18-тӥ инвожо — Григориан дырпусъя — арлэн 169-тӥ нуналыз (касьян аре — 170-тӥез). Ар пумозь 196 нунал кылемын.
☀️ Ижкарын Шунды 3 час 32 минутэ ӝужа, пуксе 21 час 22 минутэ. Югыт нуналлэн кыстӥськемез 🕒 17 час 49 минут.
🌒 Егит Толэзь (будэмез 2.90 нунал).
Нунал тодметъёс
- Дорофей нунал (ӟуч: Дорофеев день). Та дырысен, пе, тужгес вакчи уйёс ― ӟольгыри уйёс кутско. Та нуналэ кӧлон турынэз (ӟуч: прострелэз) шедьтыса, миндэр улад кӧлтӥд ке, вуонозэ адӟод, шуо.
- Турынлэн зол зыныз вӧлске ― зорон азьын.
- Бус шур вылтӥ вӧлске ― ар губиен узыр луоз.
- Ӟольгыриос черекъяло, жугисько ― куазь шулдыр луоз.
- Лысву трос ― юос удалтозы.
Нимнуналзэс пусъё
- Аполлон, Арий, Василиса, Виктор, Галина, Дорофей, Игорь, Иона, Кондратий, Константин, Леонид, Маркиан, Ника, Никандр, Павел, Фёдор.
Треббия шур дурын ожмаськон
Праздникъёс но буре ваён нуналъёс
- Гастрономилэн нуналыз[1].
Йӧскалык праздникъёс
- Россия
Россия — Ожгар ивортодэт службаын ужасьёслэн нуналзы;
- Азербайджан
Азербайджан — Адями эрикрадъёслэн нуналзы;
- Бельгия
Бельгия — 1815-тӥ арын Ватерлоо котырысь ожмаськонэз буре ваён нунал;
Египет — Эвакуаци нунал. Валчеямын Ниллэн нуналыныз;- Молдавия
Молдавия — Историклэн нуналыз.
Тумошо праздникъёс
- Куалектонлэн калыккуспо нуналыз[2];
- Гармонилэн дунневыл нуналыз[3];
- Инкуазьын шутэтсконлы сӥзем калыккуспо нунал[4].
Луэм учыръёс
Удмуртиын
- 1930 — Ижын кылдытэмын филармонической общество.
- 1990 — кылдытэмын ООО «KARTEX — фабрика сумок», Удмуртиысь пуйы вурись одӥг гинэ ужъюрт.
Россиын но дуннеын
Вӧсьлыко Кириллэн но Мефодийлэн собораз быдтэм сизьым чехъёсты буре ваён сэрег.
«Нормандия — Неман» француз авиаполк
- 1583 — Улонэз страховать каронъя нырысетӥ учыр. Лондонын Ричард Мартин Уильям Гиббсонэз шудтэм учыре шедёнлэсь 383 фунтлы страховать карем.
- 1761 — Росси империын служить карем понна пенсия юнматэмын.
- 1799 — Александр Суворовлэн армиез, Альпы гурезьёс вамен шӧдтэк шорысь потыса, Треббия шур дурын (Уйпал Италия) француз армиез пазьгиз.
- 1812 — США-ысь Конгресс Великобританилы ож ялӥз.
- 1815 — Ватерлоо котырын ожмаськонын Наполеон Бонапартлэн армиез пазьгемын.
- 1817 — Лондонын Ватерлоо выж усьтэмын.
- 1837 — Испания выль Конституцизэ кутӥз.
- 1900 — китай императрица Цыси кунсьӧрмуртъёсты тросэн жугон сярысь Косэт гожтӥз.
- 1906 — Подмосковьеын быдтэмын Марково республика.
- 1907 — Лондонын пумиськизы Джордж Бернард Шоу но Марк Твен.
- 1918 — Новороссийск бухтае Фёдор Раскольников кивалтэм улсын Черноморской флот выйтэмын.
- 1932 — Чили социалистической республика быдтэмын.
- 1939 — Совето Союзэ эмиграциысь бертӥз Марина Цветаева кылбурчи.
- 1940 — Шарль де Голль Лондонысь французъёсты нацизмо оккупантъёслы пумит нюръяськыны ӧтиз.
- 1942 — Вӧсьлыко Кириллэн но Мефодийлэн собаразы сизьым чех диверсантъёс тямыс сю гестаповецъёслы но эсесовецъёслы пумит ӝутскизы[ru]. Ожмаськонын вань чехъёс быдтэмын вал.
- 1945 ― «Нормандия — Неман»[ru] француз авиаполк совето кивалтэтлэн кузьмам самолётъёсыныз СССР-ысь Францие лобиз .
- 1946 — Италия республика шуыса ялэмын.
- 1955 — «Юность» журналлэн нырысетӥ номерез потӥз (редакторез Валентин Катаев).
- 1956 — совето вузъёсын одно ик дышетоно предметъёс пӧлы пыртэмын диалектической материализм но КПСС-лэн историез.
- 1960 — арнялы быдэ потӥсь «За рубежом» газетлэн нырыстӥ номерез потӥз.
- 1979 — СССР но США стратегической ожтӥрлык поттонэз дугдытон сярысь ОСВ-2 тупанкыл гожтӥзы.
- 1997 ― Эрмитаж но IBM валчеяськыса оцифрованной тусъетъёсын библиотека кылдытон но Эрмитажез Интернетын азинтон сярысь ялӥзы.
- 2006 — Байконур космодромысь лэземын Казахстанлэн «Казсат» нимо нырысетӥ геостационарной спутникез.
Иван Александрович Гончаров
Вордскизы
Удмуртиысь тодмо муртъёс
Россиысь но дуннеысь тодмо муртъёс
- 1681 — Феофан Прокопович, Россиысь кун но черк ужась, гожъяськись но кылбурчи.
- 1812 — Иван Гончаров, ӟуч гожъяськись, «Обломов», «Обрыв», «Обыкновенная история» романъёслэн авторзы.
- 1882 — Георгий Димитров, Болгариысь революционер-коммунист, Коминтернэн кивалтӥсь.
- 1886 — Миклош Хорти, венгер адмирал, Венгрилэн кивалтӥсез (1920—1944).
- 1901 — Анастасия Николаевна (Романова) — быдӟым княжна, Николай II императорлэн но Александра Фёдоровналэн ньылетӥ нылзы. Эксэй семьяен ӵош Ипатьевлэн юртаз ыбылэмын.
- 1907 — Варлам Шаламов, ӟуч проза гожъясь но кылбурчи.
- 1919 — Юри Ярвет, совето актёр, режиссёр, Эстон ССР-ысь дано артист (1964), СССР-ысь калык артист (1975) («Мёртвый сезон», «Король Лир», «Солярис» фильмъёс).
- 1929 — Юрий Томин, нылпиослы гожъяськись, драматург.
- 1942 — Пол Маккартни, Великобританиысь кырӟась, музыкант, крезьгурчи, «Битлз», «Вингс» группаосы пыриськись.
- 1949 — кыкто вынъёс Лех Качиньский, Польшалэн 8-тӥ президентэз (2005—2010), но Ярослав Качиньский, Польшалэн премьер-министрез (2006—2007).
- 1951 — Дьюла Сакс (венгер), шахматэн шудӥсь.
- 1952 — Изабелла Росселлини, Италиысь киноактриса но модель.
- 1976 — Максим Галкин, Росси эстрадаысь артист, пародист, телепередачаосты нуись, кырӟась.
Абу Али Хусейн ибн Абдаллах ибн Сина
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1037 — ибн Сина (Авиценна, быдэс нимыз Абу Али Хусейн ибн Абдаллах ибн Сина), Иранысь философ, кылбурчи, эмчи но крезьгурчи.
- 1928 — Руаль Амундсен, Норвегиысь полярной исследователь, путешественник.
- 1936 — Максим Горький, ӟуч совето гожъяськись.
- 1974 — Георгий Жуков, Совето Союзлэн маршалэз, Совето Союзлэн ньыль полэс Героез.
- 2011 — Елена Боннэр, СССР-ысь но Россиысь мерлыко ужась, право утись, А. Д. Сахаровлэн пал кылем кышноез.
Валэктонъёс
_Mausoleum_-_Hamadan_-_Western_Iran_(7423560860).jpg)