Лещинский, Лев Александрович

Лев Александрович Лещинский
Лев Александрович Лещинский
Вордӥськем нуналыз	14-тӥ толсуре 1925
Вордӥськем интыез	Харьков, Украин ССР, СССР
Кулон нуналыз	5-тӥ коньывуонэ 2008 (82 арес)
Кулэм интыез	Ижкар, Удмуртия, Россия
Кунмуртлыкез	СССР → Россия
Ужудысэз	эмчи
Данъетъёсыз

Лев Алекса́ндрович Лещи́нский (14-тӥ толсуре 1925, Харьков — 5-тӥ коньывуонэ 2008, Иж) ― совето но росси эмчи, кардиолог, РСФСР-ысь дано эмчи, медицина наукаосъя доктор, профессор, Ижкарлэн дано муртэз (1997).

Улон сюресэз

Лев Александрович Лещинский 1925-тӥ арын 14-тӥ толсуре Украин ССР-ысь Харьковын вордӥськемын.

1949-тӥ арын Лещинский Ижысь мединститутын дышетсконзэ отличиен йылпумъяз, нош 1952-тӥ арын профессор А. Я. Губергриц дорын клиникая ординатураез йылпумъяз. Пермьын эмъясь луыса ужаны кутскиз. 1955-тӥ арын Иже берытскиз но наукая но практикая ужзэ Ижысь мединститутысь госпитальысь терапияя кафедраын ассистент луыса азинтӥз. 1965-тӥ арын кафедраен кивалтӥсе быръемын, медицина наукаосъя доктор луон понна диссертацизэ утӥз. 1967-тӥ арысен профессор луиз. 1979-тӥ арын Лещинскиез элькунысь клиникая кардиоцентрлы тодосъя кивалтӥсе юнматӥзы^[1]. Ижысь медучилищеын но дышетыны вуттылӥз.

Лев Александровичлэн валтӥсь эскеронъёсыз клиникая кардиологилы, реаниматологилы, интенсивной терапилы, ревматологилы, эмъян но наукая но-методикая ужен герӟаськем философияя, этикая но правовой нормаосъя ужпумъёслы сӥземын вал. Со 620 научной ужъёслэн, кунгож сьӧрын печатлам 18 статьяослэн, 7 монографиослэн, 12 дано луэм брошюраослэн авторзы луэ. Лещинский 20-лэсь трос наукая бичетъёслэн редакторзы вал^[2].

«Сюлэмлэн ишемической висёнэз» автор монографиез понна 1989-тӥ арын Лещинский СССР-ысь медицина наукаосъя Академилэн Г. Ф. Ланг нимо премиеныз пусъемын. Эмъянысь тодослыко огазеяськонэ мыло-кыдо пыриськиз, Информатизацияя калыккуспо академилэн зэмос ёзчиез вал, Нью-Йоркысь наукаосъя академилэн академикез, Россиысь эмъян но техника наукаосъя академилэн академикез вал^[3].

1997-тӥ арын Ижкарысь депутатъёслэн пуктэтсыя «Ижкарлэн дано кунмуртэз» нимын пусъемын.

Ижын улӥз. Улонысь 2008-тӥ арын 5-тӥ коньывуонэ кошкиз^[4]^[5].

Данъетъёсыз

«Владимир Ильич Ленинлэн 100 ар тырмонэзлы сӥзем» медаль;
РСФСР-ысь дано эмчи;
Тазалыкез утён удысысь отличник (СССР);
Ижкарлэн дано муртэз (1997);
Росси Федерациысь наука удысысь дано ужась.

Валэктонъёс

↑ Профессор медицины Лещинский Л.А. (1925-2008)
↑ Лещинский Лев Александрович Лещинский Лев Александрович [ӟуч]
↑ Lesch.AT.UA | Лещинский Леа Александрович - Лещинский Л.А.
↑ Скончался академик РАМН профессор Лев Лещинский [ӟуч]
↑ ИА «Сусанин» В Ижевске прощаются с Почетным гражданином города Львом Лещинским [ӟуч]

Чӧлсконъёс

[1] Профессор медицины Лещинский Л.А. (1925-2008)

[2] Лещинский Лев Александрович Лещинский Лев Александрович [ӟуч]

[3] Lesch.AT.UA | Лещинский Леа Александрович - Лещинский Л.А.

[4] Скончался академик РАМН профессор Лев Лещинский [ӟуч]

[5] ИА «Сусанин» В Ижевске прощаются с Почетным гражданином города Львом Лещинским [ӟуч]

[1]

[2]

[3]

[4]

[5]