10-тӥ куарусёнэ
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
10-тӥ куарусёнэ — Григориан дырпусъя — арлэн 253-тӥ нуналыз (касьян аре — 254-тӥез). Ар пумозь 112 нунал кылемын.
Нунал тодметъёс
- Зуродась Анналэн но Саввалэн нуналзы ӟуч День Анны и Саввы Скирдников. Та нуналозь бусы ужъёсты йылпумъяны тыршылӥзы. «Бусы чебер культоен, нош итым ― зуродэн» ― юнме калык уг вера. Туннэ ӟеч лэсьтэм ужъёс кык полэс пайдаен берытскозы, шуо[1].
- Туннэ куазь кӧс но шуныт ке ― кематэк уз кезьытскы.
- Туннэ куазь пӧсь ке ― ӵуказе зороз.
- Кызьпу улысен ӵужектыны кутске ке ― тулыс вазь вуоз.
Нимнуналзэс пусъё
- Aнна, Мoиceй, Aфaнacий, Дeниc, Гpигopий, Ивaн, Пaвел, Aнaтoлий, Вeниaмин, Кaccиaн, Apceний, Игнaтий, Cepгeй, Никoлaй.
Праздникъёс но буре ваён нуналъёс
— Асьсэды асьсэос быдтон учыръёсты палэнтонлы сӥзем дунневыл нунал ӟуч Всемирный день предотвращения самоубийств.
Йӧскалык праздникъёс
Гондурас — Нылпиослы сӥзем йӧскалык нунал ӟуч Национальный день ребёнка.
Китай — Дышетӥсьлэн нуналыз ӟуч День Учителя.
Гонконг — Дышетӥсьёслэн йӧскалык нуналзы ӟуч Национальный день учителя.
Тумошо праздникъёс
- Портвейнлэн нуналыз ӟуч День портвейна.
- Ымныр буянлэн калыккуспо нуналыз ӟуч Международный день макияжа.
- Турлы буёло сяська керттэтъёслэн нуналзы ӟуч День разноцветных букетов.
Луэм учыръёс
Удмуртиын
- 1895 — Вавож черкогуртын дунтэк калык библиотека-лыдӟетъюрт усьтӥськиз.
- 1929 — Сарапулын пыдкутчан лэсьтон фабрика ужаны кутскиз — Уралысь нырысетӥез пыдкутчан лэсьтонъя механической фабрика.
- 1997 — Кӧкран черкогуртын Ижевск — Балезино чугун сюрес лэсьтӥсьёслы сӥзем синпелет пуктэмын[2].
- 2001 — Красногорск черкогуртын нылпиосты утён-вордон корка усьтэмын.
- 2008 ― Ижкарын зоопарк усьтӥськиз.
- 2017 — Нырысьсэ Удмуртиысь тӧро быръёнъёсын вормиз элькунын регистрировать карымтэ мурт ― Александр Владимирович Бречалов[3].
Россиын но дуннеын
- 1627 — кардинал Ришельё Ла-Рошельын гугенотъёсты котретэ пыртыны кутскиз.
- 1721 — Ништадт карын (туала нимыз Уусикаупунки) Уйпал ожез йылпумъясь тупанкыл гожтэмын.
- 1812 — англи-американ ож дыръя (1812—1815) Эри ты дурын ожмаськонын США вормиз.
- 1823 — Перуысь конгресс Симон Боливарез «Мозмытӥсь» шуыса нимаз.
- 1835 — Германиын Нюрнбергысен Фюртозь дас иськемъем чугун сюрес усьтэмын.
- 1855 — Крым ож: Англилэн, Францилэн но Сардинилэн армизы Севастополез басьтӥз.
- 1875 — ӟуч армия Кокандэз киултӥз.
- 1918 — 5-тӥ арми, П. А. Славен кивалтэм улсын, Кузонэз мозмытӥз. Горд Армилэн та вормонэз Шундыӝужанпал фронтын нырысетӥез луиз.
- 1919 — Сен-Жермен дворецын Антанталэн кунъёсыз но Австрия куспын тупанкыл гожтэмын.
- 1939 — Канада Германилы ож ялӥз.
- 1940 — Совето Союзын паспортъёс сярысь Положение юнматэмын.
- 1942 — Нацистъёс Давид-Городокын геттоез быдтӥзы.
- 1943 — Совето войскоос Мариуполез мозмытӥзы.
- 1960 — XVII-тӥ гужем Олимпи шудонъёсын бызьылонъя марафонын вормись луиз гольык пыдын бызем Абебе Бикила, Эфиопиысь нокинлы тодмотэм спортсмен.
- 1993 — Америкаын «Fox Television» телеканалын «X-Files» («Секретные материалы») телесериаллэн нырысетӥ эпизодэз возьматэмын.
2002 — Швейцария ООН-лэн ёзчиез луиз. 2005 — Москваын «Деловой центр» нимо метро станци усьтӥськиз (2008-тӥ арысен — «Выставочная» нимаськыны кутскиз). 2016 — Москваысь центральной кольцо усьтэмын.
Вордскизы
- 1926 — Геннадий Ладыгин, Красногорск ёросысь совето гожъяськись но журналист.
- 1938 — Ирина Шабанова, Удмуртиысь тодосчи.
- 1957 — Рашит Хайдаров, Удмуртиысь гожъясь-юморист, кылбурчи но журналист.
- 1892 — Артур Холли Комптон, американ физик, Нобель премилэн лауреатэз.
- 1894 — Александр Петрович Довженко, Украинаысь кинорежиссёр, гожъяськись, кинодраматург.
- 1899 — Вольф Григорьевич Мессинг, йӧспӧртэм жанръя артист, иллюзионист, психиатр но гипнотизёр.
- 1912 — Херлуф Бидструп, Даниысь карикатураосты суредась.
- 1955 — Лариса Долина, Россиысь кырӟась.
- 1964 — Егор Летов, Россиысь кылбурчи, крезьгурчи, «Гражданская оборона» группалэн валтӥсез.
- 1968 — Гай Ричи, англи кинорежиссёр.
- 1985 — Йиппу (зэмос нимыз Meri-Tuuli Kankainen), финн кырӟась но кырӟан гожъясь.
Кулӥзы
- 1849 — Россиысь Быдӟым князь Михаил Павлович, Павел I эксэйлэн ньылетӥ пиез.
- 1975 — Джордж Паджет Томсон, англи физик-электронщик, Нобель премилэн лауреатэз (1937).
- 1982 — Иван Скобелев, Граждан но Быдӟым Атыкай ожъёсы пыриськем мурт, Совето Союзлэн Героез.
- 2019 — Альберт Разин, тодмо удмурт тодосчи, социолог, философия наукаосъя кандидат, мерлыко ужчи.
Валэктонъёс
- ↑ 10 сентября: что можно и чего нельзя делать в этот день. Умываться студеной водой и не делать предложений второй половине
- ↑ 12 сентября в Ижевском регионе ГЖД – филиала ОАО "РЖД" прошли мемориальные мероприятия "Поезд Памяти", посвященные 70-летию начала строительства железной дороги Ижевск-Балезино(ӟуч) Горьковская ЖД (2012-09-13). Эскеремын 2017-09-19 аре
- ↑ Медведев: результаты выборов в Удмуртии дадут Бречалову право прописаться в регионе(ӟуч) ТАСС (2017-09-10). Эскеремын 2017-09-14 аре