20-тӥ коньывуонэ
20-тӥ коньывуон — Григориан дырпусъя — Григориан дырпусъя — арлэн 293-тӥ нуналыз (касьян аре — 294-тӥез). Ар пумозь 72 нунал кылемын.
☀️ Ижкарын Шунды 7 час 25 минутэ ӝужа, пуксе 17 час 29 минутэ. Югыт нуналлэн кыстӥськемез 🕒 10 час 4 минут.
🌓 Нырысетӥ ньыльмосэз (будэмез 8.78 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Сергей нунал (ӟуч: Сергеев день, Сергей Зимний). Калык осконъёсъя, туннэысен, пе, тол кутске. Ӵукна нырысь ик пудоез сюдоно, шуо. Собере гинэ кузёослы ӝӧк сьӧры пуксёно. Гурез та нуналэ семьяысь тужгес пичизэ эстыны куро, озьы, пе, быдэс толзэ корка пушкын шуныт луоз. Нош йыр медаз висьы шуыса, нылкышноослы та нуналэ выль кышет керттыны дэмлало.
- Туннэ лымыяз ке ― Матронаозь (22-тӥ шуркынмонэ) толмоз.
- Нимнуналзэс пусъё
- Пелагея, Сергей (Сергий), Юлиан, Демьян, Иосиф, Леонтий, Марк, Николай.
Праздникъёс но буре ваён нуналъёс
ООН — Статистикалэн дунневыл нуналыз (пусйиське 2010-тӥ арысен 5 арлы одӥг пол).- Сиён пӧрасьлэн калыккуспо нуналыз.
- Авиадиспетчерлэн калыккуспо нуналыз.
- Остеопорозэн нюръяськонлы сӥзем дунневыл нунал.
- Йӧскалык праздникъёс
Россия —
- Военной связистлэн нуналыз.
- Атайлэн нуналыз.
- Сиён-юон поттон удысын тыршисьёслэн нуналзы.
- Сюрес лэсьтон удысын ужасьёслэн нуналзы.
- Приморье шаерлэн кылдон нуналыз.
Якутия — Анайлэн нуналыз.
Сербия — Белградэз мозмытон нунал.
- Тумошо праздникъёс
- Ленивецлэн калыккуспо нуналыз.
- Толлы ватэт дасян нунал.
Луэм учыръёс
- Удмуртиын
- 1942 — Удмурт драмая кун театрлэн Алнашын ужаны кутскиз.
- 1944 ― Ижысь металлургической завод Ленин орденэн пусъемын, Ижысь машиностроительной завод — Горд Знамя орденэн.
- Россиын но дуннеын
.jpg)
- 1517 — Португалиысь дворянин Фернан Магеллан (Fernão de Magalhães), испан короналы служить карон понна, Севильяе лыктӥз.
- 1714 — Пётр I Петербургын сяна, излэсь пуктӥськонлэсь алон сярысь Косэт гожтӥз.
- 1818 — Великобритания но США Америкалэсь но Канадалэсь огъя кунгожзэс 49-тӥ параллель кузя ортчытӥзы.
- 1822 — Англиын «The Sunday Times» газетлэн нырысетӥез номерез потӥз.
- 1827 — Грек революция: валчеяськыса англи-француз-ӟуч флот Ионической зарезьлэн Наварин бухтаяз турокъёсты куашкатӥз.
- 1880 — Мускоысь Цветной бульварын цирк ужаны кутскиз.
- 1911 — Р. Амундсенлэн экспедициез Лымшор полюслань потӥз.
- 1916 — Севастопольын «Императрица Мария» линкор пуштӥз, трос сю мурт бырыны шедиз.
- 1930 — РСФСР-ын Хакас автономной область кылдытэмын.
- 1944 ― Горд армия но Югославиысь партизанъёс Белградэз мозмытӥзы.
- 1945 — нырысьсэ Франциысь нылкышноослы быръён право сётэмын.
- 1977 — Lynyrd Skynyrd рок-группае пыриськисьёсын самолёт усиз.
- 1994 — Мускоын Ӟуч дэменлыкъёслэн Конгрессы усьтӥськиз.
- 1998 — усьтэмын «Кирилл и Мефодий» иворлыко интернет-сервер.
- 2025 — Россиысь военно-исторической общество Украиналэн дерусификациеныз нюръяськон улсын Кропивни́цький но Днепр каръёслэсь нимъёссэс веран понна «мерлыко вӧлметын, СМИ-осын, школаосын, книгапоттонниосын, интернет-вӧлметын (озьы ик картаосын)» Кировоград но Днепропетровск кылъёсты кутыны дэмлаз.
Мустай Карим, Башкортостанысь Калык кылбурчи
Вордӥськизы
- Удмуртиысь тодмо муртъёс
- 1858 — Ведерников Илларион Фотиевич — Каракулиноысь 1-тӥ гильдиысь росси купеч, черкысь староста, попечительской кенешен кивалтӥсь, меценат.
- 1903 — Николай Греховодов, крезьгурчи, дирижёр, фольклорез люкась, удмурт профессиональной крезьгурез кылдытӥсьёс пӧлысь нырысетӥез луэ.
- 1934 — Марат Каминский, Удмуртиысь юрист, дышетӥсь, юридической наукаосъя доктор.
- 1938 — Леонид Загребин, удмурт физик, физико-математической наукаосъя доктор.
- 1943 — Александр Кокорин, Ижысь суредась.
- Россиысь но дуннеысь тодмо муртъёс
- 1882 — Бела Лугоши, Америкаысь венгер актёр.
- 1891 — Джеймс Чедвик, Англиысь физик, Нобель премилэн лауреатэз (1935).
- 1919 — Мустай Карим, Башкортостанысь Калык кылбурчи.
- 1963 — Владимир Соловьёв, ӟуч журналист.
Кулӥзы
- Удмуртиысь тодмо муртъёс
- 1968 — Вера Толстая, Удмуртиысь дышетӥсь-югдытӥсь.
- 1996 — Илья Ривелис, Удмуртиысь журналист но публицист.
- Россиысь но дуннеысь тодмо муртъёс
- 1906 — Иван Захарьин (ворд. 1839), ӟуч гожъяськись-прозаик, кылбурчи, драматург, очерк гожъясь.
- 1964 — Герберт Гувер, США-лэн 31-тӥ президентэз.
- 1984 — Поль Адриен Морис Дирак, Англиысь физик, Нобель премилэн лауреатэз (1933).
- 1987 — Андрей Колмогоров, совето академик, математик.
- 1994 — Сергей Бондарчук, совето актёр но режиссёр.
- 2011 — Муаммар Каддафи, Ливиысь кун но ожгар ужась, Ливиысь Джамахирилэн тӧроез, «вож социализмлэн» идеологез.