Киров
| Кар | |||||
| Киров | |||||
|---|---|---|---|---|---|
| Файл:Архитектурный ансамбль Трифонова монастыря, вид с озера осенью.jpg | |||||
|
|||||
| 58°36′ с. ш. 49°39′ в. д.GЯO | |||||
| Кун | |||||
| Тӧро | Валерий Николаевич Владыкин[d] но Ковалёва, Елена Васильевна[d] | ||||
| Историез но географиез | |||||
| Кылдэмын | неизвестно | ||||
| Нырысьсэ пумиське | 1374 | ||||
| Быдӟалаез | 169,73 км² | ||||
| Шор интыезлэн ӝуждалаез | 150 | ||||
| Часовой поясэз | UTC+3:00 | ||||
| Улӥсез | |||||
| Улӥсез | |||||
| Ӵемлыкез | 3070,12 мурт/км² | ||||
| Агломерация | ог 750 сюрс | ||||
| Цифровой идентификаторъёс | |||||
| Телефон кодэз | 8332 | ||||
| Почта индекс | 610000–610050 | ||||
|
|
|||||
| mo-kirov.ru | |||||
|
|
|||||
 Медиафайлъёс РувикиМедиа пушкын | |||||
![Флагез[d]](/wiki/%D0%A4%D0%B0%D0%B9%D0%BB:Flag_of_Kirov_(Kirov_oblast).svg)
Ки́ров (удмурт сямен озьы ик Вятка но Кылно) — Россиысь кар, Киров улослэн центрез. 1780-тӥ арозь Хлынов, 1780-1934-тӥ аръёсы Вятка.
Ватка шурлэн паллян ярдураз сылэ но шур кузя 20 искем кыстӥське. Ижлэсь 287 иськемлы но Мусколэсь 896 иськемлы палэнын интыяськемын. 2010-тӥ арын ортчытэм Россиысь калыкез лыдъян-чотанъя Кировын 474 сюрс адями улэ вал.
Историез
Н. М. Карамзинлэн «Российской Государстволэн Историез» книгаяз пусъемын: туала Киров котырысь музъемъёс вылэ 1174-тӥ арын ӟуч адямиос интыяськизы. 1374-тӥ арын Новгородысь ушкуйникъёс Вятка гурт кылдыто, сое йылсам юбоослэсь лэсьтэм кенерен котырыто.
1391-тӥ арын Бектут бигер ханлэн кивалтэмез улсын гурт быдэсак сутэмын вал. Со дырысен Мускоысь но Зарни Ордаысь ожгарчиос татчы ӵемысь вуылыны кутско.
1401-тӥ арын галицкой князъёс та музъемъёсын кивалтыны кутско. Мусколэн политикаезлы пумитъяськыса, татын кремль ӝутэмын но выль карлы Хлынов ним сётэмын.
1489-тӥ арын Хлынов Муско кун борды весяклы итӥськиз.
1708-тӥ арозь Хлынов Сибирской губерние пыре вал. 1727-тӥ арысен Кузон губернилэн люкетэз луиз.
1722-тӥ арын Хлыновын нырысетӥ школа усьтэмын, 1758-тӥ арын сое духовной семинарие выжто.
1780-тӥ арын Екатерина II-лэн указэзъя Вятка наместничество кылдытэмын но Хлыновлы Вятка выль ним сётэмын. 1797-тӥ арын наместничество интые губерния кылдыто. Со арысен Вятка — губернской город лыдъяськыны кутскиз. Карысь юртъёсты лэсьтонъя выль план юнматэмын (ульчаосты шонертон, излэсь юртъёсты ӝутон).
1916-тӥ арын карын 44 промышленной предприятие лыдъяське вал, отын 2 сюрслэсь ятыр адямиос ужазы.
1929-тӥ арын Ватка Нижегородской улосвылосэ пырыны кутске. 1934-тӥ арын Вяткалы выль ним сёто — Киров, но Киров улосвыл кылдыто.
Ёросъёс
Кар ньыль ёрослы люкемын: Ленин, Первомай, Октябрь но Нововятск.
Театръёс
- Драмая кун театр
- Егит учкисьлэн театрзы
- Мунё кун театр
Музейёс
- Краеведческой музей
- В. М. но А. М. Васнецовъёс нимо чеберлыкъя музей (усьтэмын 1910-тӥ арын, архитекторез — И. Дюсор де Невиль)
- М. Е. Салтыков-Щедринлэн музеез
- А. С. Гринлэн музеез
- К. Э. Цилковский нимо музей
- Вятка улосысь чеберлыко киужъёсъя музей (дано луэ «Дымковской шудон» арбериосын)
Архитектурной синпелетъёс
Трифоновской монастырьscm ватка барокко стилья пуктэм Успенской собор (1686), Преображение Спас черк, кар паркын А. Л. Витберг архитекторлэн проектъёссыя ӝутэм юртъёс, XVIII дауре классицизм амалэн пуктэм улон коркаос, Троицкой черк (1770).
Экономика
Валтӥсь заводъёс: «Лепсе нимо электромашзавод», «Маяк», «Физприбор», «Крин» но мукетъёсыз. Валтӥсь комбинатъёс: пыдкутчан, «Исток», текстильной. Валтись фабрикаос: спичка поттон, крезьгур инструментъёсты поттон.
Дышетон удыс
- Ватка кун агротехнической университет,
- Ватка кун университет,
- Кировысь кун эмтодос университет.
Сюрес ёзъёс
Порт. Аэропорт. Горький нимо чугун но федеральной машина сюресъёс.
Сӥё-дано адямиос
Кировын улӥзы гожъяськисьёс М. Е. Салтыков-Щедрин, А. С. Грин, суредасьёс В. М. и А. М. Васнецовёс, К. Э. Циолковский, эмчиос В. М. Бехтерев но А. Н. Бакулев, революционеръёс А. И. Герцен но С. Н. Халтурин