Коньывуон
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
Коньывуон ӟуч Октя́брь (лат. octo — восемь) — Григориан дырпусысь дасэтӥез толэзь, тямысэтӥез вашкала рим дырпусын (Юлий Цезарьлэн реформаозяз 1-тӥ южтолэзе кутске вал).31 нуналъем сизьым толэзь пӧлысь одӥгез. Лымшор полушариын тулыслэн кыкетӥ толэзез лыдъяське, Уйпал полушариын ― сӥзьыллэн кыкетӥез. Тол дыре выжись кунъёсын но улосъёсын тужгес кузез толэзь лыдъяське (745 час).
Туала вакытэ григориан дырпусъя 30-тӥ коньывуонозь шунды Нылмуртлэн кизилисузьетаз интыяськемын луэ, 30-тӥ коньыывуонысен ― Безменлэн кизилисузьетаз[1] (мукет тодэтъёсъя — 31-тӥ коньывуонэ[2]).
Нимыз сярысь
Октябрь толэзьлэн ӟуч нимыз лат. octō — "восемь кыл бордысь потэмын. Удмурт нимъёсыз: Пукротолэзь ӟуч месяц Покрова, Коньы толэзь ӟуч беличий месяц яке Коньывуон толэзь ӟуч месяц прихода белки (месяц готовности шкурки белки для охоты), Выль ӝук толэзь ӟуч месяц новой каши[3]. Туала литернатурной кылын коньывуон яке коньывуон толэзь нимъёсыз юнмамын.
Инкуазь воштӥськонъёс
Россилэн шор люкетаз коньывуон толэзе омырлэн шоро-куспо температураез +6 °C котыр возиське. Куазь пильмо но салкым луэ. Векчи пужнӥсь зор ӵемысь лымыпырыослы пӧрмыса усе, тӧлаське, писпуосысь берпум куаръёсты ишка но музъем вылэ вале. Уйёс пеймытэсь но юз-юз кезьытэсь луо, пужмертылэ. Нунал ялан вакчия но вакчия. Шуръёс но тыметъёс кебалляло, сюресъёс тулегесь луо. Шуныт шаеръёсы лобо лудӟазегъёс, лудӵӧжъёс, нурканъёс, сьӧдкуакаос. Коньывуон ― писпу мерттон вакыт. Мушъёсты тол коркаязы ― омшаннике пырто. Куд-ог дыръя шуныт нуналъёс берытскыло ик, толэзь кутсконын, нотуж вакчи дырлы. Пукро бере (14-тӥ коньывуон) шунытэз эн возьма ни, шуо. Толэзь пумын музъем лымыен шобырске.
Кылбурет но устолык
- Ефим Волков «Октябрь» суред[4]
Визькылъёс но калык чакланъёс
- Коньывуон толэзе гудырям толалтэ лымытэм луон сярысь вера[5].
- Куар му вылэ мыддорин палыныз выллань усе ке — урожай удалтоз[5].
- Коньывуонэ толэзь котретын ке — гужем кӧс луоз[5].
- Коньывуон толэзь азьын кызьпуос гольык кылё[5].
- Тыпыысь но кызьпуысь куар быдэсак усиз ке — ар капчи луоз, кӧняез ке кылемын ке — тол лекъяськоз[5].
Валэктонъёс
- ↑ За год Солнце проходит не через 12, а через 13 созвездий. Новый знак зодиака — «Змееносец»
- ↑ Климишин И. А.часть=. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
- ↑ Названия месяцев в письменных памятниках удмуртского языка XVIII века
- ↑ Моя Третьяковка. Ефим Волков. Октябрь
- ↑ 1 2 3 4 5 Круглый год. Русский земледельческий календарь / Сост., вступ. ст. и примеч. А.Ф. Некрыловой. — М.: Правда, 1991. — 496 с. — 800 000 экз. — ISBN 5-253-00598-6.
Чӧлсконъёс
- Октябрь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
 | |
|---|---|
| В библиографических каталогах |
|
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |