Толэзь

Википедиысь материал
Эскерем гожтос
Та кыллэн мукет валатонъёсыз но вань, учке Толэзь(валатонъёсты).
Толэзь Moon decrescent symbol (bold).svg
Спутник
FullMoon2010.jpg
Орбитальной аслыкъёсыз
Вапум: J2000.0
Периапсида 363 104 км
(356 400—370 400 км)
Апоапсида 405 696 км
(404 000—406 700 км)
Бадӟым полуось (a) 384 399 км
0,00257 а.е.
Орбиталэн эксцентриситетэз (e) 0,0549 (шоро-куспо)[1]
Берытсконэзлэн сидерической дырыз 27,321661 нунал
27 нунал 7 ч 43 мин 11,5 сек
Берытсконэзлэн синодической дырыз 29,530588 нунал
29 нунал 12 ч 44,0 мин
Орбита котыртӥ берган ӝоглыкез (v) 1,023 км/с (шоро-куспо)[1]
Някырскемез (i) 5,145° (4,983—5,317°)
эклиптикая[2]

6,668° (6,517—6,85°)
толэзь экваторъя[2]

18,3—28,6° Музъем экваторъя[2]
Ӝужась герӟетлэн кузьдалаез (Ω) (синэмез) 18,6 ар ӵоже 1 пол берытске
Перицентрлэн аргументэз (ω) (будэмез) 8,85 ар ӵоже 1 пол берытске
Малэн спутникез луэ Музъемлэн
Физической аслыкъёсыз
Полярной сжатиез 0,00125
Экваториальной радиусэз 1738,14 км
0,273 музъем вылысезлэсь
Полярной радиусэз 1735,97 км
0,273 музъем вылысезлэсь
Шорлыдо радиусэз 1737,10 км
0,273 музъем вылысезлэсь
Бадӟым питырилэн коытретэз 10 917 км
Вылызлэн площадез (S) 3,793·107 км2
0,074 музъем вылысезлэсь
Объёмез (V) 2,1958·1010 км3
0,020 яке 1/50 музъем вылысезлэсь
Секталаез (m) 7,3477·1022 кг
0,0123 яке 1/81 музъем вылысезлэсь
Шорлыдо ӵемлыкез (ρ) 3,3464 г/см3
Экваторын эрико усёнэзлэн ӝоглыкез (g) 1,62 м/с2
0,165 g
Нырысетӥ инсьӧр ӝоглыкез (v1) 1,68 км/с
Кыкетӥ инсьӧр ӝоглыкез (v2) 2,38 км/с
Берган дырыз (T) огвакытъямын (Музъем пала котьку одӥг палыныз берытскемын)
Осезлэн някырскемез 1,5424° (эклиптикалэн ӵошкытлыкезъя)
Альбедо 0,12
Адскись кизили величинаез −2,5/−12,9
−12,74 (Тыр толэзь дыръя)
Температураез
 
мин. сред. макс.
Экваторын температураез[3]
100 К (−173 °C) 220 К (−53 °C) 390 К (117 °C)
Атмосфера
Состав:
туж зол шератэмын, водородлэн, гелийлэн, неонлэн но аргонлэн кылем-мылемъёссы вань[4]
Логотип Викисклада Медиафайлъёс РувикиМедиа пушкын
Логотип Викиданных Информация в Викиданных ?

Толэзь — Музъемлэн одӥг гинэ естественной спутникез. Шундылы тужгес матысез инсьӧрму спутник, малы ке шуоно, мукет матысь инсьӧрмуослэн (Меркурийлэн но Венералэн) спутникъёссы ӧвӧл. Яркытлыкъя кыкетӥез луэ, быдӟалаезъя естественной спутникъёс пӧлысь витетӥез. Музъемлэн шорысеныз Толэзьлэн шорозяз — 384 467 км (0,00257 а.е., ~Музъемлэн 30 диаметрез мындагес).

Тыр толэзьлэн инбамын адскись кизили величинаез — −12,71m[5]. Сайкыт куазен музъемез югдытон величинаез 0,25—1 лк луэ.

Толэзь, музъем кылдэм бере, 4,5 млрд ар талэсь азьвыл кылдэм. Тужгес паськыт вӧлмемез гипотеза, Толэзьлэсь кылдэмзэ Музъемлэн Тейя (быдӟалаезъя Марс выллем) инсьӧрмуэн шуккиськемез бере кылдэм пырыослэсь пӧрмем шуыса валэктэ.

Туннэ нуналлы Толэзь одӥг гинэ инсьӧр астрономичесой объект, кудаз вуылӥз адями.

Нимыз

[Тупатыны | вики-текстэз тупатыны]

«Луна» ӟуч кыл праслав. *luna < пра-и.е. *louksnā́ «югыт» (*louksnós прилагательнойлэн женской родэз) кыл бордысь кылдэмын, та индоевропейской каблэсь ик кылдэмын лат. lūna «луна»[6].

Грекъёс Музъемлэсь спутниксэ Селена нимало (др.-греч. Σελήνη), вашкала египтянъёс — Ях (Иях)[7], вавилонянъёс — Син[8], япон калык — Цукиёми[9].

Толэзь — ин вылтыр

[Тупатыны | вики-текстэз тупатыны]
Толэзь шунды пуксён азьын

Орбитаез[Тупатыны | вики-текстэз тупатыны]

Вашкала дырысен адямиос Толэзьлэн ас интызэ вошъямезлы валэктон шедьтыны тыршылӥзы. Дыр ортчемъя оскымонгес но оскымонгес теориос кылдылӥзы.

