., предисл., статьи. О К. Герде,- Ижевск, 1998. — 750 с.
  • Река судьбы / Сост., предисл., статьи о М. Петрове. — Ижевск, 2001. — 463 с.
  • Опалённый подвиг батыра: Жизнь и творчество Кедра Митрея / Сост. З. А. Богомолова. — Ижевск, 2003. — 351 с.
  • Неумолкнувшая песнь соловья: О творчестве С. Широбокова / Сост. З. А. Богомолова. — Ижевск, 2005. — 368 с.
  • Музыка — жизнь и любовь моя / Сост., предисл., статьи, воспоминания о Г. М. Корепанове-Камском. — Ижевск, 2004, 2005.
  • Всюду — жизнь…: Статьи, очерки, литературные портреты, воспоминания. — Ижевск: Удмуртия, 2008. — 432 с.: вкл. ISBN 978-5-7659-0441-1
  • Время и Слово. Голоса современных филологов Удмуртии: Статьи, очерки, заметки / Сос. и науч. подгот. З. А. Богомоловой. — Ижевск: Удмуртия, 2010. — 544 с. ISBN 978-5-7659-0541-8
  • Литература в письмах: из переписки З. А. Богомоловой / Сост. З. А. Богомолова. — Ижевск: Удмуртия, 2010. — 368 с. вкл.; 1000 экз. ISBN 978-5-7659-0543-2

Данъетъёсыз

  • «За трудовое отличие» медаль (1944)
  • Удмурт Элькунлэн Кун премиезлэн лауреатэз (1992)
  • Калыкъёслэн эшъяськон ордензы (1999)
  • Флор Васильев нимо литературной премилэн лауреатэз
  • Россиысь литература удысын Киреевских вын-агайёслэсь нимзэс нуллӥсь «Отчий дом» премилэн лауреатэз.
  • Удмурт Элькунысь культура удысын сӥё-дано ужась
  • Удмурт Элькунлэн дано адямиез (2002)
  • Удмурт Элькунлэн Азьмуртэзлэн Данъян грамотаез[3] (2015).

Буре ваён

  • 5-тӥ тулыспалэ 2013-тӥ арын Удмурт кун филармониын Зоя Богомоловалэн вордскемез дырысен 90 ар ортчемлы сӥзем Буре ваён нунал ортчиз[4].
  • 2014-тӥ арын куартолэзе Удмурт Элькунысь Кивалтэтлэн Пуктэмезъя, арлы быдэ Зоя Богомолова нимо литературной премия юнматэмын. Премия сётӥське кык номинациын — «Литературной критика» но «Библиотека но лыдӟонъёс»[5][6].
  • 15-16-тӥ тулыспалэ 2018-тӥ арын Удмурт кун университетлэн библиотекаяз ортчиз «Богомоловские чтения» нимаськись Калыккуспо научно-практической конференция, кудӥз сӥземын вал Зоя Богомоловалэн вордскемез дырысен 95 ар тырмонлы[7][8].

Валэктонъёс

  1. ↑ Оренбургская областная библиотека имени Крупской. Богомолова Зоя Алексеевна
  2. ↑ http://finno-ugry.ru/educres/educenter_udsu/museum/scientists/Bogomolova Богомолова Зоя Алексеевна (1923—2012)
  3. ↑ «Литературная Россия» № 2008 / 8, 23.02.2015: Юбилей Зои Богомоловой Архивная копия от 4 куарусёнэ 2021 на Wayback Machine
  4. ↑ День памяти литературоведа Зои Богомоловой пройдет в Ижевске
  5. ↑ Год литературы. Подведение итогов: Премия имени Зои Богомоловой «Известия УР». 2015
  6. ↑ Присуждены ежегодные премии правительства Удмуртской республики имени З. А. Богомоловой. 2016
  7. ↑ Международная конференция «Богомоловские чтения»
  8. ↑ Библиотечная система города Сарапула стала лауреатом премии Правительства Удмуртии им. Зои Богомоловой

Литература

  • Литературы народов России: XX в.: словарь / сост. Н. С. Надъярных. — М.: Наука, 2005. — 365 с. — ISBN 5-02-010208-3.
  • Кенеш. — 2003, 1-тӥ №. — 102-103-тӥ б.

Чӧлсконъёс

«https://udm.ruwiki.ru/w/index.php?title=Богомолова,_Зоя_Алексеевна&oldid=506244»-ысь басьтэмын