Толэзьлэн фазаосыз

Музъем — Толэзь — Шунды сӧзнэт. Толэзь, Музем котыртӥ берытскыкуз, Шундыен югдытӥське. Ачиз Толэзь уг пишты. 1 — выль толэзь, 3 — нырысетӥ ньыльмосэз, 5 — тыр толэзь, 7 — берпуметӥез ньыльмосэз

Толэзьлэн фа́заосыз — Толэзьлэн адӟиськись люкетэзлэн вошъяськемез, сое Музъем вылысен чакланы луэ . Толэзь куспын Толэзьлэн таӵе фазаосыз синйылтӥсько: выль толэзь (ӟуч: новолуние), егит Толэзь (ӟуч: молодая Луна), нырысетӥ ньыльмосэз (ӟуч: первая четверть), йылӥсь (будӥсь) Толэзь (ӟуч: растущая (прибывающая) Луна), тыр толэзь (ӟуч: полнолуние), синӥсь Толэзь (ӟуч: убывающая Луна), берпуметӥ ньыльмосэз (ӟуч: последняя четверть) но вуж Толэзь (ӟуч: старая Луна). Со бӧрсьы ваньмыз выльысен кутске.

Тыр толэзьлэн адӟиськись дурыз лимб шуыса нимаське.

Тыр толэзьлэн югдытэм но сайям вискыз Лунный терминатор нимаське.

Валтӥсь фазаосыз

Толэзьлэн фазаосыз. Суред басьтэмын гимназиослы чаклам географической атласысь (1898-тӥ ар)

Палэс толэзь музъем инвис вадьсын, тусъетамын МКС-24 экипажлэн ёзчиосыныз 2010-тӥ арын

Видеоын возьматэмын Толэзьлэн толэзь ӵоже вошъяськемез. Камера Толэзь вылын интыямын, азьпалаз Музъемлэн бергамез адӟиське

Толэзьлэн фазаосыз Музъемлэн, Толэзьлэн но Шундылэн интыяськемзыя вошъясько.

Выль толэзь , егит Толэзь, нырысетӥ ньыльмосэз, йылӥсь (будӥсь) Толэзь , тыр толэзь , синӥсь Толэзь , берпуметӥ ньыльмосэз но вуж Толэзь ог-огзэс толэзь куспын вошто. Выль толэзь дыръя Толэзьлэн адӟиськись люкетэз быдэсак сайямын, тыр толэзь дыръя — быдэсак югдытэмын. Выль но вуж толэзьёс сюрло тусо адӟисько.

Толэзьлэн фазаосызлэн вошъяськон циклэз синодический месяц нимаське. Со 29,5306 уй-нунал ӵоже кыстӥське но лунной календарьёслэн инъетсы луэ. Толэзь орбиталэн пачкес луэменыз, фазаослэн вошъяськемзылэн дырыз пӧртэм.

Выль толэзь кылдэм бере ог 7 уй-нунал но 10 час ортчыса, Толэзь нырысетӥ ньыльмосаз выже. Та дырлы Толэзен Шундыен виссы 90°-озь вуэ, та вие Шунды Толэзьлэсь бурпалзэ гинэ югдытэ (Музъемлэн Уйпал полушариысеныз учкыса). Толэзь Шундылэн пумит луись палаз вуэ ке, тыр толэзь кылдэ. Выль толэзь кылдэм дырысен ог 14 уй-нунал но 18 час ортчыса, Толэзь Шундылы бурласянь матэктыны кутске, адӟиськись люкетэз пумен пичиёме но Толэзьлэн паллян палыз адӟиськыны кутске. Выль толэзь кылдэм бере 22 нунал но 3 час ортчыса, Толэзь уйшор котырын берпуметӥ ньыльмосаз выже но уйшор бере гинэ адӟиське. Пумен, Шундылы бурласянь матэктыса, сое сутылэ но ачиз адскисьтэм луэ. Озьы вылез толэзь кутске .

Музъемлэн Лымшор полушариысьтыз чакласа, Толэзьлэн фазаосыз синучконын кадь берыктӥськыса адӟисько, нош экваторысен учкыса  — 90 %-лы берыктӥськыса.

Инвисъя учкыса чаклан кабез

Нимыз	Уйпал полушарие		Экватор	Лымшор полушарие
	Вылӥ кульминациез	Шунды ӝужан	Шунды ӝужан	Шунды ӝужан	Вылӥ кульминациез
Выль толэзь (суредын 1-тӥ номер)
Егит Толэзь (2)
Нырысетӥ ньыльмосэз(3)
Йылӥсь Толэзь (4)
Тыр толэзь (5)
Синӥсь Толэзь (6)
Берпуметӥ ньыльмосэз (7)
Вуж Толэзь (8)

Котьку сямен, толэзьлы быдэ одӥг тыр толэзь тупа. Куддыръя, толэзьскын тыр толэзь кык пол кылдэ, соку кыкетӥзэ голубая луна шуыса нимало. Малы ке шуоно, лунной цикл календарной толэзьлэсь вакчигес — со 29,5306 уй-нунал кыстӥське, нош толэзьын 30−31 нунал. Одӥг толэзьскын кык тыр толэзь куинь арлы огпол тупа.

Толэзь фазаосты тодман правило

Толэзьлэсь нырысетӥ ньыльмоссэ берпуметӥезлэсь висъян понна, мнемонической правилоосты кутыны луэ. Кылсярысь, толэзь сюрло 🌘︎ «с (d)» буквалы тупа ке, озьыен, толэзь — «синӥсь» («стареющая»), берпуметӥ ньыльмосэз (фр. dernier). Сюръёсыз мукет пала берытскемын ке 🌒︎, ас малпамъя бордаз гож пуктыса, «р (p)» буква пӧрме — озьыен, толэзь «будӥсь» («растущая»), нырысетӥ ньыльмосэз луэ (фр. premier).

Литература

• Антон Ковалёв. Я тебя никогда не забуду // Тарпон. Люди, яхты, горизонты. — 2013. — № 1.
• Оксана Абрамова. Взламывая астрономию / Под ред. М.Ю. Шевченко. — Москва: АСТ, 2021. — 304 с. — (Взламывая науку). — ISBN 978-5-17-118143-7.

Валэктонъёс

Источники

Чӧлсконъёс