Туала лыдъян-чотанъёс Браунлэн теориез вылэ пыкиськыса лэсьтэмын. XIX—XX дауръёсысь эскеронъёс со вапумысь приборъёсъя туж оскымонэсь луо вал. Со дыре лыдъян уже тригонометрической функциосын 1400 пала коэффициентъёс но аргументъёс кутэмын ни вал.

Туала наука Толэзьлэсь инты вошъямзэ уката но шонергес лыдъяны быгатэ. Кылсярысь, лазерной локаци амалэн мертаса, Музъемысен Толэзёзь висэз кӧня ке сантиметрлы гинэ пӧяськыса возьматэ[10].

Толэзь эллиптической орбитая 0,0549 эксцентриситетэн берга шуыса, нырысь-валысь малпан кылдэ. Зэмзэ вераса, Толэзьлэсь инты вошъямзэ эскерыны трослы секытгес. Нырысь ик лыдэ басьтоно Музъемлэсь паньгес луэмзэ но Шундылэсь Толэзез бордаз кыскемзэ. Вераны кулэ, Шунды Музъемлэсь 2,2 поллы золгес бордаз кыске[комм. 1]. Толэзьлэн Музъем котыр бергамез пӧртэм полэс луэ шуыса вераса, шонергес луоз[11]:

  • Музъем котыртӥ эллиптической орбитая 27,32166 уй-нунал ӵоже берытске — асьме сямен, толэзь ӵоже шуиськом, сидерической месяц (кизили толэзь);
  • Толэзь орбиталэн ӵошкытлыкезлэн берытскемез: солэн герӟетъёсыз (орбиталэн эклиптикаен пумиськон точкаосыз) шундыпуксён пала кожо. Огпол котырскемез 18,6 ар куспын ортче. Та движениез прецессионной нимаське;
  • Толэзь орбиталэн бадӟым осез (апсид линиос) 8,8 ар куспын берытске (вылӥ верам движенилы мынтӥт луэ);
  • Толэзь орбиталэн эклиптика пала някырскемез 4°59′-ысен 5°19′-озь вуэ;
  • Толэзь орбиталэн быдӟалаезлэн дырын-дырын воштӥськемез: перигеез — 356,41-ысен 369,96 тыс. км-озь, апогеез — 404,18-ысен 406,74 тыс. км-озь;
  • Толэзьлэн Музъем котырысь, приливной ускорениезлы луыса, араз 38 миллиметрлы палэнске[12][13], озьыен, солэн орбитаез каллен сэрттӥськись спираль выллем[14].

Огъя пушсӧзнэтэз[Тупатыны | вики-текстэз тупатыны]

Толэзь пӧрмемын коралэсь, мантиялэсь (астеносфера — солэн аслыкъёсыз туж пӧртэмесь, со ньыль полэс луэ), со сяна вань на мантия но ядро вискысь инты, ачиз ядроез, кудӥз пуш ласянь чурыт, вылыз кизер[15][16]. Толэзьын атмосфераез но гидросфераез чылкак ӧвӧл. Вылыз реголитэн шобыртэмын — векчи тузонэн сураськем из пырыос, кудъёсыз метеоритъёслэн Толэзь борды шуккиськеменызы сэрен кылдыло. Солэн зӧкталаез куд-ог интыосаз дасо метрозь вуэ[17].

Толэзьлэн геологической сӥосыз GRAIL-лэн тодэтъёсызъя[16]
Чурыт пуш ядроез 0—230 км
Педпал кизер ядроез 230—325 км
Мантия но ядро вискысь выжон интыез 325—534 км
Мантиез 534—1697 км
Кораез 1697—1737 км

Коралэн зӧкталаез адскись люкетаз адскисьтэмезлэсь 8—12 иськемлы векчигес. Шораз, дуръёсыныз ӵошатыса, шорлыдын 9,5 иськемлы зӧкгес[18].

Толэзь вылын[Тупатыны | вики-текстэз тупатыны]

Толэзьлэн буёло тусъетъёсыз инвис азьысь пӧртэм ӝуждалаё интыосын лэсьтэмын, 2003-тӥ ар[19][20]

Толэзьлэн атмосфераез туж зол шератэмын. Вылыз югдытымтэ дыръя газъёслэн лыдзы 2·105 частиц/см3 пала гинэ люкаське, (Музъемлэн со 2,7·1019 частиц/см3). Шунды ӝужам бере, сюйлэн дегазациеныз сэрен, со кык поллы тросгес луэ. Шератэм атмосфералы луыса, Толэзьын туж зол вошъяське температура (уйин −173 °C кезьыт, нуназе шундыё азьын +127 °C шуныт)[21]; нош 1 м мурдалаын кыллись изъёслэн температуразы ялан одӥг кадь улэ −35 °C кезьыт. Атмосфераез ӧвӧл бере (озьы шуыны луоз), шунды пиштыку но Толэзьын инбам котьку пеймыт, кизилиё. Озьы ке но, нуназе лэсьтэм фотооосын кизилиос уг адӟисько.

3,5 млрд ар талэсь азьвыл Толэзьлэн атмосфераез ӵемлыкогес вылэм. Лава пасьтана кисьтӥськемен, отысь потэм лобась кылдэтъёс (CO, S, Н2O) быгатысалзы вылэм 1 % зӥбетэн атмосфера кылдытыны, музъем атмосфераен ӵошатыса. Солэсь пасьтана пазьгиськон дырзэ 70 млн ар пала лыдъяло[22].

