Разин, Альберт Алексеевич

Альберт Алексеевич Разин
Альберт Алексеевич Разин
Вордӥськем дырыз	12-тӥ инвожое 1940
Вордӥськем интыез	Кузьымгурт, Алнаш ёрос, Удмурт Автономной Советской Социалистической Республика, РСФСР, СССР;
Кулэм дырыз	10-тӥ куарусёнэ 2019 (79 лет)
Кулэм интыез	Иж, Россия;
Кун	СССР; Россия;
Тодос удысэз	Философия[d]
Ужан интыез	Удмурт кун университет;
Дышетскемез	Удмурт кун университет (1962);
Учёной степенез	философия тодосъёсъя кандидат[d]
Учёной званиез	доцент[d]

Альберт Алексеевич Разин (12-тӥ инвожое 1940, Кузьымгурт, Удмурт Автономной Советской Социалистической Республика — 10-тӥ куарусёнэ 2019, Иж) — Удмуртиысь мерлык удысын ужась^[1]удмурт неоязычествоез азинтӥсь, философи тодосъёсъя кандидат.

Улон сюресэз

Вордӥськиз 1940-тӥ арын 12-тӥ инвожое Удмурт Элькунысь Алнаш ёросысь Кузьымгуртын. Анаез — Разина Ирина Ивановна, кулӥз 1989-тӥ арын. Кыкто выныз — Рево Алексеевич Разин.

1962-тӥ арын Педагогикая удмурт кун университетэз «Химииен но биологиен дышетӥсь» удысъя йылпумъяз. Университетысь йӧскалык кусыпъёсъя лабораториез кылдытӥсьёсыз пӧлысь одӥгез. 1992-тӥ арын университетын «Институт человека» нимо ёзэтэз кылдытыны юртӥз. Собере ачиз ик со Институтэн кивалтӥз.

1996-тӥ арын кыкетсэ кышнояськиз. Кузпалыз — Юлия Разина (ворд. 1966-тӥ арын 11-тӥ пӧсьтолэзе), гожъяськись, кылбурчи^[2], филологи тодосъёсъя кандидат^[3]. Нылзы — Софи Разина (ворд. 1993-тӥ арын).

Философи тодосъя кандидат^[4], диссертациезлэн темаез — «Проблема формирования личности сельского труженика». Доцент.

Берпуметӥ шара выступлениез ортчиз 2019-тӥ арын 6-тӥ куарусёнэ Удмурт йӧскалык библиотекаын. Отын со удмурт лулчеберетэз утьыны курыса вазиськиз.

Мерлыко но вӧсьбуро ужудысын

1990-тӥ аръёслэн кутсконысеныз Разин удмурт неоязычествоез азинтон борды басьтӥськиз. Ижкарысь Кызьпу арамаын выльдэм [ӟуч] (удм. языческой сям-йылолъёс ортчытъялляз, удмурт лулчеберетъя «Дэмен» (ӟуч: «Напутствие») огазеяськон кылдытӥз. Удмурт калыкез языческой осконъёссы борды берытскыны ӧтьылӥз. «Удмурт Кенеш» огазеяськонлэн мыло-кыдо ёзчиез вал, школаосын одно ик удмурт кылэз дышетон понна туж зол вераськылӥз. Со пумысен Кун Кенешысь депутатъёслы «Удмуртский этнос исчезает» нимо шара гожтэт дасяз^[5].

Анай кылэз мылкыд каремъя дышетон сярысь катӵектосэз кутонлы пумит луыса, 2019-тӥ арын 10-тӥ куарусёнэ 9 час 45 минутэ Удмуртилэн Кун Кенешез азьын ассэ сутыса быдтӥз^[6]. 14 час 20 минутэ реанимациын кулӥз^[7].

Разинлэн быремез Удмуртиысь мерлык но политика удысын ужасьёс понна туж малпамтэ шорысь луиз, удмурт кылэз но лулчеберетэз азинтонын бадӟым ыштон вайиз. Со пумысен семьяезлы мур куректэмзэс веразы Удмурт Элькунлэн тӧроез Александр Бречалов^[8], «Удмурт Кенеш» огазеяськонлэн кивалтӥсез но Кун Кенешлэн депутатэз Татьяна Ишматова, Йӧскалык политикая министр Лариса Буранова но мукетъёсыз. Шуэрес учырен валче, Кун Кенешлэн сессиез 24-тӥ куарусёнэ выжтэмын вал^[9].

