21-тӥ тулыспал — Григориан дырпусъя — арлэн 52-тӥ нуналыз. Ар пумозь 313 нунал кылемын (касьян аре — 314 нунал).
☀️ Ижкарын Шунды 7 час 27 минутэ ӝужа, пуксе 17 час 26 минутэ. Югыт нуналлэн кыстӥськемез 🕒 9 час 59 минут.
🌒 Егит Толэзь (будэмез 4.02 нунал).
Нунал тодметъёс
- Ӟуч калыкын туннэ Захарийлэсь нуналзэ пусъё. Удмуртъёс Ыж гон кынтон нунал нимало. Та нуналэ, пе, выжез ӵужыны уг яра, жаген валче тазалыкез но, ваньбурез коркась поттод шуо.
- Макем кезьытгес шуо тулыспаллэн берпум арняез, сокем шунытгес луоз южтолэзь.
- Пӧйшуръёс туннэ укыр етӥзъясько ке — ӝоген пелляськоз.
Нимнуналзэс пусъё
- Александр, Андрей, Захария, Макарий, Ничипор/Никифор, Пётр, Поликарп, Савва, Сергей, Симеон, Степан/Стефан, Фёдор.
Праздникъёс но буре ваён нуналъёс
- ЮНЕСКО
ЮНЕСКО — Анай кыллэн калыккуспо нуналыз.
— Экскурсоводлэн калыккуспо нуналыз.- Нылкышно шудлэн нуналыз.
Луэм учыръёс
Удмуртиын
- 1889 — Ваткаысь епархилэн училищной кенешезлэн Сарапул утемысь ёзэсэз кылдытэмын.
- 1918 — Ижысь рабочей, солдат но крестьян депутатъёслэн Кенешсы Иж завод посёлокез Иж городлы пӧрмытон сярысь Пуктэт кутӥз.
- 1939 — Удмуртиысь Калык Комиссаръёслэн Кенешсы Глазкарын дышетӥсьёсты дасянъя институт кылдытон сярысь Пуктэт кутӥз.
- 1959 — УАССР-ысь журналистъёслэн союззы кылдытэмын. Солэн нырысетӥ кивалтӥсез "Советской Удмуртия" газетлэн валтӥсь редакторез Пётр Михайлович ЯШИН луиз.
- 1962 — Глазысь педагогикая кун институтын кунгожсьӧр кылъёсъя кафедра усьтэмын.
- 1994 — Ижкарын Россиысь оружейникъёслэн союззы кылдытэмын.
- 2008 — нырысьсэ юнматэмын Сарапул карлэн флагез.
- 2018 — Удмуртиысь спортсмен Алина Загитова, Пхёнчханын тол Олимпи шудонъёсын фигурной нискыланъя вакчи программаеныз выль дунне рекорд пуктӥз.
Россиын но дуннеын
Вордскизы
Удмуртиысь тодмо муртъёс
- 1922 — Никифор Савельевич Павлов, Горд Армиысь младшой сержант, Быдӟым Атыкай оже пыриськем мурт, Совето Союзлэн Героез (1943).
- 1925 — Вадим Сивков, Удмуртиысь Совето Союзлэн Героез, Быдӟым Атыкай оже пыриськись.
- 1929 — Тубылов Афанасий Ильич — политик, дышетӥсь, Удмурт АССР-ысь Вылӥ Кенешлэн Президиумезлэн Тӧроез (1977—1989). Удмурт Элькунысь калыкез дышетон удысысь дано ужась, Удмурт Элькунлэн дано муртэз.
- 1933 — Николай Васильев, удмурт гожъяськись но журналист.
- 1953 — Галина Платонова (Ушакова), «Шулдыр ӝыт» ансамбльысь кырӟась, Удмуртиысь Калык артист.
Россиысь но дуннеысь тодмо муртъёс
- 1728 — Пётр III, Россиысь император.
- 1859 — Михаил Родзянко, Росси империысь Кун думалэн 5-тӥ тӧроез.
- 1906 — Евгений Кибрик, СССР-ысь Калык художник.
- 1915 — Евгений Лифшиц, совето физик-теоретик.
- 1918 — Армас Йокио, финн киноактёр но оперной кырӟась.
- 1924 — Роберт Мугабе, Зимбабвеысь премьер-министр но президент.
- 1927 — Юбер Живанши, Франциысь модельер.
- 1943 — Людмила Улицкая, Россиысь гожъяськись.
- 1952 — Виталий Чуркин, Россиысь дипломат.
- 1957 — Николай Расторгуев, Россиысь кырӟась.
- 1962 — Чак Паланик, Америкаысь гожъяськись.
- 1979 — Дженнифер Лав Хьюитт, Америкаысь актриса но кырӟась.
- 1983 — Лусинэ Геворкян, Россиысь кырӟась.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1677 — Бенедикт Спиноза, Нидерландысь философ.
- 1920 — Владимир Егорович Маковский, ӟуч суредась.
- 1984 — Михаил Шолохов, ӟуч совето гожъяськись, Нобель премилэн лауреатэз (1965 ар).
- 2013 — Алексей Герман, СССР-ысь но Россиысь кинорежиссёр, РСФСР-ысь калык артист.