«Толэзьын. Ӝужа музъем»[23] Почтовая марка СССР, 1967 год

Толэзьлэн ӵошкыт вылыз шунды югытлыкез 5—18 %-сэ гинэ берлань пиштытэ (вуж асфальт выллем). Толэзьын буёло виштыосыз туж ӧжыт; солэн вылыз куренялэс яке сьӧдмыт-пурысь (тодэтъёс 1970-тӥ арысь басьтэмын)[24].

Тужгес ӟечлыко тусъетъёс лэсьтэмын вал 2017-тӥ арын[25] . Пурысялэс-курень тусо луо: Сайкыт зарезьлэн (Море Ясности) шор люкетэз, Зор Зарезьлэн (Море Дождей) шундыӝужанпал люкетэз, Кезьыт Зарезь (Море Холода) но Аристарх плато. Лызмыт буёло луо: Каньыл Зарезь (Море Спокойствия), Сайкыт Зарезьлэн (Море Ясности) дуръёсыз, Ваньбуро Зарезьлэн (Море Изобилия) уйпал люкетэз, Зор Зарезьлэн (Море Дождей) шундыпуксёнпал люкетэз, Сильтӧло Океанлэн (Океан Бурь) шундыпуксён но лымшор палыз. Толэзьлэн со дыре лэсьтэм буёло тусъетэз али дыре лэсьтэмъёсыныз зэмаз[26]. Огшоры синмын со тодметъёсты висъяны уг луы. Огшоры фото лэсьтыса но яркыт буёлъёс уг адӟисько — толэзьлэн тусыз одӥг выллем[27].

  • Толэзь МКС-ысен 2015-тӥ арын 8-тӥ южтолэзе

    Толэзь МКС-ысен 2015-тӥ арын 8-тӥ южтолэзе

  • Толэзь МКС-ысен 2005-тӥ арын 24-тӥ тулыспалэ

    Толэзь МКС-ысен 2005-тӥ арын 24-тӥ тулыспалэ

  • Толэзь «Спейс шаттл»-ысен 1999-тӥ арын 21-тӥ толсуре

    Толэзь «Спейс шаттл»-ысен 1999-тӥ арын 21-тӥ толсуре

Вуӝутсконъёс но вусинонъёс[Тупатыны | вики-текстэз тупатыны]

Толэзьлэн гравитационной кужмыз Музъем вылын тунсыко эффект сётэ. Тужгес ӵем пумиськисез — зарезь вуӝутсконъёс но вусинонъёс. Музъем вылын солэн Толэзь пала берытскем но солы пумит луись люкетъёсаз ӝутӥськем интыос кылдыло. Дунне океанын музъем вылынлэсь со золгес шӧдӥське. Океанын ву ӝутӥськонлэн пӧртэмлыкез 30—40 см сяна уг луы. Нош ярдур палан тулкымлэн ӝуждалаез бадӟымгес луэ. Материкъёслэн шундыӝужанпал ярдуръёсаз вуӝутӥськонъёс кужмогес луыло. Тужгес зол тулкымъёс ӝутӥсько Канадаысь Фанди вукожын, куддыръя 18 м етрозь вуо. Толэзьлэн Музъем котыртӥ бергамезъя валаны луэ океанысь вуӝутӥськон тулкымлэсь кудлань мынэмзэ.

Шундылэн бордаз кыскон кужмыз 200 поллы тросгес ке но, Толэзьлэн вуӝутӥськон кужмыз, Шундыен ӵошатыса, кык поллы золгес. Малыке шуоно, вуӝутӥськон кужым гравитационной полелэн быдӟалаеныз гинэ ӧвӧл, солэн пӧртэм луэменыз но герӟаськемын. Толэзен ӵошатыса, Шунды Музъемлэсь 400 поллы кыдёкынгес бере, солэн вуӝутскон кужмыз но лябгес луэ[28].


Чакланъёс[Тупатыны | вики-текстэз тупатыны]

Толэзь ачиз уг пишты бере, Музъем вылысен солэсь Шундыен югдытэм палзэ гинэ адӟиськом (Толэзь будыку но пичияку). Толэзь Музъем котыртӥ бергамен, Музъем, Толэзь но Шунды вискысь сэрегез вошъяське; асмеос сое толэзь фазалэн циклэз шуиськом. Выль толэзь ӝужан вискын 29,5 нунал (709 час) ортче но синодической толэзь нимаське. Синодической толэзьлэн сидерическоезлэсь кузьгес луэмез Музъемлэн Шунды котыртӥ бергаменыз герӟаськемын: куке Толэзь быдэсак Музъем котыртӥ берытске, со дыре Музъем орбитаезлэсь 1/13 люкетсэ ортче. Толэзь Шундыен Музъем вискы мед султоз шуыса, эшшо ог 2 уй-нунал кулэ луэ на.

Толэзь Музъем пала котьку одӥг палыныз берытскемын луэ, озьыен, Толэзьлэн ас котыртӥз но Музъем котыртӥ бергамез огвакытъямын[29].

Музъемысь лэзем югытлык Толэзе 1,255 секунд ӵоже вуэ. Суред бадӟыматыса возьматэмын

Селенология

[Тупатыны | вики-текстэз тупатыны]
Радиальной гравитационной аномалия Толэзьын

Толэзьлэн быдӟалаезъя но пушпӧлызъя куддыръя сое Меркуриез, Венераез, Музъемез но Марсэз сямен ик музъем группаысь инсьӧрмуос пӧлы пырто.

