Греховодов, Николай Максимович
| Николай Максимович Греховодов | |
|---|---|
| Вордӥськем нуналыз | 20-тӥ коньывуонэ 1903 |
| Вордӥськем интыез | Усть-Каменогорск, Семипалатинск улос, Россия империя |
| Кулон нуналыз | 22-тӥ гудырикошконэ 1971 (67 арес) |
| Кулэм интыез | Ижкар, УАССР, РСФСР, СССР |
| Ужудысэз | крезьгурчи, дирижёр, фольклорез люкась |
Николай Максимович Греховодов — крезьгурчи, дирижёр, фольклорез люкась. Вордскиз 1903-тӥ арын Усть-Каменогорск городын. Николай Греховодов — удмурт профессиональной крезьгурез кылдытӥсьёс пӧлысь нырысетӥез луэ.
Йылпумъяз Ленинградысь Н. А. Римский-Корсаков нимо консерваториез. 1936-тӥ-1938-тӥ аръёсы СССР-ысь ужаз Наукая Академилэн Этнографияя институтаз, ужа фольклор кырӟанъёс бордын. Фольклор экспедициосын Мордовие но Комие вуылэ.
1938-тӥ-40-тӥ аръёсы УдНИИ-ысь наукая ужась луэ. Собере Удмуртиысь ёросъёсы экспедициосы пота. Калык кырӟанъёсыз но гуръёсыз ог 200 пала люкаськемын ини.
1944-тӥ-63-тӥ аръёсы Удмурт театрын ужаны кутске. Татын со крезьгуръя кивалтӥсь но дирижёр луэ, удмурт спектакльёслы крезьгур гожъя.
1945-тӥ арын пусъемын УАССР-ысь искусство удысысь дано ужась нимын.
Театрын ужакуз, кылдытӥз нырысетӥ удмурт крезьгуро «Камит Усманов» драма, «Сюан» крезьгуро комедия. Аслаз произведениосаз Николай Греховодов удмурт кырӟанъёсты но крезьгуръёсты пыртэ. Удмурт фольклор пумысен малпанъёссэ «Музыкальная культура Удмуртии» сборникын шараяз. Со вакытэ ик Ижысь крезьгуръя училищеын но крезьгуръя школаын дышетӥз.
Со сяна, дасяз удмурт кырӟанъёсты хорен быдэстонлы тупась гуръёс, симфонической оркестр понна гожтӥз «Сюан» сюита.
Улонысь кошкиз 1971-тӥ арын.