Южтолэзь
|
||||||||||||||||||||||||||||||||||||||||||||||||||
| 2026-тӥ ар | ||||||||||||||||||||||||||||||||||||||||||||||||||
Южтолэзь — Григориан дырпуслэн куинетӥ (3) толэзез. Нуналыз 31. Лымы вылын юж кылдон вакыт. Нимыз кык люкетлэсь пӧрмемын «юж» (наст) но «толэзь» (месяц)[1]. Вӧйдыр ӵемысь март толэзе тупамен валче, мукетыз нимыз Вӧйтолэзь (маселный месяц)[2]
Март кыл Марслэн толэзез шуэмез возьматэ. Юлиан но григориан дырпусъёсын арлэн куинетӥ толэзез, Вашкала Рим календарьын Цезарьлэн ортчытэм реформаез дырозь нырысетӥез вал. Музъемлэн Уйпал полушарияз южтолэзь тулыслэн нырысетӥ толэзез луэ, Лымшор полушариын — сӥзьыллэн нырысетӥ толэзез.
Туала вапуме григориан дырпусъя шунды 11-тӥ южтолэзёзь Вукисьтасьлэн кизилисузьетаз интыяськемын, 11-тӥ южтолэзьысен — Чорыгъёслэназ[3].
Инкуазь воштӥськонъёс
Та толэзе тулыс уй-нунал ӵошан тупа. 20-тӥ южтолэзе нуналэн уен огкузьдаесь луо. Асьме палан лымы шунанлэн шоро-куспо дырыз — 16-тӥ южтолэзь, тужгес вазез пусъемын 1914-тӥ арын — 3-тӥ тулыспалэ, тужгес берез — 1895-тӥ арын, со арын 10-тӥ южтолэзе гинэ лымы шунаны кутскем[4].
Шундылэн огъя пиштэмез 109,3 час кыстӥське[4].
Южтолэзь пумын вырйылъёсын но лымы шунам интыосын нырысь сяськаос пото. Вань писпуос пӧлысь тужгес вазь кызьпулэн сурсвуэз вияны кутске[4].
12-тӥ южтолэзь котырын сьӧд куакаос вуо, тюрагайёс — 28-тӥ южтолэзь котырын, шырчикъёс толэзь пумынгес. Нюлэ слудкечлэн пиосыз вордӥсько. Койыклэн выль сюръёсыз пото. Гондыр тол кӧлонэзлэсь сайка[4].
Нимыз сярысь
_YORYM_1998_26-1.jpg)
Март толэзьлэн нимыз Римысь ож кылчинлэн Марслэн нимыз бордысь кылдэмын. Вашкала Римын март — тулыслэн нырысетӥ толэзез, бусы ужъёслы кутскон сётӥсь толэзь. Озьы ик та дырез ожгар кампаниосты кутскыны тупась вакытэн лыдъяллязы.
Ӟуч кылэ «март» кыл Византиысь вуиз. Вашкала Русьын 1492-тӥ арозь вылез ар март толэзьысен кутскылӥз; 1699-тӥ арозь, выльзэ арез куарусён толэзьысен кутскылыку, южтолэзь сизьыметӥез луиз; 1700-тӥ арысен — куинетӥез. Та дырысен ӟуч пролетие кутске («тулыс» шуэмез возьматэ, али дыре вераськонын уг ни кутӥськы). Куд-ог ӟуч вераськетъёсын южтолэзьлэсь нырысетӥ нуналзэ новичок шуыса нималлязы. Вазенгес 1-тӥ южтолэзе тол медъяськонлэн тупатэм дырыз йылпумъяськылӥз но тулыс медъяськон кутскылӥз.
Истори ласянь учкыса, южтолэзьлэн европейской нимъёсыз саксон нимъёс бордысь кылдэмын. Кылсярысь, Lentmonat (нимамын уй-нунал ӵошанэз но нуналлэсь кузёмемзэ лыдэ басьтыса), озьы ик Rhed-Monat яке Hreth-monath (Rhedam яке Hreth саксон кылчинэз сӥлы карыса, та толэзе солы курбон сётылӥзы)[5]. Вашкала ӟуч дырпусын (христианствоез юнматытозь) южтолэзез сухий шуыса нималлязы, калыкын — зимобор, протальник, грачевник, капельник[6].
