13-тӥ коньывуонэ
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
13-тӥ коньывуонэ — Григориан дырпусъя — арлэн 286-тӥ нуналыз (касьян аре — 287-тӥез). Ар пумозь 79 нунал кылемын.
Нунал тодметъёс
- Гирышлэн нуналыз яке Куро Мишалэн нуналыз (ӟуч День Григория или Михаил Соломенный). Та нуналъя учко, кыӵе луоз толэд[1].
- Та дырлы туриос кошкыса вуттэмын ни ке ― толалтэ ӟырт кезьыт луоз.
- Кызьпуын куарез трос кылемын на ке ― лымы вазь уз усьы.
- Туннэ лымыяз ке ― кематэк уз на толмы.
Нимнуналзэс пусъё
- Гpигopий, Миxaил, Пётp, Aлeкcaндp, Пoлина, Эдуapд, Вacилий, Лeoнид, Aлeкceй.
Праздникъёс но буре ваён нуналъёс
ООН — Курадӟонъёсты кулэсмытонлы сӥзем калыккуспо нунал (ӟуч Международный день по уменьшению опасности бедствий).
Йӧскалык праздникъёс
Россия — Гурт удысын ужасьёслэн но сиён-юон поттӥсьёслэн нуналзы (ӟуч Дeнь paбoтникoв ceльcкoгo xoзяйcтвa и пepepaбaтывaющeй пpoмышлeннocти ΡФ[2]). Пусйиське коньывуонлэн кыкетӥ арняяз.
Азербайджан — Чугун сюрес вылын ужасьёслэн нуналзы (ӟуч День работников азербайджанской железной дороги).
Тумошо праздникъёс
- Пишмымтэослэн калыккуспо нуналзы (ӟуч Международный день неудачников).
- Умме усись писпуослэн нуналзы (ӟуч День засыпающих деревьев).
- Нылданлэн нуналыз (ӟуч День целомудрия).
- Визьтэм веранъёслэн нуналзы (ӟуч День глупых высказываний).
- Костюмлэн калыккуспо нуналыз (ӟуч Международный день костюма).
Луэм учыръёс
Удмуртиын
Россиын но дуннеын
- 54 — рим императорлэн Клавдийлэн кышноез Агриппина кузпалзэ сиыны ярантэм губиен сюдыса вием.
- 1307 — Филипп IV Великолепный корольлэн косонэзъя Франциысь вань тамплиеръёс пытсэт улэ басьтэмын вал.
- 1792 — США-лэн президентэзлэн резиденциезлэн инъетаз нырысетӥез из понэмын.
- 1805 — Наполеонлэн армиез Австриысь войскоосын Эльхингенын ожмаськиз.
- 1827 — русско-персидской ож: генерал Паскевичлэн ожгарчиосыз Эриванез киултӥзы.
- 1889 — Ватка губерниысь Сарапул утемысь Арзамасцево черкогуртын А. С. Пушкин нимо кык классъем земской училище усьтэмын.
- 1921 — Армян, Азербайджан, Грузин ССР но Турция куспын эшъяськон сярысь Карс тупанкыл гожтэмын.
- 1923 — Турцилэн шоркарез Стамбулысь Анкарае выжтэмын.
- 1941 — Муско понна ожмаськон дыръя немец армия Калугаез басьтӥз.
- 1944 — совето войскоос Ригаез немецко-фашистской оккупантъёслэсь мозмытӥзы.
- 1976 ― Челябинск миллионер инлыко кар луиз.
- 2005 — Кыкетӥ чечен ож: исламистъёс Нальчик вылэ ожалскизы.
Вордскизы
- 1700 — барон Николай Строганов (кул. 1758), быдӟым ӟуч промышленник, лушкем советник, камергер.
- 1845 — Елизавета Лавровская (кул. 1919), ӟуч оперной но концертной кырӟась (контральто), дышетӥсь.
- 1937 — Рената Владыкина, Удмуртиысь агроном.
- 1938 — Фёдор Матанцев, Удмуртиысь суредась.
- 1954 — Алексей Красильников, Удмуртиысь филолог, культуролог, кун ужчи.
- 1878 — Степан Шаумян, революционер, Бакуысь Советлэн тӧроез (1917 ар), Бакуысь 26 ыбем комиссаръёс пӧлысь одӥгез.
- 1895 — Джемаль Гюрсель, Турцилэн 4-тӥ президентэз.
- 1921 — Ив Монтан, Франциысь актёр но кырӟась.
- 1925 — Маргарет Тэтчер, Великобританиысь премьер-министр (1979—1990).
- 1927 — Тургут Озал, Турцилэн 8-тӥ президентэз.
- 1934 — Савелий Крамаров, тодмо комедийной киноактёр.
- 1956 — Крис Картер, Америкаысь сценарист но продюсер («X-Files» сериал).
