Куартолэзь

Википедиысь материал
Эскерем гожтос
Чияпу сяськая
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
2024 год

Куартолэзь — ӟуч кылэ берыктыса, "месяц листвы" шуэмез возьматэ («куар» – лист, «толэзь» – месяц). Нимыз инкуазь воштӥськонъёсын но музъем ужъёсын герӟаськемын. Та толэзе бычыра турын-куар, калык бусые потэ, тулыс гырон-кизён ужъёссэ кутске. Мукет нимъёсыз: Турын потон толэзь, Гуждортолэзь, Гырон толэзь, Гырон потон толэзь. Туала удмурт кылын Куартолэзь нимыз юнмамын[1].

 Григориан дырпусъя витетӥез (5) толэзь. 31 нуналъем сизьым толэзь пӧлысь одӥгез. Лымшор полушариын тулыслэн куинетӥ толэзез лыдъяське, Уйпал полушариын — сӥзьыллэн куинетӥ толэзез.

Туала вапумын Такалэн кизилисузьетаз сылэ, 13 куартолэзьысен — Ошлэн кизилисузьетаз выже[2] (мукет тодэтъёсъя — 14 куартолэзе[3]).

Инкуазь воштӥськонъёс

Ӵук ӟардонъёс пумен яркытэсьгес, шулдыресьгес луо. Нунал шӧдскымон кема кыстӥське. Инкуазь улӟе, ваньмыз вожектэ, пушйыны кутске. Куаръясько писпуос. Пурӟо льӧмпуос, сяськая яблокпу, сиреньпу, кӧжыпу, палэзьпу, чияпу. Курень пучыоссэ лэзе кызьпу. Ӵемысь та вакытэ кезьытске, льӧмпу сяськаян вакытлы тупамен, "льӧмпу кезьытъёс" шуо. Куддыръя лымы усе[4], 8 куартолэзе (2017), 7 куартолэзе (1461, 2014[5]), 9 куартолэзе (1909), 14 куартолэзе (1466)[4], 15 куартолэзе (1913), 19 куартолэзе (1668)[4], 21 куартолэзе (1927, 1971), 25 куартолэзе (1470)[4], 26 куартолэзе (1466)[4]. Ӵемгес, толэзьлэн кыкетӥ ӝыныяз куазь тупатске.


Куартолэзь кутсконаз ар понна нырысьсэ гудыртэ (тужгес вазез пусъемын 23 южтолэзе (1915), тужгес берез — 31 куартолэзе (1908). 6-тӥ куартолэзь котырын кынтылэмысь дугдэ ( тужгес вазез пусъемын 19 оштолэзе (1960), тужгес берез — 4 инвожое (1930). Кызьпу куаръяськем бере, арня ортчыса, картофка мерттыны кутско. Возь вылын сяськая: унябей, дыдыксин|, зырбыдтӥсь турын, кыйсин но мукет турын-куар. Куд-ог интыосын губи потэ: парсьгуби но ӟустаригуби. Ӵукна но ӝыт тылобурдоос чирдо. Вуо ярдурпӧськыос.Тол иземысь сайкало кенӟалиос но музъемын-вуын улӥсь лулосъёс, нымы-кибы потэ. Тросэзлэн пӧйшуръёслэн но тылобурдоослэн куартолэзь — пи поттон вакытсы.

Нимыз сярысь

Май (Майя» инмумылэн толэзез), Майя грек инмумылэн нимызъя нимамын. Сое Римысь Bona Dea (Добрая Богиня) — удалтонлыклэн инмумыеныз оградэ пукто. Таизлэн но праздникез та вакытлы ик тупа. Озьы ик , Майя инмумыез Вашкала Римысь Майеста музъем инмумыен оградэ пукто шуыса тодмо, солэн но пусъён нуналъёсыз май толэзьлы тупаллязы (татысь ик толэзьлэн нимыз потэмын)[6]. Вашкала Италиын Майя-Майестаез музъемлэн удалтонлыкеныз герӟало.

Рим кылбурчи Овидий, май кылэз maiores яке «старейшина» кылын герӟаськемын шуыса оскытъяз, нош кайтаез толэзь (инвожо) iuniores яке «егит калык» нимын герӟаськемын (Fasti VI.88).