Толэзьлэн кораезлэн зӧкталаез шорлыдын басьтыса 68 иськем. Королёв нимо кратерлэн уйпал люкетаз 107 иськемозь вуэ. Кора улын мантия но сернистой железолэсь пичи ядроез вань, солэн радиусэз 340 иськем пала, секталаез Толэзьлэн секталаезлэсь 2 % луэ. Коралэн тужгес векчи интыез Москва Зарезьын[30][31].

Толэзьын магнитной поле ӧвӧл. Трос аръёс талэсь азьыл магнит поле отын вал шуыса, куд-ог изъёсын солэн шӧдӥськемезъя валаны луэ.

Мугыркъёс[Тупатыны | вики-текстэз тупатыны]

2009-тӥ арын япон зонд Толэзьысь Мариуслэн Вырйылъёсыз (Холмы Мариуса) котырысь мугыркез шедьтӥз. Солэн диаметрез 65 метр пала, мурдалаез 80 метр пала[32].

Тодосчиос тае кизермем изъёс пушкы лавалэн кынмеменыз валэкто. Ӵемысь сооос Толэзьын тылгурезьёс кисьтӥськемен кылдылӥзы[32]. Со выллем гыркъёс Марсын но вань.

Вуэз[Тупатыны | вики-текстэз тупатыны]

Толэзьын ву вань шуыса ивортонъёсты нырысьсэ шараязы совето эскерчиос[33] 1978-тӥ арын. 1976-тӥ арын «Луна-24» зондэн вуттэм образецъёсты эскереонъёс та фактъёсты юнматӥзы[34].

2008-тӥ арын Карнеги Институтысь но Браун нимо Университетысь геологъёс Толэзьысь басьтэм сюйысь вулэсь кылем-мылемзэ шедьтӥзы. Кылдэмез бере отын вуэз тросгес вылэм, берло солэн бадӟым люкетэз парӟектыса инсьӧры ышем[35].

Чандраян-1 инди лобан аппаратын юнматэм Mini-SAR радарлэн тодэтъёсызъя, татын 600 млн тонн пала ву шедьтэмын, бадӟым люкетэз кратеръёс пыдсын ӥӧӟектыса кылле[36].

Сюй но изъёс

[Тупатыны | вики-текстэз тупатыны]

Толэзьлэн зарезь но материковой люкетъёсысьтыз басьтэм сюй висъяське. Толэзь извыжыосын вуэз туж ӧжыт. Озьы ик отын ӧжыт железоез но лобась кылдэтъёсыз[37]. Зынызъя сутскем яке ыбылэм пистон зын луэ.

Толэзь рогалитлэн хими составез процентъёсын[38].
Кылдэтъёс «Луна-20»-эн вуттэмын «Луна-16»-эн вуттэмын
Si 20,0 20,0
Ti 0,28 1,9
Al 12,5 8,7
Cr 0,11 0,20
Fe 5,1 13,7
Mg 5,7 5,3
Ca 10,3 9,2
Na 0,26 0,32
K 0,05 0,12

Толэзь реголитын трос оксидъёс пӧлы пырись кислородэз но диоксид кремния— 42,8 %[38].

Селенография

[Тупатыны | вики-текстэз тупатыны]
Толэзьысь огшоры синмын адскись люкетъёсыз: Z — «Толэзь кеч» ("«лунный заяц»), A — Тихо нимо кратер (кратер Тихо), B — Копеник нимо кратер (кратер Коперник), C — Кеплер нимо кратер (кратер Кеплер), 1 — Сильтӧл океан (Океан Бурь), 2 — Зоро Зарезь (Море Дождей), 3 — Каньыл зарезь (Море Спокойствия), 4 — Сайквт Зарезь (Море Ясности), 5 — Пилем Зарезь (Море Облаков), 6 — Ваньбуро Зарезь (Море Изобилия), 7 — Кризисо Зарезь (Море Кризисов), 8 — Кот Зарезь (Море Влажности)

Толэзьлэн ӵошкыт вылыз кык пӧртэм:

  1. туж вашкала гурезё инты (толэзь материкъёс),
  2. выльёсызгес гылыт интыос (толэзь зарезьёс).

Музъем пала толэзьлэн зарезё люкетэз берытскемын. Татын интыяськем кратеръёслы тодмо муртъёслэн нимъёссы сётэмын. Кылсярысь, Тихо Браге, Коперник но Птолемей. Мукет палаз рельеф нимъёс туалаесьгес: Аполлон, Гагарин но Королёв но мукет. Толэзьлэн мукет палаз ик бадӟым гопез вань — Лымшор полюслэн бассейнэз — Эйткен, солэн диаметрез 2250 км но мурдалаез 12 км — та тужгес бадӟымез Шунды Сӧзнэтысь бассейн, кудӥз мырӟиськыса пӧрмемын. Шундыӝужанпал Зарезез (Море Восточное) Музъемысен но адӟыны луэ. Озьы ик висъясько на куполъёс, хребетъёс но бороздаос.

Зарезьёс[Тупатыны | вики-текстэз тупатыны]

Толэзь зарезьёс ― со базальт лаваен тырмытэм нёжалъёс. Нырысь-валысь соосты зэмос зарезь шуыса лыдъяло вал. Берло, валэктонъёс шедьтэм бере, нимъёссэ ӧз ни воштэ. Толэзь зарезьёс 40 % пала адскись интывылэз басьто.

