Кузьымгурт
| Гурт | |
| Кузьымгурт | |
|---|---|
 | |
| 56°11′16″ с. ш. 52°43′57″ в. д.GЯO | |
| Кун | |
| Улӥсез | |
| Улӥсез | |
| Цифровой идентификаторъёс | |
| Телефон кодэз | 34150 |
| Почта индекс | 427894 |
|
|
|
Кузьымгурт (ӟуч: Кузюмово) — Алнаш ёросысь удмурт гурт, пыре «Азамат» интывыл ёзэтэ.
Интыяськемез
Интыяськемын 16 иськемын Алнашлэсь но 79 иськемын Ижкарлэсь, Варӟи шурлэн ярдуръёсаз.
Улӥсьёс
2008-тӥ арын 1-тӥ толшоре гуртын 457 адями лыдъяськиз.
Историез
1841-тӥ арын Ӟатча черкогуртын Спасо-Николаевской черк усьтӥськиз. Мукет гуртъёсыз сяна, со борды Кузьымгуртэз но гожтӥзы[2]. 1859-тӥ арын ортчем дасэтӥ ревизилэн йылпумъянъёсызъя, Ватка губерниысь Алабго утемысь Кузьымгуртын 54 азбарын 174 пиосмурт но 189 кышномурт улӥз[3]. Ключёвка черкогуртын Вознесенской черк усьтӥськем бере гуртын улӥсьёсты выль черк борды гожтӥзы[2].
1921-тӥ арын, Вотской автономной улос кылдэмен валче, гурт Можга утеме сётэмын. 1924-тӥ арын, сельсоветъёс бадӟымамен, Кузьымгурт Алнаш волостьысь Тыло сельсоветэ пыриз.1929-тӥ арын уездъёс но волостьёс быдтэмын, соин валче гурт Алнаш ёросэ пыриз[4]. Со аре ик быдэс Совето Союзын коллективизвция кутске, соку гуртын «Имени Кирова» сельхозартель (колхоз) кылдытэмын вал.
1954-тӥ арын Тыло сельсовет быдтэмын, гурт Ӟатча сельсоветэ пыриз, нош 1958-тӥ арын Азамат сельсоветэ выжтэмын[4].
2004-тӥ арын 16-тӥ шуркынмонэ Азамат сельсовет «Азамат» муниципал кылдытэтлы пӧрмытэмын.
2025-тӥ арын Кузьымгурт «Азамат» интывыл ёзэтэ пыре.
Мерлыко удыс
- Кузьымгурт покчи ёзо школа — 2008-тӥ арын 27 дышетскисез.
- Кузьымгурт нылпи сад.
2016-тӥ арлэн пумаз выль сюрес лэсьтэмын, со Кузьымгуртэз Алнаш — Ӟатча сюресэн герӟа. Асфальтобетонлэсь сюрес кылдӥз «Гурт сюресъёс» федерал программа улсын[5].
Тодмо гуртоос
- Оськин, Михаил Алексеевич — удмурт самодеятельной крезьгурчи, Удмуртиысь культура удысысь дано ужась.
- Разин, Альберт Алексеевич — Удмуртиысь мерлык удысын ужас, удмурт неоязычествоез азинтӥсь, тодосчи, философи тодосъёсъя кандидат.
- Разин, Рево Алексеевич — тодосчи, философия наукаосъя кандидат.
Валэктонъёс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ 1 2 Составители: И. Н. Зайцева, Г. И. Самарцева. Православные храмы Удмуртии: Справочник-указатель / Науч. ред. А. А. Тронин. — Ижевск: Удмуртия, 2000. — С. 68. — 480 с. — 1100 экз. — ISBN 5-7659-0011-9.
- ↑ Списки населенных мест Российской империи. Список населенных мест по сведениям 1859—1873 годов. — Т. X Вятская губерния. — С. 193.
- ↑ 1 2 Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.
- ↑ Сельские дороги Удмуртии: дорога на Кузюмово [ӟуч] Удмуртавтодорстрой.