Европаын, Карл Великийлэн косэмезъя, май толэзьлэн нимыз — Wonnemond (вашкала герман wunnimanot кыллэсь  — пудо возьман инты («месяц пастбищ» ) пӧрмемын. Вашкала ӟуч дырпусын ― турыно толэзь (травный), калык вераськонын — Турынтолэзь (травник), сяськатолэзь (цветень) . «Май» ним (черк книгаосын — маий), мукет толэзь нимъёс сямен ик, Византиысь вуэмын.

Крестьян калык понна куартолэзь ― тужгес кысык вакыт, соин ик та дыре сюанъёс но мукет шулдыръяськонъёс ӧз ортчытъяллялэ. Та сярысь ӟеч верамын визькылын: «Кышнояськысал но ― куартолэзь уг лэзь». Вашкала рим калыклэн но та выллем малпанъёсыз вылэм. Кылсярысь, Плутарх гожъямъя, «римлянъёс мае уг кузпалъясько, инвожоез возьмало».

Вашкала Ирландиын 1 куартолэзьысен гужем кутске[7].

Мукет кылъёсын

Европаысь тросаз кылъёсын май ним эллинско-греко-римской традициосъя кылдэмын, кудӥз берлогес быдэс Рим улосвылэ выжиз.

Чех кылын май — květen, "сяськаясь" («цветущий», «цветень»). Украин , белорус но вашкала ӟуч кылъёсын — "турыно" (травень, «травяной»). Хорват кылын ― svibanj, кизил будослэн нимызъя пӧрмемын (sviba, Cornus sanguinea), та вакытэ со тӧдьы сяськаосын шобырске.

Финн кылын ― toukokuu, touko кыллэсь — "тулыс бусы ужъёс" («весенние полевые работы») но kuu — "толэзь" («месяц»)Литва кылын ― gegužė, gegutė кыллэсь — "кикы" («кукушка»)[9].

Туала китай но япон кылъёсын 五月 пусэн возьматэмын — "витетӥез толэзё толэзь («пятый лунный месяц»)[10].

Кылбурет

Визькылъёс но калык чакланъёс

  • Май - арлэн сяськаез.
  • Май пӧялоз, нюлэскы пегӟоз.
  • Мае кезьыт возиськиз ке — арез ю-нянё луоз[12].
  • Куартолэзе зорылоз ― ӟег удалтоз[12].
  • Куартолэзе кык пол кезьытске: тыпы куаръяськыку но льӧмпу сяськаяку[13].
  • Куартолэзе тӧл но кырӟа[14].
  • Мае кузпалъяськод — быдэс даурдэ курадӟод[14].
  • Май ке но, тулуптэ куштыны эн дырты ай.
  • Кышнояськысал но — май уг лэзьы.

Валэктонъёс

  1. Названия месяцев в письменных памятниках удмуртского языка XIII века
  2. За год Солнце проходит не через 12, а через 13 созвездий. Новый знак зодиака — «Змееносец»
  3. Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  4. 4,0 4,1 4,2 4,3 4,4 Е. П. Борисенков, В. М. Пасецкий «Тысячелетняя летопись необычайных явлений природы», — М: Мысль, 1988, Стр. 296—298, 338. ISBN 5-244-00212-0
  5. РИА Новости: Утром в Москве пошёл снег, но к вечеру уже потеплеет.
  6. Мифологический словарь
  7. Праздники кельтов.
  8. Финские названия месяцев на finnish.ru. Эскеремын 2011-10-30 аре
  9. Балтийские и славянские названия месяцев. Архивировано 4 шуркынмонэ 2011 года.
  10. Толкователь китайских иероглифов.
  11. В.Михайлов. Куартолэзь
  12. Май // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882.
  13. Месяцеслов. Традиции, обычаи, приметы и советы на каждый день. — М.: РИПОЛ Классик, 2011. — С. 259. — 764 с. — ISBN 978-5-386-02955-5.
  14. 14,0 14,1 Демус В. Копилка народной мудрости. Традиции. Обряды. Приметы. Пословицы. Поговорки. — Белгород: Клуб семейного досуга, 2015. — 240 с. — ISBN 978-5-9910-3211-7.

Чӧлсконъёс

Литература

  • Арлэн нылпиосыз: Дышетӥсьёслы пособие. ― Ижевск: Удмуртия, 1991. ― 208 с.
Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур