Хайдаров, Рашит Осипович

Рашит Осипович Хайдаров
Вордӥськем нуналыз	10-тӥ куарусёнэ 1957({{padleft:1957|4|0}}-{{padleft:9|2|0}}-{{padleft:10|2|0}}) (68 лет)
Вордӥськем интыез	Шудек[d], Янаул ёрос[d], Башкир Автономной Советской Социалистической Республика[d], РСФСР, СССР
Кун	Россия
Ужудысэз	журналист, гожъяськись

Раши́т О́сипович Хайда́ров (псевдонимез Рашит Хайдар ворд. 10-тӥ куарусёнэ 1957, Шудек^[d], Башкир Автономной Советской Социалистической Республика^[d]) — удмурт журналист, гожъяськись-сатирик, Россиысь гожъяськисьёслэн союззылэн ёзчиез, Удмурт Элькунысь дано журналист (1995).

Улон сюресэз

Вордӥськемын Башкириын, Янаул ёросысь Шудек гуртын огшоры крестьян семьяын. Тямыс классэз йылпумъяса, колхозын ужаз. Собере дышетсконзэ шор ёзо школаын азьланьтӥз. 1976-тӥ арын Ижкарысь Удмурт кун университетэ дышетскыны пыриз. Куинетӥ курсэз йылпумъямез бере, заочной амалэн дышетскыны выжиз, со дыре ик «Советской Удмуртия», али «Удмурт дунне» газетэ ужаны интыяськиз. Корреспондент, старшой корреспондент, кылкутӥсь секретарьлэн воштӥсез вал, сатирая но юморъя отделэн кивалтӥз. 13 ар ӵоже нуиз арнялы быдэ потӥсь «Шӧкыч» бамез. 1991—2004-тӥ аръёсы «Вордскем кыл» журналлэн валтӥсь редакторезлэн воштӥсез вал. Солэн кичӧлтэмезъя журналын покчи книжкаос поттыны кутскизы. Кӧня ке ар ӵоже «Герд» газетлэн валтӥсь редакторез луыса тыршиз.

Литература удысын

Маскара веросъёсын нырысетӥез «Колӟо» бичетэз 1988-тӥ арын печатласькиз. Собере «Ачим» (1999), «Портрет с натуры» (2007, Расил Сабировлэн берыктэмез) бичетъёсыз потӥзы. Нылпиослы нимаз книгаоосын поттэмын: «Вукарнан» (1992), «Ӟечыран» (1995), «Сюрес» (1998), «Зор пилем» (2001). Озьы ик «Вуюись» (1990), «Котырысь улон но мон» (2003), «Зарни дэремен шунды» (2006). Гожъямъёсыз хрестоматиосы но семьяен лыдӟон «Азвесь кышетэн толэзь» книгае пыртэмын (2007).

Ӧнерлыко литература удысын 2008-тӥ арысен тырше. Маскара веросъёсыз, новеллаосыз, кылбуръёсыз газет-журналъёсын но огъя бичетъёсын потылэм сяна, радио но телевидение пыр чузъяськыло. Произведениосыз финн-угор но тюрк кылъёсы берыктэмын. Тросэз кылбуръёсыз кырӟанлы пӧрмытэмын.

Семьяез

Кык пол кышнояськемын (нырысетӥ кышноеныз люкиськемын), кунь нылпи будэтӥз. Улэ Ижын.

Валэктонъёс