24-тӥ куартолэзе
24-тӥ куартолэзь — Григориан дырпусъя — арлэн 144-тӥ нуналыз (касьян аре — 145-тӥез). Ар пумозь 221 нунал кылемын.
☀️ Ижкарын Шунды 3 час 57 минутэ ӝужа, пуксе 20 час 57 минутэ. Югыт нуналлэн кыстӥськемез 🕒 17 час 0 минут.
🌘 Вуж Толэзь (будэмез 26.33 нунал).
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Кот Мокейлэн нуналыз. Туннэ нуналъя гужемлэсь кыӵе луэмзэ чаклало, зориз ке ― быдэс гужемзэ зорыса улоз, шуо.
- Туннэ шунды гордэктыса ӝужаз ке ― гужем кӧс но пӧсь луоз.
- Коӵышъёс кӧт выллань кӧло ке ― куазь тупатскоз.
Нимнуналзэс пусъё
- Александр, Иосиф (Осип), Кирилл, Мефодий, Никодим, Ростислав.
Праздникъёс но буре ваён нуналъёс
Йӧскалык праздникъёс
Россия — Кадровиклэн нуналыз.
Эритрея — Асэриклык басьтон нунал.
Бразилия — Кофелэн нуналыз.
Тумошо праздникъёс
- Турын пӧлын погылляськон нунал.
- Видеошудонъёслэн дунневыл нуналзы.
Луэм учыръёс
Удмуртиын
- 2001 — Америкаысь философилы дышетӥсь, Ижкарын улыса, ӟуч Википедиын нырысетӥ гожтос кылдытӥз.
Россиын но дуннеын
- 1032[1][2] — Авиценна Венералэсь Шундылэн дискетӥз ортчемзэ чаклаз-эскериз но со сярысь гожтӥз.
- 1487 — самозванец Ламберт Симнел Дублинысь соборын Англилэн королез шуыса короновать каремын.
- 1571 — Крым хан Девлет-Гирей Муско Кремлез киултыны ӧз быгаты. Соин валче, Муско котырысь слободаос но посад быдэсак куашкатэмын вал .
- 1800 — Санкт-Петербургын ортчиз генералиссимусэз Александр Суворовез сӥё-дано ватон ужрад.
- 1844 — Морзелэн телеграфез пыр Вашингтонысь Балтиморе нырысетӥез телеграмма келямын.
- 1866 — эксэй Россиын цензура «Современник» журнал поттонэз дугдытӥз.
- 1883 — Нью-Йоркын Бруклин выж усьтэмын, со вакытэ со дуннеысь тужгес бадӟымез ошкись выж лыдъяське вал.
- 1900 — Выль Адмиралтействоын Николай II «Аврора» крейсерез ачиз ву вылэ лэзиз.
- 1910 — нырысьсэ 200 метрозь инме ӝутскиз ӟуч конструкцияя лэсьтэм «Гаккель-III» аэроплан.
- 1918 —
- кылдытэмын Главвоздухофлот.
- кылдытэмын Ленинградысь С. М. Киров нимо вылӥ общевойсковой краснознамённой командной училище.
- 1925 — «Комсомольская правда» газетлэн нырысетӥ номерез потӥз.
- 1941 — вазь ӵукна Датской проливын «Бисмарк» немец линкор «Худ» британ линейной крейсерез выйтӥз.
- 1944 — Кыкетӥ дунне ож: авианалётлы луыса, Берлинысь фондовой биржа ӝуаз.
- 1945 — Сталин аслэсьтыз тужгес тодмо тостсэ вераз ― «Ӟуч калык понна!»
- 1949 — В-1А нырысетӥез советской геофизической ракета лэземын.
- 1956 — Швейцариысь Луганоын нырысьсэ «Евровидение» ― кырӟан ӵошатскон ортчиз.
- 1960 — нырысьсэ инме ӝутскиз калыкез нуись-ваись самолёт Ту-124, конструкторез А. Н. Туполев.
- 1965 — Лимаысь «Эстадио Насиональ» стадионын донгаськыса-пачкаса, 328 адями бырыны шедиз.
- 1982
- ЦК КПСС-лэн Пленумез вузкарон дефицитэз палэнтон сярысь Продовольственной программа кутӥз.
- Ирано-иракской война: иран арми Хорремшехр карез ирак оккупацилэсь мозмытӥз.