Толэзьлэн адскымон палыз (мозаика снимков КА «Lunar Reconnaissance Orbiter»
Толэзьлэн адсконтэм палыз LRO-лэн тодэтъёсызъя
Ӟуч нимыз Калыккуспо нимыз[39] Сторона Луны
1 Океан Бурь Oceanus Procellarum адскымон
2 Залив Зноя (Волнений) Sinus Aestuum адскымон
3 Залив Радуги Sinus Iridum адскымон
4 Залив Росы Sinus Roris адскымон
5 Залив Центральный Sinus Medium адскымон
6 Море Влажности Mare Humorum адскымон
7 Море Восточное Mare Orientalis адскымон
8 Море Дождей Mare Imbrium адскымон
9 Море Плодородия (Изобилия) Mare Foecunditatis адскымон
10 Море Краевое Mare Marginis адскымон
11 Море Кризисов (Опасностей) Mare Crisium адскымон
12 Море Мечты Mare Ingenii адсконтэм
13 Море Москвы Mare Mosquae адсконтэм
14 Море Нектара Mare Nectaris адскымон
15 Море Облаков Mare Nubium адскымон
16 Море Паров Mare Vaporum адскымон
17 Море Пены Mare Spumans адскымон
18 Море Смита Mare Smythii адскымон
19 Море Спокойствия Mare Tranquillitatis адскымон
20 Море Холода Mare Frigorum адскымон
21 Море Южное Mare Australe адскымон
22 Море Ясности Mare Serenitatis адскымон

Кылдэмез

[Тупатыны | вики-текстэз тупатыны]

Нырысьсэ Толэзьлэн кылдэмез сярысь1878-тӥ арын британ астроном Джордж Говард Дарвин[40] ивортӥз. Солэн малпамезъя, Толэзь Музъем бордысь люкиськем. Мукет малпанъёсъя, Толэзь ас понназ вылэм но музъемлэн гравитаци кужмыз сое киултэм[40]. Валче кылдэмзы сярысь теория Толэзен Музъем одӥг выллем векчи из пырыослэсь кылдэмын шуыса валэктэ[40]. Ортчытэм эскеронъёсъя, Толэзьысь но Музъемысь басьтэм сюй ог-огезлэсь[41] зол висьяське. Со сяна, туала компьютерен лэсьтэм модельёс чылкак палэнто Дарвинлэсь но мукетъёссэ теориосты[41].

1984-тӥ арын ортчем планетологияя Гавай конференциын Толэзьлэн кылдэмез сярысь огъя «теория Гигантского столкновения» теория кылдытэмын вал. Соя валаськом, Толэзь 4,6 млрд ар талэсь азьвыл кылдэм шуыса, Музъемлэн бадӟым ин вылтырен мырӟиськемез бере[42][43].

Эскеронъёс

[Тупатыны | вики-текстэз тупатыны]
Дедал кратер, диаметрез: 93 км, мурдалаез: 3 км (фотоез НАСА-лэн)

Вашкала дырысен Толэзь адямиосты бордаз кыскылӥз. Асьме вапумозь II даурын Гиппарх Толэзьлэсь кизилиос пӧлтӥ ветлэмзэ, солэсь быдӟалазэ но Музъемлэсь кӧня иськемын луэмзэ эскериз[44], озьы ик инты вошъямезлэсь кӧня ке мугъёссэ чаклаз. Асьме вапумозь III даурын Аристарх Самосский толэзь ӵоктаськонлэсь кыстӥськон дырзэ басьтыса, Толэзьлэсь диаметрзэ лыдъяз. Солэн лыдъямезъя, толэзьлэн диметрез Музъемен ӵошатыса, одӥг ньыльмосэз луэ ― 3700 иськем пала, быдэсак тупа туала лыдъянъёслы[45].

Телескопъёс кылдэм бере Толэзьлэсь вылзэ умойгес адӟыны луиз. Нырысетӥзэ Толэзь картаез 1651-тӥ арын Джованни Риччиоли кылдытӥз. Со ик бадӟым пеймыт виштыослы нимъёс но сётъяз. Со вакыт Толэзьын Музъем вылын кадь куазь шуыса малпало вал, нош сьӧд виштыос ― со вуэн тырмытэм зарезьёс. 1753-тӥ арын хорват астроном Руджер Бошкович Толэзьын атмосфераез ӧвӧл шуыса оскытӥз. Озьыен, кизер ву Толэзьын луыны уг быгаты шуыса валэктӥз.

Джованни Риччиоли ик кратеръёслы тодмо тодосчиослэсь нимъёссэс сётыны дэмлаз, кылсярысь: Платон, Аристотель но Архимед, Вернадский, Циолковский но Павлов.

Толэзез эскеронын фотографиосты но астрономи тодэтъёсты XIX даурысен кутыны кутскизы. Со шонергес валатонъёс шедьтыны луонлык сётӥз. Сыӵе фотоос лэсьтылӥзы Уоррен де ла Рю (1852) но Льюисом Резерфорд (1865). 1896-тӥ ― 1904-тӥ аръёсы Морис Леви, Пьер Пюизё но Шарль Ле Морван «Толэзьлэсь фотографической атласссэ» кылдытӥзы[46].

Дуннеын нырысьсэ Толэзьлэсь педпалзэ адӟыны луиз, 1959-тӥ арын 23-тӥ куарусён толэзе, «Луна-2» совето межпланетной станци отчы вуылэм бере гинэ.

Пилотэн лобанъёс[Тупатыны | вики-текстэз тупатыны]

«Аполлон-16» Толэзьын

1960-тӥ аръёсы США инсьӧрез эскерон удысын СССР-лэсь шӧдскымон бере кыле вал. Соку Дж. Кеннеди адями Толоэзе 1970-тӥ арозь одно ик пуксёз шуыса оскытӥз. Пилотэн лобонлы НАСА кӧня ке инсьӧр программаос быдэстӥз: «Рейнджер» (1961—1965) — вылзэ фотое пуктон, «Сервейер» (1966—1968) — Толэзе пуксён, интывыллэсь фотозэ лэсьтон, «Лунар орбитер» (1966—1967) — Толэзьлэсь вылзэ пыр-поч эскерон. Ужъёсты быдэсъяз Trident Engineering Associates (Аннаполис, штат Мэриленд) 1965-тӥ арын 1-тӥ инвожое Space Flight Center-ен (Гринбелт, штат Мэриленд) юнматэм NAS 5-9613 контрактъя Goddard[47][48][49].

Толэзе пуксёнъя американ программа «Аполлон» шуыса нимаськиз. Нырысьсэ Толэзе пуксиз 1969-тӥ арын 20-тӥ пӧсьтолэзе американец Нил Армстронг, кыкетӥез вал Эдвин Олдрин, куинетӥез — Майкл Коллинз. 1972-тӥ арын толсуре «Аполлон-17» корабльысь астронавтъёс Джин Сернан но Харрисон Шмитт берпуметӥосыз, кин Толэзе пуксьылӥз.

Озьыен, Толэзь — одӥгез гинэ ин вылтыр, кудаз адями вуылӥз, но одӥгез гинэ инсьӧрму, кудысьтыз сюй Музъем вылэ вуттыса эскеремын вал[50].

Толэзьлэн лулчеберетын кутӥськемез

[Тупатыны | вики-текстэз тупатыны]
Шунды но Толэзь. («Нюрнбергской хроника» Хартман Шедель, 1493)

Плутархлэн диалогез «О лике видимом на лун­ном дис­ке»[51] (I—II дауръёс) Толэзь сярысь со вакыт кылдэм теориосты возьматэ. Пумазгес Платоновской Академиен но Ксенократэн кутэм теориос сярысь маде, соин валче, Толэзь — шайтанъёслэн дуннезы шуэ[52].

Мифологиын[Тупатыны | вики-текстэз тупатыны]

Искусствоын[Тупатыны | вики-текстэз тупатыны]

Альбер Обле. Селена (1880)

Толэзь ӵемысь гожъяськисьёсты но кылбурчиосты, суредаськисьёсты но крезьгурчиосты, режиссёръёсты но сценаристъёсты со сярысь произведениос кылдытыны бурдъялляз. Тросаз произведениосын Толэзь лушкемлыклэн, чеберлыклэн но яратонлэн пусэз шуыса возьматэмын. Толэзен ӵошатонъёсты вашкала дауръёсы ик литератураын кутылӥзы ини: Соломонлэн кырӟаназ (1-тӥ сюрс ар асьме вапумозь) тазьы гожтэмын:

Кто эта, блистающая, как заря, прекрасная, как луна, светлая, как солнце, грозная, как полки со знамёнами?

Толэзь сярысь нырысетӥ кылбурез вашкала грек кырӟасьлэн Орфейлэн шуо:

Он (Зевс) смастерил и иную землю, безграничную, кою Селеной зовут бессмертные, а земные человеки — Луной. Много на ней гор, много городов, много жилищ.

— Прокл. Комментарий к «Тимею» Платона[53].

Туала арын та чуръёсты пифагореец Керкопс асьме вапумозь V даурын гожтэм шуыса лыдъяло[54]

Толэзе лобан сярысь тема паськыт вӧлмемын вал фольклорын но, классической литератураын но. Нырысьсэ со сярысь пыр-поч гожтӥз Жюль Верн «С Земли на Луну прямым путём за 97 часов 20 минут» (1865) но «Вокруг Луны» (1870) романъёсаз.

XX даурысь футурологъёс но толэзь темаез палэнэ ӧз кельтылэ[55]. Революцилэсь азьпал ӟуч литератураын Толэзьлэн нёжалъёсыз но гурезь бамалъёсыз чагыралэс турынэн но бадӟым тӧдьы сяськаосын шобыртэмын шуыса малпаллязы[56].

