28-тӥ тулыспалэ
28-тӥ тулыспалэ — Григориан дырпусъя — арлэн 59-тӥ нуналыз. Ар пумозь 306 нунал кылемын (касьян аре — 307 нунал).
☀️ Ижкарын Шунды 7 час 10 минутэ ӝужа, пуксе 17 час 44 минутэ. Югыт нуналлэн кыстӥськемез 🕒 10 час 33 минут.
🌑 Выль толэзь (будэмез 0.39 нунал).
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Онисимлэн нуналыз. Ӟуч сямен Зимобор шуо. Туннэ нуналысен толллэн кужымез быре. Макем трос калыкез, пе, туннэ куноятод — сокем трос шудбуред луоз. Нош куное буш киын ветлыны уг лэзё. Озьы ик туннэ улон интыез воштыны уг яра шуо.
- Туннэ шунды берзэ учкыса пуксе ке — пелляськоз.
- Липет вылысь кузесь йӧ ӟузыриос ошисько ке — тулыс кема кыстӥськоз.
- Кыӵе туннэ куазь — сӥзьыл но сыӵе ик луоз.
Нимнуналзэс пусъё
- Алексей, Афанасий, Евсевий, Евфросиния, Иван, Маиор, Михаил, Николай, Онисим, Пафнутий, Пётр, Симеон, София.
Праздникъёс но буре ваён нуналъёс
— Шер пумиськись висёнъёслы сӥзем калыккуспо нунал.- — Вуриськисьлэн калыккуспо нуналыз.
Финляндия — Калевалалэн нуналыз.- ИΤ-ӧнерчилэн нуналыз.
- Лымымунёлэн вордӥськон нуналыз.
Луэм учыръёс
Удмуртиын
- 1897 — Ватка губерниысь Глаз утемысь Ухтым но Укана черкогуртъёсын дунтэк калык библиотекаос усьтӥськизы.
- 1921 — Глазкарын, шаермылэн нырысетӥ шоркараз, РКП(б)-лэн Удмурт областьысь нырысетӥ конференциез ужаны кутскиз.
- 1925 — Удмурт шаерез эскеронъя тодос дэменлык кылдытэмын.
- 1926 — Трокай Борисовлэн но Кузебай Гердлэн кичӧлтэмзыя «Кенеш» журналлэн нырысетӥ номерез потӥз.
- 1991 — Россия Федерацилэн пенсионной фондэзлэн Удмуртиысь ёзэтэз кылдытэмын.
- 1992 — Удмурт Элькунысь «Долг» нимо мерлыко огазеяськон кылдытэмын.
Россиын но дуннеын
- 1720 — Пётр I-лэн Указэзъя Росси империын ужъюртъёсын делопроизводствоез радъян понна кун коллегиос кылдытэмын вал.
- 1732 — Санкт-Петербургын нырысетӥез Россиын кадетской корпус усьтӥськиз.
- 1825 — Россилэсь но Англилэсь Уйпал Америкаысь музъемъёссэс люкон-висъян сярысь конвенци кутэмын.
- 1835 — нырысьсэ печатламын «Калевала» нимо карел-финн эпос.
- 1854 — США-ын Республиканской партия кылдытэмын.
- 1892 — Михаил Чигорин но Вильгельм Стейниц куспын Шахматъя дуннеысь чемпион звание понна матч йылпумъяськиз.
- 1922 — Евгений Вахтангов «Принцесса Турандот» нимо-дано спектакльзэ пуктӥз.
- 1935 — американец Уоллес Карозерс синтез амалэн нейлон кылдытӥз.
- 1990 — Россиысь кинематографистъёслэн союззы кылдытэмын.
- 1991 — Персидской сюмын ож йылпумъяськиз.
- 1996 — Россия Федерация Европалэн Кенешаз пыриз.
- 1998 — Косовсой война кутскиз.
- 2010 — Канадаысь Ванкуверын тол Олимпи шудонъёс йылпумъяськизы.
- 2013 — римской папа Бенедикт XVI престоллэсь куштӥськиз.
Вордскизы
Удмуртиысь тодмо муртъёс
- 1937
- Ибрагим Нафиков, Удмуртиысь бигер кылбурчи но публицист.
- Роберт Дмитриевич Черенков, СССР-ысь Вылӥ Лигаысь «Ижсталь» хоккей командалэн нырысетӥ тренерез, Спортъя мастер, РСФСР-ысь но СССР-ысь сӥё-дано тренер, педагогика наукаосъя кандидат.
- 1941 — Виктор Туганаев, удмурт тодосчи-биолог, профессор.
- 1959 — Раиль Галиахметов, тодосчи-экономист, Ижысь техникая кун университетысь профессор.
Россиысь но дуннеысь тодмо муртъёс
- 1683 — Рене Антуан Реомюр, Франциысь инкуазьтодосчи.
- 1690 — Алексей Петрович, ӟуч царевич, Пётр Первойлэн пиез.
- 1901 — Лайнус Карл Полинг, Америкаысь химик, Нобель премилэн лауреатэз.
- 1909 — Николай Мельников, гурезь уж удысысь совето тодосчи, техника наукаосъя доктор, академик.
- 1930 — Леон Нил Купер, Америкаысь физик, физикая Нобель премилэн лауреатэз (1972).
- 1945 — Евгений Гинзбург, режиссёр, сценарист.
- 1963 — Сергей Маврин, ӟуч рок крезьгурчи, «Ария» но «Маврин» группаосы пыриськись.
- 1972 — Вилле Хаапасало, финн актёр.
- 1978 — Мира Луоти, финн кырӟась, «PMMP» группае пыриськись.
- 1981 — Игорь Харламов, Россиысь комедийной актёр, «Comedy Club» телепроектэ пыриськись.
- 1982 — Наталья Водянова, Россиысь топ-модель.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1525 — Куаутемок, ацтекъёслэн берпумез императорзы.
- 1719 — Борис Шереметев, Россиысь нырысетӥ граф, дипломат, генерал-фельдмаршал.
- 2006 — Оуэн Чемберлен, Америкаысь физик, атомной бомба кылдытӥсь, Нобель премилэн лауреатэз (1959).
- 2011 — Анни Жирардо, Франциысь актриса.