- 1992 ― Москваысь Славян площадьын Кирилл но Мефодий вынъёслы синпелет усьтэмын.
- 1993 — Эритрея Эфиопилэсь эрико луиз.
- 2000 ― РФ-ысь Кун Кенеш Усыкмытӥсь суретъёс сярысь катэ наркотикъёсты вӧлмытонэз но сое лэсьтон амалъёсты алӥсь тупатон пыртӥз.
- 2001 — ӟуч Википедиын нырысетӥ гожтос кылдытэмын.
- 2008 — 26 аресъем росси кырӟась Дима Билан Белградын ортчем «Евровидение-2008» вожвылъяськонын вормиз.
- 2014 — Бельгиысь Еврей музейын ыбылӥськон потӥз, 4 мурт бырыны шедиз.
- 2019 — Шундыӝужанпал Индиысь Сурат карын тылпу потэмен, 22 студент бырыны шедиз.
- 2022 — Техасысь «Робб» нимо покчи классъем школаын ыбылӥськон потэмен, 19 нылпи но 2 дышетӥсь бырыны шедиз.
Вордӥськизы
Удмуртиысь тодмо муртъёс
- 1931 — Кудинов Валентин Иванович (кул. 2017-тӥ арын 19-тӥ куартолэзе Ижын) — совето но росси инженер но тодосчи, техника наукаосъя доктор, профессор, Росси Федерациысь наука но техника удысысь дано ужась, Росси Федерациысь Кун премилэн лауреатэз[ru], Росси Федерациысь Кивалтэтлэн премиезлэн лауреатэз, Росси Федерациысь вылӥ тодон-валан сётон удысысь дано ужась. Удмурт Элькунлэн Дано кунмуртэз.
- 1927
- Елена Полушкина, Удмуртиысь эмтодосчи, фтизиатр, Ижысь медициная кун академилэн профессорез.
- Виктор Пескишев, Ижысь дано лэсьтӥськись.
- 1933 — Кирилл Ломагин, удмурт кылбурчи но проза гожъясь, журналист.
- 1939 — Борис Постников, Удмуртиысь суредась.
Россиысь но дуннеысь тодмо муртъёс
- 1544 — Уильям Гильберт, Англиысь физик, Елизавета I королевалэн придворной эмчиез.
- 1686 — Габриель Даниель Фаренгейт, немец физик, Фаренгейтлэсь шкалазэ кылдытӥсь.
- 1743 — Жан Поль Марат, Быдӟым Француз Революцилэн азьветлӥсьёсыз пӧлысь одӥгез.
- 1819 — Виктория, Великобританилэн королеваез.
- 1830 — Алексей Саврасов, ӟуч суредась-передвижник.
- 1905 — Михаил Шолохов, ӟуч совето гожъясьчи, Нобель премилэн лауреатэз (1965).
- 1940 — Иосиф Бродский, ӟуч кылбурчи, литературая Нобель премилэн лауреатэз.
- 1941 — Боб Дилан, Америкаысь кырӟась, кылбурчи но крезьгурчи, литературая Нобель премилэн лауреатэз (2016).
- 1973 — Руслана Лыжичко, Украинаысь кырӟась, «Евровидение-2004» вожвылъяськонлэн вормисез, Украинаысь калык артист.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1543 — Николай Коперник, поляк астроном, математик, экономист.
- 1805 — Федот Шубин, ӟуч скульптор.
- 1903 — Марсель Рено, Франциысь автоконструктор но автогонщик, «Renault» концерн кылдытӥсьёс пӧлысь одӥгез.
- 1949 — Алексей Щусев, совето архитектор, академик, Сталин премилэн 4 полэс лауреатэз.
- 2000 — Олег Ефремов, театрын но киноын шудӥсь актёр, режиссёр, СССР-ысь калык артист.
- 2013 — Пётр Тодоровский, кинорежиссёр, кинооператор, сценарий гожъясь, актёр, крезьгурчи, РСФСР-ысь калык артист.
Валэктонъёс
- ↑ John Westfall, William Sheehan. Celestial Shadows. Eclipses, Transits, and Occultations. — Springer, 2015. — P. 247. — ISBN 978-1-4939-1534-7. — doi:10.1007/978-1-4939-1535-4. Архивная копия от 18 толшоре 2022 на Wayback Machine
- ↑ 1032 May 24th Transit of Venus(англи) HM Nautical Almanac Office.