29-тӥ инвожое
29-тӥ инвожо — Григориан дырпусъя — арлэн 180-тӥ нуналыз (касьян аре — 181-тӥез). Ар пумозь 185 нунал кылемын
☀️ Ижкарын Шунды 3 час 33 минутэ ӝужа, пуксе 21 час 20 минутэ. Югыт нуналлэн кыстӥськемез 🕒 17 час 46 минут.
🌒 Егит Толэзь (будэмез 3.26 нунал).
|
||||||||||||||||||||||||||||||||||||||||||||||||||
| 2025-тӥ ар | ||||||||||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Чалмыт Тихон (ӟуч Тихон Тихий). Огнад кылемед, уксётэк улэмед уг ке поты,та нуналэ уг яра, шуо, нянь пыжыны, сюан сярысь вераськын, сяська бичаны[1].
- Ӟозъёс ӟукыртэмысь дугдӥзы ке — матысь дыре зороз.
- Тылобурдоос ӟильырто ке — куазь шулдыр луоз.
- Вутымъёсын вуэз ичиёмиз ке — куазь зороз, йылӥз ке — кӧс улоз.
Нимнуналзэс пусъё
- Евтропий, Тигрий, Тихон, Михаил.
Праздникъёс но буре ваён нуналъёс
- Чорыгасьлэн калыккуспо нуналыз;
- Корабль лэсьтӥсьлэн нуналыз;
- Изобретательлэн но рационализаторлэн нуналыз.
Россия — Егитъёслэн нуналзы;- Россия — Партизанъёслэн но подпольщикъёслэн нуналзы;
Сейшел шормуӵъёс — Асэриклык басьтон нунал.
Тумошо праздникъёс
- Ӟыгыръяськон нунал;
- Клад утчан нунал.
Луэм учыръёс
Удмуртиын
- 1889 — Алабгоысь купец Пётр Ушков «Варзи-Ятчи» санаторий усьтӥз — Удмуртиысь тужгес вашкалаез шутэтскон-эмъяськон инты.
- 1993 — венгер президентлэн Арпад Гёнцлэн Удмуртие куинь нуналъем визитэз йылпумъяськиз.
- 2007 — Вотка ёросын Болгур гуртын нырысетӥез «Улетай» рок-фестиваль усьтӥськиз.
Россиын но дуннеын
- 1174 — Полтава сярысь гожтэм нырысьсэ пумиське Ипатьевской летописьын Лтава нимын. Полтава кыл 1430-тӥ арын кылдэмын.
- 1911 — ву вылэ васькытэмын нырысетӥез ӟуч дредноут — «Севастополь» линкор.
- 1922 — Фёдор Шаляпин гастрольёсы кунгож сьӧры кошкиз но Россие ӧз берытскы ни.
- 1944 — Мособлисполкомлэн решениезъя Мелиховын А. П. Чеховлэн музей-усадьбаез усьтэмын.
- 1945 — СССР но Чехословакия Закарпатской Украинаез УССР борды валчеян сярысь тупанкыл гожтӥзы.
- 1956 —
- Коломенской завод берпуметӥзэ П36-0251 паровоззэ лэсьтӥз.
- Мерилин Монро кузпалъяськиз американ гожъясьчиен Артур Миллерен.
- 1957 — ЦК КПСС-лэн Пленумез Молотовез, Маленковез, Кагановичез но мукетъёссэ кивалтӥсьёсты, кудъёсыз Н. С. Хрущёвлы пумит луизы, тӧрлыклэсь палэнтӥз.
- 1958 — Бразилия нырысьсэ дуннеысь футболъя чемпион луиз.
- 1984 — усьтэмын Минской метрополитен.
- 2001 — Кофи Аннан ООН-лы Генеральной секретаре кыкетсэ быръемын.
- 2007 — Америкаысь Apple компания нырысетӥ iPhone возьматӥз.
- 2010 — РФ-ысь Вылӥ Суд «Славянской союз»-лэсь алӥз.
Вордӥськизы
Удмуртиысь тодмо муртъёс
- 1923 — Закир Султанов, Удмуртиысь бигер ожчи, Быдӟым Атыкай оже пыриськись, Совето Союзлэн Героез.
- 1934 — Римма Чуракова, удмурт крезьгуртодосчи, фольклор люкась.
- 1958 — Сергей Примушко, Удмуртиысь эмчи.
- 1976 — Наталья Кондратьева, профессор, удмурт кылчи.
Россиысь но дуннеысь тодмо муртъёс
- 1849 — Сергей Витте, Россиысь политик, Росси империысь Министръёслэн кенешсылэн тӧроез (1905—1906).
- 1900 — Антуан де Сент-Экзюпери, Франциысь гожъясьчи, лётчик.
- 1903 — Отто Бадер, совето археолог, Кам, Вотка но Нижнекамск археологической экспедициосын кивалтӥсь.
- 1947 — Борис Любимов, Россиысь театр тодӥсь, дышетӥсь но театральной критик.
- 1957 — Гурбангулы Бердымухамедов, Туркменистанлэн президентэз.
- 1964 — Сосо Павлиашвили, Россиысь но Грузин эстрадаысь кырӟась, крезьгурчи, актёр.
Кулӥзы
Удмуртиысь тодмо муртъёс
Россиысь но дуннеысь одмо муртъёс
- 1889 — Николай Чехов (ворд. 1858), ӟуч суредась, пианист но скрипач, А. П. Чеховлэн бадӟым агаез.
- 1895 — Томас Генри Хаксли, Англиысь зоолог-эволюционист.
- 1998 — Галина Брежнева, ЦК КПСС-лэн Генеральной секретарезлэн Л. И. Брежневлэн нылыз.
- 2003 — Кэтрин Хепбёрн, Америкаысь киноактриса.