Мукет кылъёсын
Европаысь тросаз кылъёсын март кыл латин сямъя пӧрмемын. Озьы ке но, пӧлазы вань мукет амалэн пӧрмемъёсыз но.
Финн кылын maaliskuu нимаське но maallinen kuu — «музъем толэзь» шуэмез возьматэ — та вакытэ музъем лымы улысь потэ. Чех кылын — březen, украин кылын — березень, «берёза» кыл бордысь, та дыре кызьпулэн сурсвуэз вияны кутске. Валатонэзъя матын луэ белорус нимыз — сакавік, «сок» кыллэсь (сурсву — берёзовый сок). Хорват кылын март — ožujak, «пӧет» шуэмез возьматӥсь хорват кыллэсь пӧрмемын, малы ке шуоно, куазь та вакытэ туж пӧечи луэ. Литва кылын kovas — «сьӧдкуака» шуэмез возьматэ[7].
Казах калыклэн южтолэзе «Новруз» шулдыръяськонэз ортче, соин ик толэзез но, солы укшатыса, «Наурыз» нимало.
Туала китай но япон кылъёсын «куинетӥез толэзь» шуыса пусъемын.
Якут кылын — «Кулун тутар», «чуньы вордскон толэзь» шуыса берыктӥське. Малы ке шуоно, якут калык визьбуръя, чуньылэн вордӥськонэз со — выль улонлэн символэз. Вал вордон удыс Якутиын тужгес кулэ луисез но валтӥсез лыдъяське.
Лулчеберет
Живопись
- Март — Исаак Левитанлэн суредэз, 1895
- Вазь тулыс (Ранняя весна) — Алексей Саврасовлэн суредэз, 1880
Кинематограф
- Ранняя весна (Вазь тулыс) — япон фильм, драма, 1956-тӥ ар
Кылбурет
- Нош вуиз тулыс. ― Г. Сабитов
- Инкуазь шуназ ― В.Самсонов
- Весна в лесу (1956), Весеннею порою льда (1931), Март (1947), Ледоход (1916) — Борис Пастернак
Визькылъёс но калык чакланъёс
- Южтолэзь — со тулыс ӧвӧл на, кутсконэз гинэ[8]
- Южтолэзьлэн шунытэз осконтэм луэ.
- Южтолэзь лякыттэмъяськыны яратэ: кезьытэныз дан поттэ, нырез чепылля.
- Южтолэзе ӵем вӧлскись бусъёс гужемлэн зоро луэмез сярысь верало.
- Толшоре южтолэзь ке — южтолэзе толшорез возьма.
- Южтолэзь пӧечи: я бӧрдэ, я серекъя.
- Южтолэзе куреглы но юыны пукись ву шеде ини.
Валэктонъёс
- ↑ Весенние" слова на удмуртском языке: тулыс, кечсин и шунды
- ↑ Календарь удмуртских праздников на 2019 год
- ↑ За год Солнце проходит не через 12, а через 13 созвездий. Новый знак зодиака — «Змееносец»
- ↑ 1 2 3 4 В. Д. Грошев «Календарь российского земледельца (народные обычаи и приметы)», — М: МСХА, 1991, С. 18. ISBN 5-7230-0074-8
- ↑ History of March Эскеремын 2011-10-28 арын
- ↑ источник?
- ↑ Балтийские и славянские названия месяцев
- ↑ Круглый год. Русский земледельческий календарь / сост. А. Ф. Некрылова. — М.: Правда, 1989. — С. 118. — 496 с.
Литература
- Круглый год. Русский земледельческий календарь. — М: «Правда», 1989. ISBN 5-253-00598-6
- Народный Месяцеслов. — М: «Современник», 1992. ISBN 5-270-01376-2