5-тӥ коньывуонэ
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
5-тӥ коньывуонэ — Григориан дырпусъя — арлэн 278-тӥ нуналыз (касьян аре — 279-тӥез). Ар пумозь 87 нунал кылемын.
Нунал тодметъёс
- Куар усён нунал (ӟуч Листопадная). Туннэысен кезьыт сӥзьыл вакыт кутске ини, ӵемысь тӧлаське, берпум куаръёсты писпуосысь ишке[1].
- Кызьпу куар татчыозь усьыса бырымтэ на ке — бер толмоз.
Нимнуналзэс пусъё
- Мaкap, Пётp, Фёдop, Фoка, Кузьма, Никoлaй, Мapтин, Aндpeй, Aлeкcaндp, Фeoфaн, Aппoлинapий, Бapтoлoмeй.
Праздникъёс но буре ваён нуналъёс
ООН — Дышетӥсьёслэн дунневыл нуналзы (ӟуч Всемирный день учителей).- Пыдын ветлонлэн дунневыл нуналыз (ӟуч Всемирный день хотьбы).
Йӧскалык праздникъёс
Россия — Уголовной розыскын ужасьёслэн нуналзы (ӟуч День работников уголовного розыска).
Таджикистан — Кун кыллэн нуналыз (ӟуч День государственного языка).
Португалия — Элькунлэн нуналыз (ӟуч День республики).
Хорватия — Чугун сюресъёслы сӥзем нунал (ӟуч День Хорватских железных дорог).
Молдавия — аракылэн нуналыз (ӟуч День вина).
Тумошо праздникъёс
- Кошкись тылобурдоослы беркыл веран нунал (ӟуч День напутствий улетающим птицам).
Луэм учыръёс
Удмуртиын
- 1918 — В. М. Азинлэн 2-тӥ сводной дивизиез, Прикамской Калык армиез вормыса, Сарапулэ пыриз.
Россиын но дуннеын
- 610 — византи император Ираклий царствое венчаться кариськиз.
- 1502 — Христофор Колумб Коста-Рикаез усьтӥз.
- 1789 — Нылкышноослэн Версале походэ потонзы.
- 1793 — Йӧскалык конвентлэн Декретэзъя француз элькун дырпус юнматэмын.
- 1823 — Англиын потыны кутскиз медициная нырысетӥез журнал («Ланцет»).
- 1929 — Ленинградын куараё кинолэн СССР-ысь нырысетӥез сеансэз ортчиз. Азьвыл дыръя совето кинотеатръёсын кылтэм кино гинэ возьматӥськылӥз.
- 1930 — Арктикаез эскерись Георгий Ушаков Уйпал Музъемлэн шундыпуксёнпал ярдураз совето флаг юнматӥз.
- 1948 — Ашхабад музъем зурканэн сэрен 100 сюрс пала адями быриз.
- 1952 — Мускоын КПСС-лэн XIX-тӥ съездэз усьтӥськиз. ВКП(б)-лы выль ним сётэмын — КПСС.
- 1962 — «Битлз» группалэн нырысетӥ синглэз потӥз.
- 1966 — Военмехлэн актовой залэзлэн сцена вылаз Ленинградын «Поющие гитары» вокально-инструментальной ансамбльлэн нырысетӥ концертэз ортчиз.
- 1993 — Борис Ельцин Россиын оппозиционной партиослэсь но газетъёслэсь ужанзэс дугдытӥз.
- 1999 — Лондонын Паддингтон вокзаллы матын чугун сюрес вылын шугадӟон кылдӥз.
- 2000 — Югославиын Слободан Милошевичлэн режимез палэнтэмын.
Вордскизы
- 1949 — Евгений Столов, Ижкарысь актёр но режиссёр.
- 1713 — Дени Дидро, Франциысь гожъяськись, философ, югдытӥсь, энциклопедист.
- 1781 — Бернард Больцано, Чехиысь математик но философ.
- 1864 — Луи Жан Люмьер, Франциысь изобретатель, кинематографез кылдытӥсь, Люмьеръёслэн вынзы.
- 1902 — Рэй Крок, Америкаысь ресторатор, «McDonald’s» ресторанъёсты кылдытӥсь.
- 1925 — США-ын Эрнест Хемингуэйлэн нырысетӥ книгаез потӥз. Со веросъёсын «В наше время» пичигес гинэ бичет вал.
- 1930 — Павел Попович, совето космонавт, Совето Союзлэн кык полэс Героез.
- 1936 — Вацлав Гавел, Чехиысь политик, Чехилэн президентэз (1989—2003).
- 1937 — Сергей Чирцев, СССР-лэн но РСФСР-лэн мотоспортын трос полъем чемпионзы.
- 1940 — Милена Дравич, Югославиысь но Сербиысь актриса.
- 1952 — Эмомали Рахмонов, Таджикистанлэн президентэз 1992 арысен.
- 1975 — Кейт Уинслет, Великобританиысь киноактриса.
- 1976 — Рамзан Кадыров, Чечнялэн президентэз.
- 1987 — Махдер Ассефа, Эфиопиысь актриса.
Александр Афанасьев, ӟуч гожъяськись, фольклор люкась.
Кулӥзы
- 2024 ― Максим Самойлов, Ижысь футболист, опорной полузащитник.
- 1871 — Александр Афанасьев, ӟуч гожъяськись, фольклор люкась.
- 1933 — Николай Юденич, ӟуч ожгарчи, тӧдьы генерал.
- 1945 — Алексей Ильинский, Удмуртиысь ботаник-фитогеограф, биоценолог.
- 1997 — Георгий Юматов, советской киноактёр, РСФСР-ысь Калык артист.
- 2003 — Семён Аронин, Чупчи механикая заводын ужась, уран поттонъя технолог.
- 2011 — Стив Джобс, Apple корпорацилэн кивалтӥсез.