Ишматова, Татьяна Витальевна
| Татьяна Витальевна Ишматова | |
|---|---|
 | |
| Вордӥськем нуналыз | 11-тӥ инвожое 1980 (46 арес) |
| Вордӥськем интыез | Алнаш, Алнаш ёрос, УАССР, СССР |
| Кун | |
| Ужудысэз | политик |
| Данъетъёсыз |
«Егитъёсын ӟеч ужамез понна» Удмурт Элькунысь Егитъёсын ужанъя Кун комитетлэн гадьпусэныз; Удмурт Элькунысь Данъян пул вылэ пыртэмын; Росси Федерациысь Дышетонъя министерстволэн Таукаронэныз; Удмурт Элькунысь Йӧскалык политикая министерст волэн Данъян грамотаеныз. |
Татьяна Витальевна Ишматова ворд. 11-тӥ инвожое 1980, Алнаш, Удмурт Автономной Советской Социалистической Республика — Россиысь Федерал кенешысь Кун Думалэн IX ӧтчамезлэн депутатэз, «Единая Россия» фракцилэсь[1]. Удмурт Элькунысь Кун Кенешлэн Тӧроезлэн воштӥсез, Кун Кенешлэн Наукая, образования но мерлыко граждан институтъёсты азинтонъя ялан ужась ӧрилэн тӧроез (2022—2026). Единая Россия фракцилэн ёзчиез[2].
Улон сюресэз
Вордӥськиз 1980-тӥ арын 11-тӥ инвожое Удмурт АССР-ысь Алнаш ёросысь Алнаш черкогуртын. 2002-тӥ арын йылпумъяз Удмурт Кун университетысь Кунгожсьӧр кыдлъёсъя но литератураосъя ёзэтсэ, специальностез — «филология»; ФГБОУ ВПО «Росси Федерацилэн Азьмуртэз улсын Калык возёсъя но кун службая Росси академиез», кун но муниципал кивалтон. Политикае выжытозяз, эстрадая удмурт кырӟанъёсты быдэсъяменыз тодмо луиз[3].
Ужудысэз
2000-тӥ ― 2007-тӥ аръёсы Егитъёсын ужанъя Кун комитетлэн Кун ужъюртаз егитъёсын ужанъя ӧнерчи луыса ужаз;егитъёслэн «Шунды» дэменлыксылэн тӧроез вал;
2006-тӥ ― 2010-тӥ аръёсы ГОУ Кузебай Герд нимо Удмурт кун йӧскалык гимназиын ватсам образования директорлэн воштӥсез вал;
2009-тӥ ― 2017-тӥ аръёсы Удмурт Элькунысь Йӧскалык политикая министрлэн воштӥсез вал;
20016-тӥ арын 12-тӥ тулыспалэ Ижкарын ортчем XIII Огъяудмурт съездын «Удмурт кенеш» Огъяудмурт ассоциацилы тӧрое быръемын[4];
2017-тӥ ― 2022-тӥ аръёсы ― Наукая, образования, лулчеберетъя, йӧскалык но егитъёсын ужан политикая но спортъя ялан ужась ӧрилэн тӧроез.
2022-тӥ арысен — Удмурт Элькунысь Кун Кенешлэн тӧроезлэн воштӥсез, Кун Кенешлэн Наукая, образования но мерлыко граждан институтъёсты азинтонъя ялан ужась ӧриезлэн тӧроез.
Кун Кенеше ньылетӥ, куатетӥ но сизьыметӥ ӧтчамъёсаз депутатэ бырйиськылӥз.
2026-тӥ арын Росси Федерациысь Федерал кенешысь Кун Думалэн IX ӧтчамаз «Единая Россия» партилэсь быръемын, тодосъя но дышетонъя ӧрие пыриз[5][1]. Соин валче Кун Кенешысь дырызлэсь вазь потӥз[6].
Валэктонъёс
- ↑ 1 2 Депутата Госдумы от Удмуртии Ишматову включат в комиссию по науке и образованию, Коммерсантъ (1 коньывуонэ 2026). Эскеремын: 1 коньывуонэ 2026 арын.
- ↑ Ишматова Татьяна Витальевна
- ↑ Заместителем председателя Госсовета Удмуртии избрали Татьяну Ишматову
- ↑ Татьяна Ишматова большинством голосов избрана президентом Ассоциации «Удмурт кенеш» на XIII Всеудмуртском съезде
- ↑ Депутат из Удмуртии войдет в состав комитета по науке и образованию Госдумы России
- ↑ Депутат Госдумы Ишматова сложила полномочия вице-спикера Госсовета Удмуртии, Коммерсантъ (2 коньывуонэ 2026). Эскеремын: 3 коньывуонэ 2026 арын.