Валэктонъёс

[Тупатыны | вики-текстэз тупатыны]
Комментарийёс
  1. ↑ Шундылэн быдӟалаез Музъемлэн быдӟалаезлэсь 333 тыс. масс поллы бадӟымгес луэ, Нош Музъемысен Шунды дорозь 150 млн км / 384 тыс. км ≈ 390 раз поллы тросгес. Соин сэрен, бордазы кыскон кужымзы но 333 000 / 3902 ≈ 2,2 раза поллы висъяське
Источникъёс
  1. ↑ 1 2 Солнечная система / Ред.-сост. В. Г. Сурдин. — М.: Физматлит, 2008. — С. 69. — ISBN 978-5-9221-0989-5.
  2. ↑ 1 2 3 Астрономический Календарь. Постоянная часть / Редактор Абалакин В. К.. — М.: Наука, главная редакция физико-математической литературы, 1981. — С. 555.
  3. ↑ A. R. Vasavada, D. A. Paige, S. E. Wood. Near-Surface Temperatures on Mercury and the Moon and the Stability of Polar Ice Deposits(англи) // Icarus : journal. — Elsevier, 1999. — Vol. 141, no. 2. — P. 179—193. — doi:10.1006/icar.1999.6175. — Bibcode: 1999Icar..141..179V.
  4. ↑ Атмосфера Луны.
  5. ↑ Михайлов, Виноградов, 1974, с. 61.
  6. ↑ Фасмер М. Этимологический словарь русского языка. — Прогресс. — М., 1964—1973. — Т. 2. — С. 533.
  7. ↑ Коростовцев, Михаил Александрович. Религия древнего Египта. — М.: Наука, 1976. — Т. 3. — 336 с.
  8. ↑ Син, божество // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  9. ↑ Jeremy Roberts Japanese Mythology A to Z(англи)
  10. ↑ В. Е. Жаров, 2002. Сферическая астрономия. 5.6. Пульсарная шкала времени Архивная копия от 5 коньывуонэ 2012 на Wayback Machine.
  11. ↑ Дагаев М. М. Солнечные и лунные затмения. — М : Наука, 1978. — С. 50—54.
  12. ↑ Is the Moon moving away from the Earth?(англи) Ask the Astronomer (Cornell University).
  13. ↑ When the Moon Becomes Earth's Nemesis(англи) Discovery.com.
  14. ↑ Алексей Левин. Прекрасная Селена Архивная копия от 5 южтолэзе 2018 на Wayback Machine // Популярная механика, № 5, 2008.
  15. ↑ James G. Williams, Dale H. Boggs, Charles F. Yoder, J. Todd Ratcliff, Jean O. Dickey. Lunar rotational dissipation in solid body and molten core(англи) // Journal of Geophysical Research: Planets. — 2001. — Vol. 106, iss. E11. — P. 27933—27968. — ISSN 2156-2202. — doi:10.1029/2000JE001396.
  16. ↑ 1 2 James G. Williams, Alexander S. Konopliv, Dale H. Boggs, Ryan S. Park, Dah-Ning Yuan. Lunar interior properties from the GRAIL mission(англи) // Journal of Geophysical Research: Planets. — 2014. — Vol. 119, iss. 7. — P. 1546—1578. — ISSN 2169-9100. — doi:10.1002/2013JE004559.
  17. ↑ Галкин И. Н., Шварев В. В. Строение Луны. — М.: Знание, 1977. — 64 с. — (Новое в жизни, науке, технике. Серия «Космонавтика, астрономия», 2. Издается ежемесячно с 1971 г.). — ISBN ?; ББК 526 Г16.
  18. ↑ D. E. Loper, C. L. Werner. On lunar asymmetries 1. Tilted convection and crustal asymmetry(англи) // Journal of Geophysical Research. — 2002. — Vol. 107, iss. E6. — doi:10.1029/2000je001441.
  19. ↑ NASA STS-107 Shuttle Mission Imagery: STS107-E-05695
  20. ↑ NASA STS-107 Shuttle Mission Imagery: STS107-E-05697
  21. ↑ Шевченко, 1990, с. 614.
  22. ↑ Needham D. H., Kring D. A. Lunar volcanism produced a transient atmosphere around the ancient Moon(англи) // Earth and Planetary Science Letters : journal. — Elsevier, 2017. — Vol. 478. — P. 175—178. — doi:10.1016/j.epsl.2017.09.002. — Bibcode: 2017E&PSL.478..175N.
  23. ↑ Маковецкий П. В. Смотри в корень! Задача № 36 — Детективно-астрономо-филателистический сюжет. — М.: Наука, 1976.
  24. ↑ Первые итоги определения физико-механических свойств грунтов Луны / под ред. проф. д-ра техн. наук В. Г. Булычева. — М.: Госстрой СССР. — 1970. — С. 8.
  25. ↑ Интерактивная, масштабируемая карта Луны. Активировать слой «WAC Hapke-Normalized Color» или «WAC Color test» Архивная копия от 24 инвожое 2017 на Wayback Machine.
  26. ↑ Шкуратов, 2006, Классическая оптика Луны. Спектрофотометрия и колориметрия, с. 173.
  27. ↑ Шевченко, 1983, Луна и её наблюдение. Изменение отражательной способности Луны по спектру. Колориметрия, с. 93.
  28. ↑ Проф. А. В. Некрасов Морские приливы
  29. ↑ Э. В. Кононович и В. И. Мороз. Общий курс астрономии — М.: УРСС. — 2001 г. — С. 119.
  30. ↑ Ishihara, et al. Crustal thickness of the Moon: Implications for farside basin structures(англи) // Geophysical Research Letters : journal. — 2009. — October (vol. 36). — doi:10.1029/2009GL039708.
  31. ↑ Manabu Kato, et al. The Kaguya Mission Overview(англи) // Space Science Reviews. — Springer, 2010. — 25 August. — doi:10.1007/s11214-010-9678-3.
  32. ↑ 1 2 «На Луне нашли вход в подземный тоннель» Архивная копия от 9 гудырикошконэ 2020 на Wayback Machine — Лента.ру (26.10.2009)
  33. ↑ Ахманова М. В., Дементьев Б. В., Марков М. Н. Вода в реголите Моря Кризисов («Луна-24»)? // Геохимия. — 1978. — № 2. — С. 285—288.
  34. ↑ Американский учёный признал приоритет СССР в обнаружении воды на Луне Lenta.ru. (Дата обращения: 31 куартолэзе 2012)
  35. ↑ Би-би-си | На Луне была и есть вода
  36. ↑ «На Луне найдены более 40 водных ледяных кратеров»(ӟуч)
  37. ↑ Э. Галимов. Научная мысль как планетное явление // Наука и жизнь. — 2018. — № 1. — С. 19.
  38. ↑ 1 2 А.Цимбальникова, М.Паливцова, И.Франа, А.Машталка. Химический состав фрагментов кристаллических пород и образцов реголита «Луны-16» и «Луны-20» // Космохимия Луны и планет. Труды Советско-Американской конференции по космохимии Луны и планет в Москве (4—8 июня 1974 года) / Академия наук СССР, Национальное управление по аэронавтике и исследованию космического пространства США.. — М.: Наука, 1975. — С. 156—166.
  39. ↑ Дагаев М. М. Введение // Лабораторный практикум по курсу общей астрономии. — 2-е изд. — М.: Высшая школа, 1972. — С. 309. — 424 с.
  40. ↑ 1 2 3 Хейзен, 2017, с. 49.
  41. ↑ 1 2 Хейзен, 2017, с. 56.
  42. ↑ Хейзен, 2017, с. 62.
  43. ↑ Астрономы определили точный возраст Луны(ӟуч) Лента.ру.
  44. ↑ Трифонов Е. Д. Как измерили Солнечную систему // Природа. — Наука, 2008. — № 7. — С. 18—24.
  45. ↑ Асфог, 2021, с. 113.
  46. ↑ L’Atlas photographique de la Lune, de MM. Loewy et Puiseux(фр.)
  47. ↑ Проект в архиве Архивная копия от 27 инвожое 2011 на Wayback Machine.
  48. ↑ Официальный веб-сайт Архивная копия от 14 пӧсьтолэзе 2007 на Wayback Machine (англи).
  49. ↑ База фото- и видеоматериалов NASA
  50. ↑ Москва: сколько стоит грамм Луны?(ӟуч)
  51. ↑ Мукет нимыз «Беседа о лице, видимом на диске луны» («Филологическое обозрение» т. VI, кн. 2; 1894)
  52. ↑ Плу­тарх / Антич­ные писа­те­ли. Сло­варь. — СПб.: Изда­тель­ство «Лань», 1999.
  53. ↑ Proclus. Procli commentarius in Platonis Timaeum graece / Carl Ernst Christoph Schneider. — Vratislaviae: Eduardus Trewendt, 1847. — P. 363,685.
  54. ↑ А. И. Первушин «Битва за Луну: Правда и ложь о „лунной гонке“», — СПб: Амфора, 2007, С. 14—29. ISBN 978-5-367-00543-1.
  55. ↑ Первушин А. Лунные хроники Архивная копия от 4 шуркынмонэ 2017 на Wayback Machine // Если. № 7 (161), 2006. С. 126.
  56. ↑ Маслов А. Н. Музей восковых фигур. — 1914.