Люкиськон ужрад ортчиз Удмурт йӧскалык театрын 2019-тӥ арын 12-тӥ куарусёнэ 12 часын. Разинлэн азьпал гожтыса кельтэм куронэзъя, шӧйыз сутэмын но пенез вордӥськем Кузьымгуртаз пазямын вал.

Данъетъёсыз

Трокай Борисов нимо премилэн лауреатэз;
Алнаш ёрослэн дано муртэз.

Валэктонъёс

↑ Филатов, 2006, с. 92: «Альберт Разин также один из основателей и активных участников неоязыческого движения».
↑ Юлия Николаевна Разина [ӟуч] Финно-угорский мир. Эскеремын 2025-10-04 арын
↑ Поздравляем с защитой кандидатской диссертации [ӟуч] УдГУ (2018-12-26). Эскеремын 2025-10-04 арын
↑ Поздравляем с защитой кандидатской диссертации [ӟуч]
↑ Ирина Бурцева (2019-09-10) «Я готов сегодня умереть»: Что известно про учёного, устроившего самоподжог у здания Госсовета Удмуртии в Ижевске [ӟуч] Комсомольская правда. Эскеремын 2025-10-04 арын
↑ Михаил Красильников (2019-09-10) «Есть ли у меня Отечество?» [ӟуч] Коммерсантъ. Эскеремын 2025-10-04 арын
↑ Получивший ожоги в Ижевске учёный умер в больнице [ӟуч] РБК (2019-09-10). Эскеремын 2025-10-04 арын
↑ Глава Удмуртии призвал не спекулировать на инциденте у здания Госсовета [ӟуч] ТАСС (2019-09-10). Эскеремын 2025-10-04 арын
↑ За ситуацией с ЧП у Госсовета Удмуртии наблюдает член Совета по правам человека [ӟуч] ИА «Удмуртия» (2019-09-10). Эскеремын 2025-10-04 арын

Литература

Филатов С. Б. Удмуртское язычество (Удмурт Вось) // Современная религиозная жизнь России. Опыт систематического описания / Отв. ред. М. Бурдо, С. Б. Филатов. — М.: Логос, 2006. — Т. 4. — С. 92—100. — 366 с. — 2000 экз. — ISBN 5-98704-057-4.

Чӧлсконъёс

[_45d6adfaf16b4ca5-1] Филатов, 2006, с. 92: «Альберт Разин также один из основателей и активных участников неоязыческого движения».

[2] Юлия Николаевна Разина [ӟуч] Финно-угорский мир. Эскеремын 2025-10-04 арын

[3] Поздравляем с защитой кандидатской диссертации [ӟуч] УдГУ (2018-12-26). Эскеремын 2025-10-04 арын

[4] Поздравляем с защитой кандидатской диссертации [ӟуч]

[5] Ирина Бурцева (2019-09-10) «Я готов сегодня умереть»: Что известно про учёного, устроившего самоподжог у здания Госсовета Удмуртии в Ижевске [ӟуч] Комсомольская правда. Эскеремын 2025-10-04 арын

[6] Михаил Красильников (2019-09-10) «Есть ли у меня Отечество?» [ӟуч] Коммерсантъ. Эскеремын 2025-10-04 арын

[7] Получивший ожоги в Ижевске учёный умер в больнице [ӟуч] РБК (2019-09-10). Эскеремын 2025-10-04 арын

[8] Глава Удмуртии призвал не спекулировать на инциденте у здания Госсовета [ӟуч] ТАСС (2019-09-10). Эскеремын 2025-10-04 арын

[9] За ситуацией с ЧП у Госсовета Удмуртии наблюдает член Совета по правам человека [ӟуч] ИА «Удмуртия» (2019-09-10). Эскеремын 2025-10-04 арын

[1]

[2]

[3]

[4]

[5]

[6]

[7]

[8]

[9]