Гудырикошкон

Википедиысь материал
Эскерем гожтос
Гудырикошкон толэзь
Гудырикошкон
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
2024 год

Гудырикошкон (арантолэзь, выльӝуктолэзьaugustus — «31 нуналъем толэзьёс пӧлысь одӥгез. Музъемлэн Уйпал полушарияз гужемлэн берпуметӥ толэзез, Лымшораз — толлэн берпуметӥез. Туала вапумын 10 гудырикошконозь григориан дырпусъя шунды Кисло-куслолэн кизилисузьетаз, 10 -тӥ гудырикошконысен — Арысланлэназ выже11 гудырикошконэ[3]).

Инкуазь воштӥськонъёс

Россилэн шор люкетаз ӵемысь гудырикошконэ куазь гужем кадь пӧсь улэ на, дырын-дырын азьло сямен ик гудыръяса, чилекъяса зорылэ. Нош пумен кузёмись уйёс пеймытэсьгес но салкымесьгес луо. Ӵукнаосы трос лысву усе но шуясь, ӵужектӥсь турын-куарез жаль-жаль мускытатэ. Шуръёс но тыметъёс вадьсы тӧдьмыт бус возъяське. Шоро-куспо температура толэзь кутсконын +18 °С-озь лэзиське, толэзь пумын +14 °С-озь; инкуазь нормаосъя гудырикошконлэн берпуметӥ вить нуналыз сӥзьыллэн кутсконэз шуыса ллыдъяське ини. Подмосковьеысь тужгес кезьытэз нунал (+12,4 °С) 1884-тӥ арын пусъемын вал. Тужгес вазь кезьытскем 11-тӥ гудырикошконэ (1939), музъем вылын 25-тӥ гудырикошконысен кынтылыны кутскем (1921). Тужгес трос зор-кот усем — 68 мм, (1938)[4].

Гудырикошкон толэзе валэс юосты аранэз йылпумъяло ини, бусыосы узьымлы ӟег кизё. Бакчаосын кисьма сутэр, крыжовник, эмезь но сьӧд эмезь; убо вылысь сугонэз но чеснокез ишко. Улмолэн гужем сортъёсыз но пушмульы окто. Нюлэскын пугуби будэ. Картофка уд куасьмыны кутске[4].

Россилэн шор люкетаз шуныт палъёсы лобыны дасясько куд-ог тылобурдоос: ӵужъюбер, ярдурпӧськы, уӵы. Тросэз гонзэс вошто. Ӵужйырокый пуз поттэ[4].

Нимыз сярысь

Октавиан Август

Нырысь-валысь толэзьлэн нимыз «секстилий» шуыса нимаськиз (29 гинэ вылэм. Юлий Цезарь, 45-тӥ арын асьме вапумозь, рим дырпусэз воштыкуз, эшшо кык нунал ватсам на[5].

Толэзьлэн зэмос нимыз рим императорлы Октавиан Августлы сӥземын. 8-тӥ арын асьме вапумозь Римысь сенат императорлэн улонысьтыз тужгес шудозэ толэзез солэн нимыныз ниманы лэзем. Senatus consultum вылэ пыкиськыса,Макробий тазьы валэктэ, Октавиан, пе, аслыз гудырикошкон толэзез быръем, малы ке шуоно, та толэзе со тужгес трос бадӟым вормонъёс басьтэм, соос пӧлын Египетэз киултон[6]. Талэсь вазьгес сенат та выллем ик данъет Юлий Цезарьлы сётэм, солэн нимыныз «квинтилий» толэзез «июль» нимаса (лат. Quintilis — витетӥ кыл бордысь) (лат. Iulius).

Калыкын вӧлскем легендая, (вӧлмытӥсез XIII даурысь тодосчи 30 нуналыз вылэм, но Юлий Цезарьлэн толэзезлэсь вакчигес медаз луы шуыса, Октавиан Август сое 31 нуналозь кузёмытэм, туллыспал толэзьлэсь одӥг нуналзэ басьтыса. Солы луыса, огшшоры аръёсы тулыспалэ 28 нунал гинэ кылем[7]. Озьы ке но, вань трос мукет веранъёс, кудъёсыз Сакробосколэн легендаезлы пумит луо[8].

Истори ласянь август толэзьлэн европейской нимъёсыз Erntemonat («урожай толэзь») вашкала герман валатон бордысь потэмын[9]. Вашкала ӟуч дырпусын (христианствоез юнматытозь) август толэзез зарев шуо вылэм (кезьыт ӵук ӟардонъёслы луыса), озьы ик серпень (аран йылпумъяське уго)[4], калык дырпусъёсын озьы ик — густоед, разносол, хлебосол, жнивень, припасиха-собериха, венец лета, ленорост, межняк. Русь музъеме толэзьлэн «август» нимыз Византиысь вуэм.

XX даурлэн кутсконаз Ирландиын улӥсь калык нырысетӥ гудырикошконэ «гужемез келя» вылэм, та сямлэн выжыосыз Брон Трограйн кельт праздник бордысь пото (Ирландиын — Лугнасад), нош гудырикошконэз сӥзьыллэн толэзеныз лыдъяло вылэм[10][11].

Россилэн уйпал люкетаз вашкала дыръя август толэзез Зарев шуылӥллям[12].

Мукет кылъёсын

Дуннеысь тросаз кылъёсын августлэн нимыз латин традициосъя пӧрмемын. Но соос пӧлын вань пӧртэмлыкез но.

Тюрк кылъёсын толэзьлэн нимыз Тамыз/Tamyz (тылскемъёс ӝуатъян вакыт) яке араб сямен — Сүмбіле/Sumbile (Сириус кизилилэн нимызъя). Перс кылын Мо́рдад шуыса нимаське (яланлыко улон, бессмертие). Финн кылын ― elokuu («нянё толэзь»), elo кыл бордысь — «улон, нянь, ю-тысь», та толэзе бусы ужъёсты йылпумъялоукраин кылын — серпень, поляк кылын — sierpień, чех кылын — srpen, «сюрло» кыл бордысь. Белорус кылын — жнівень, «араны» кыл бордысь. Хорват кылын ― kolovoz, ( болгар кыллы тупа коловоз — «мур питран пытьы»), малы ке шуоно,та толэзе бусыосысь октэм ю-тысез поттылӥзы. Литва кылын rugpjūtis шуыса нимало («ӟег аран»): rugis — «ӟег», pjūtis — «аран»[14]. Ирланд кылын An Lúnasa, Луг нимо инмар бордысь кылдэмын.

Туала китай, корей, вьетнам но япон кылъёсын август «тямысэтӥ толэзь» шуэмез возьматэ. Толэзё вашкала япон дырпусын, августлы матын луись толэзез (берло солы тупасьсэ), Хадзуки (叶月) — «куаро толэзь» нималлям.

Тайской кылын Синг-ха-Ком (สิงหาคม) нимало, сингха — «арыслан» кыллэсь пӧрмемын.

Кылбурет но искусство

Жатва» картинаез, 1915-тӥ ар)
  • Гудырикошкон. С. Матвеев[15]

Валэктонъёс

  1. ↑ НАЗВАНИЯ МЕСЯЦЕВ В ПИСЬМЕННЫХ ПАМЯТНИКАХ УДМУРТСКОГО ЯЗЫКА XVIII В
  2. ↑ За год Солнце проходит не через 12, а через 13 созвездий. Новый знак зодиака — «Змееносец»
  3. Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  4. ↑ 4,0 4,1 4,2 4,3 В. Д. Грошев «Календарь российского земледельца (народные обычаи и приметы)», — М: МСХА, 1991, С. 41. ISBN 5-7230-0074-8
  5. Август, месяц // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  6. ↑ Year of Julius Caesar, A Dictionary of Greek and Roman Antiquities (1890), William Smith, LLD, William Wayte, G. E. Marindin, Ed.
  7. ↑ Август — восьмой месяц Григорианского календаря. Эскеремын 2010-09-20 аре
  8. ↑ Roscoe Lamont, «The Roman calendar and its reformation by Julius Caesar» Архивная копия от 18 толшоре 2012 на Wayback Machine, Popular Astronomy 27 (1919) 583—595. Sacrobosco’s theory is discussed on pages 585—587.
  9. ↑ Сергей Александрович Токарев «Календарные обычаи и обряды в странах зарубежной Европы», Институт этнографии имени Н. Н. Миклухо-Маклая, Наука, 1978, стр. 148.
  10. ↑ Сергей Александрович Токарев «Календарные обычаи и обряды в странах зарубежной Европы», Институт этнографии имени Н. Н. Миклухо-Маклая, Наука, 1978, стр. 81.
  11. ↑ Праздники кельтов Эскеремын 2011-10-30 аре
  12. ↑ Август Архивная копия от 21 пӧсьтолэзе 2021 на Wayback Machine Новый энциклопедический словарь
  13. ↑ Финские названия месяцев на finnish.ru Эскеремын 2011-10-30 аре
  14. ↑ Балтийские и славянские названия месяцев Архивировано 4 шуркынмонэ 2011 года.
  15. ↑ [a8efdb27-fbef-41ec-9174-17d3a61ef3e5 Гудырикошкон. Матвеев, Сергей Васильевич]

См. также

Категория «Август» не найдена.

Валэктонъёс

Чӧлсконъёс

  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур
«https://udm.ruwiki.ru/w/index.php?title=Гудырикошкон&oldid=197379»-ысь басьтэмын