Скобелев, Иван Алексеевич

Иван Алексеевич Скобелев
Иван Алексеевич Скобелев
Вордӥськем дырыз	1-тӥ куартолэзе 1901
Вордӥськем интыез	Киров улос
Кулэм дырыз	10-тӥ куарусёнэ 1982 (81 арес)
Кулэм интыез	Сарапул
Кунмуртлыкез	РСФСР; СССР
Кыӵе войскоез	пехота
Званиез	рядовой
Ожмаськонъёс/ожъёс	Граждан ож ; Быдӟым Атыкай ож

Ива́н Алексе́евич Ско́белев (1901—1982) — Граждан но Быдӟым Атыкай ожъёсы пыриськем мурт, Совето Союзлэн Героез (1945).

Улон сюресэз

Вордскиз 1901-тӥ арын 1-тӥ куартолэзе Салья гуртын (али Киров улосысь Кильмезь ёросэ пыре) удмурт семьяын. 1919-тӥ арын Горд армие басьтэмын. Граждан оже пыриськиз, со йылпумъяськем бере демобилизировать каремын вал. Выль Мултанысь педтехникумез йылпумъяса, гуртысьтыз начальной школаын 15 ар пала дышетӥсь луыса ужаз. 1941-тӥ арын гудырикошконэ Скобелевез Кильмезь военкомат пыр нош ик армие басьтӥзы но Быдӟым Атыкай оже келязы. Ожмаськиз Шундыпуксён, Калинин, Уйпал-Шундыпуксён, Лымшор-Шундыпуксён, 3-тӥ, 2-тӥ но 1-тӥ Украин фронтъёсын. Куинь пол сосырмылӥз^[1].

1945-тӥ арын толшорлы Иван Скобелев красноармеец 1-тӥ Украин фронтлэн 52-тӥ армиезлэн 780-тӥ стрелковой полказ пулемётчик вал. Висъяськиз Польшаез мозмытон дыръя. 1945-тӥ арын 25-тӥ-26-тӥ толшоре уйин Скобелев нырысетӥосыз пӧлын Одер шурез йӧ вылтӥз потӥз. Одер шурлэн шундыпуксён палаз ожмаськыку, роталэсь бырем командирзэ воштӥз, эшъёссэ контратакае ӝутӥз, тушмонэз палэнтыса но траншеяослэсь кык чурзэс киултыса. Немецъёслэсь контратакаоссэс палэнтон дыръя Скобелев ачиз 20 пала тушмон солдатъёсты но офицеръёсты быдтӥз^[1].

СССР-ысь Вылӥ Кенешлэн президиумезлэн 1945-тӥ арын 10-тӥ оштолэзе поттэм косэтэзъя командованилэсь ожгар заданиоссэ адӟем карымон быдэстэмез но ассэ геройлыко но сэзь возьматэмез понна Иван Алексеевич Скобелев Совето Союзысь Герой нимын, Ленин орденэн но «Зарни Кизили» медален (7783 номер) пусъемын вал^[1].

Быдӟым ож бырем бере И. А. Скобелевез демобилизировать каризы. Нырысь улӥз но ужаз вордскем палъёсаз, собере Сарапулын. Улонысь кошкиз 1982-тӥ арын 10-тӥ куарусёнэ. Ватэмын Салья гуртаз^[1].

Данъетъёсыз

Совето Союзлэн Героез (10.04.1945)
Ленин орден
«Зарни Кизили» медаль (7783 номер)^[2]
медальёс, соос пӧлын «За отвагу» медаль (23.10.1943)^[2]

Буре ваён

Кировысь Вормон паркысь гранит стела вылын И. Скобелевлэн нимыз пусъемын

Геройлэн нимыз Кировысь Вормон паркысь гранит стела но Ижысь Ялан ӝуась тыл дорысь буре ваён стела вылын пусъемын.
Озьы ик солэн нимыз зарни букваосын гожтэмын Мускоысь Вормон паркысь Быдӟым Атыкай ожлэн валтӥсь музеезлэн Данъян залаз.

Валэктонъёс

↑ ¹ ² ³ ⁴ Иван Алексеевич Скобелев [ӟуч] «Герои страны» сайт.
↑ ¹ ² Наградной лист в электронном банке документов «Подвиг народа».

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Герои Советского Союза — кировчане. — Киров, 1985. — Вып. 3.
ГСС, ГРФ, ПКОС — наши земляки. — Ижевск, 1995.
Кулёмин И. Г. Героев наших имена. — Ижевск, 1975.

[wh-1] ¹ ² ³ ⁴ Иван Алексеевич Скобелев [ӟуч] «Герои страны» сайт.

[:0-2] ¹ ² Наградной лист в электронном банке документов «Подвиг народа».

[1]

[2]