Литература

[Тупатыны | вики-текстэз тупатыны]
Книгаос
  • Болдуин Р. Что мы знаем о Луне? Пер. с англ. К. А. Любарского; Послесл. А. А. Гурштейна.. — М.: Мир, 1967. — 173 с.
  • Жарков В.Н., Паньков В.Л., Калачников А.А., Оснач А.И. Введение в физику Луны. — М.: Наука, 1969. — 312 с.
  • Физика и астрономия Луны. Под. ред. Копала З., Лейкина Г. А. Пер. с англ.. — М.: Мир, 1973. — 318 с.
  • Петров В.П. Здравствуй, Луна!

(ӟуч) / Петров В.П., Юревич П.П. — Л.: Лениздат, 1967. — 191 с. — 24 500 экз.

  • Шевченко В.В. Луна и её наблюдение

(ӟуч). — М.: Наука, 1983. — 192 с. — (Библиотека любителя астрономии). — 100 000 экз.

  • Уманский С.П. Луна — седьмой континент

(ӟуч). — М.: Знание, 1989. — 117 с. — 45 000 экз. — ISBN 5-07-000408-5.

  • Шкуратов Ю. Г. Луна далёкая и близкая. — Харьков: Харьковский нац. университет им. В. Н. Каразина, 2006. — 182 с. — ISBN 966-623-370-3.
  • Роберт Хейзен. История Земли: От звёздной пыли — к живой планете: Первые 4 500 000 000 лет = Robert Hazen. The Story of Earth. The First 4.5 Billion Years, from Stardust to Living Planet. — М.: Альпина Нон-фикшн, 2017. — 364 p. — ISBN 978-5-91671-706-8.
  • Эрик Асфог. Когда у Земли было две Луны. Планеты-каннибалы, ледяные гиганты, грязевые кометы и другие светила ночного неба. = Erik Ian Asphaug. When the Earth Had Two Moons: Cannibal Planets, Icy Giants, Dirty Comets, Dreadful Orbits, and the Origins of the Night Sky

(ӟуч). — М.: Альпина нон-фикшн, 2021. — 474 с. — ISBN 978-5-00139-262-0.

Статьяос
Фильмъёс

Чӧлсконъёс

[Тупатыны | вики-текстэз тупатыны]

(англи)

(англи)

(англи)

«https://udm.ruwiki.ru/w/index.php?title=Толэзь&oldid=193577»-ысь басьтэмын