Павлов, Никифор Савельевич

Рувикиын таӵе фамилиен мукет муртъёс сярысь гожтосъёс вань. Учке: Павлов.

Никифор Савельевич Павлов
Вордӥськем дырыз	21-тӥ тулыспалэ 1922(1922-02-21)
Вордӥськем интыез	Вуж Казмас гурт, Дэри ёрос, Удмуртия
Кулэм дырыз	3-тӥ пӧсьтолэзе 1995(1995-07-03) (73 арес)
Кулэм интыез	Ижкар, Россия
Кунмуртлыкез	СССР СССР
Кыӵе войскоез	связья войскоос]
Служить карон аръёсыз	1940—1945
Званиез
Ожмаськонъёс/ожъёс	Быдӟым Атыкай ож
Данъетъёсыз

Никифор Савельевич Павлов (1922-тӥ арын 21-тӥ тулыспалэ Вуж Казмас гуртын — 1995-тӥ арын 3-тӥ пӧсьтолэзе Ижкарын) — Горд Армиысь младшой сержант, Быдӟым Атыкай оже пыриськем мурт, Совето Союзлэн Героез (1943).

Улон сюресэз

Вордӥськиз 1921-тӥ арын 21-тӥ тулыспалэ Сарапул уездысь Завьял волостьысь Вуж Казмас гуртын (али Удмуртиысь Дэри ёрос). 1929-тӥ арын Ижкаре улыны лыктӥз, татысь шоръёзо школаез йылпумъяз, собере машина лэсьтон заводын слесарь луыса ужаз. 1940-тӥ арын Горд Армие басьтӥзы. Службаез Дальней Востокын кутскиз. 1942-тӥ арын пӧсьтолэзьысен — Быдӟым Атыкай ожлэн фронтъёсаз пыриськиз. Гудырикошконэ Сталинград ожмаськонэ пыриськиз. Собере Курской дугаын но Харьков палан ожмаськиз. 1943-тӥ арын куарусён толэзёзь гвардилэн младшой сержантэз Степной фронтысь 7-тӥ гвардейской армилэн 78-тӥ гвардейской стрелковой дивизилэн 225-тӥ гвардейской стрелковой полклэн связья ротаезлэн шор телефон станциезлэн кивалтӥсез вал ини. Днепр понна ожъёсын сэзь луэменыз висъяськиз.

1943-тӥ арын 25-тӥ куарусёнэ выжон уе Павлов куинь юлтошъёсыныз ӵош Кременчуглэсь лымшор но шундыӝужан палагес Днепр вамен выжыса, ву ултӥ герӟет ез кыскизы. Ожъёс мыныку трос пол сӧриськем интыоссэ тупатъяз, полклэн командованиезлэсь частьёсын герӟетсэ вис карылытэк возиз. Ожлэн тужгес лек вакытаз кышкатэе тушмонэн киын ожмаськонэ пыриськиз но ачиз кӧня ке немец солдат-офицерез быдтӥз.

СССР-ысь Вылӥ Кенешлэн 1943-тӥ арын 26-тӥ коньывуонэ гожтэм Косэтэзъя «Днепр понна сэзь геройлыко ожмаськмез понна» гвардилэн младшой сержантэз Никифор Павлов Совето Союзлэн Героез дано нимын пусъемын, Ленин орденэн но «Зарни Кизили» медален данъетамын (8942-тӥ номер).

Тылож йылпумъяськем бере Павлов гуртаз бертӥз. Улӥз Ижкарын. Механикая заводын слесарь-сборщик луыса ужаз. Улонысь кошкиз 1995-тӥ арын 3-тӥ пӧсьтолэзе, ватэмын Ижкарысь Хохряки шайвылын.

Озьы ик пусъемын Быдӟым Атыкай ожлэн 1-тӥ степенё орденэныз но мукет медальёсын.

Буре ваён

• Павловлэн нимыз Ижкарысь одӥгезлы ульчалы сётэмын;
• Н. С. Павловлэн нимыз Ижкарысь Ялан ӝуась тыл дорысь Совето Союзлэн Геройёсызлы сӥзем стелаын гожтэмын;
• Совето Союзлэн Героезлэн нмыз Ижкарысь машина лэсьтон заводлэн буре ваён пул вылаз пыртэмын;
• Ижкарысь 73-тӥ номеро школалэн Росси Федерацилэн но Совето Союзлэн Геройёсызлы сӥзем музеяз Никифор Савельевлы сэрег висъямын;
• Дэриысь историяя но лулчеберетъя музей Н. С. Павловлы сӥзем адӟытонъёс радъялля.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Во имя Родины. — Изд. 2-е. — М., 1982.
• Герои Советского Союза — наши земляки. Ижевск, 1962.
• Кулемин И. Г. Героев наших имена. Ижевск, 1975.
• Плесцов К. М. Люди высокого подвига. М., 1962.