10-тӥ тулыспалэ

10-тӥ тулыспалэ — григориан дырпусъя — арлэн 41-тӥ нуналыз. Ар пумозь 324 нунал кылемын (касьян аре — 325 нунал).
☀️ Ижкарын Шунды 7 час 52 минутэ ӝужа, пуксе 17 час 1 минутэ. Югыт нуналлэн кыстӥськемез 🕒 9 час 9 минут.
🌔 Йылӥсь Толэзь (будэмез 11.92 нунал).

← → Тулыспал
Вн Пкс Вирн Па УдмА Кӧсн Ан           1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
2025-тӥ ар

Нунал тодметъёс

• Ефремлэн нуналыз. Калыкын Ефрем Сирин, Ефрем Ветреник, Сверчковой Заступник шуыса нимало на. Та нуналэ, пе, коркакузё «буйга». Сое сӥлы карон вылысь, нимысьтыз ӝук пӧзьтыса, уйлы ӝӧк вылэ пукто. Коркакузёлы пӧрос уг ке яра, яке воксё сое куноятыны вунэто ке, юртъер котырын умойтэм учыръёс луыны кутско, пе. Туннэ корка пушкысь одӥг кутэз-кибыез но виыны уг яра, коркакузё йыркуръяськоз шуо.

• Туннэ куазь тӧло ке — гужем кот зоро луоз. Ефрем тӧл умойтэм шуо.

Нимнуналзэс пусъё

• Варфоломей, Владимир, Георгий, Ефрем, Игнатий, Исаак, Леонтий, Ольга, Палладий, Плутодор, Феодосий, Фёдор, Хариса.

Праздникъёс но буре ваён нуналъёс

• ООН ООН — Тысёпуртэсо будэтосъёслэн дунневыл нуналзы.
• Россия Россия — Дипломати ужудысчиослэн ӧнер нуналзы.
• Россия Россия — Александр Сергеевич Пушкинэз буре ваён нунал.

Луэм учыръёс

Удмуртиын

• 1997 ― Удмуртиысь Кивалтэтлэн ЗАГС-ъя управлениез Удмуртиысь ЗАГС-эн ужанъя комитетлы пӧрмиз.
• 2002 — Ижын нылпиослы 2-тӥ номеро стоматологической поликлиника усьтэмын.

Россиын но дуннеын

• 1258 — монголъёс Хулагу кивалтэм улсын Багдадэз басьтӥзы но соин Аббасид халифатлэсь историзэ йылпумъязы.
• 1784 — Екатерина II-лэн Указэзъя Крымысь портлы но крепостьлы Севастополь ним сётэмын.
• 1810 — Александр I княжнаез Анна Павловнаез Наполеонлы бызёнлэсь алӥз.
• 1814 — Наполеонлэн куать нуналъем ожмаськонэз: Шампобере котырын ожмаськонын Наполеон Олсуфьевлэсь ӟуч корпуссэ пазьгиз.
• 1906 — ву вылэ нырысьсэ лэземын англи линкор «Дредноут» («Кӧберасьтэм»).
• 1935 — Сихотэ-Алинской заповедник (Приморский край) инъямын.
• 1937 — СССР-ын Игорь Моисеев кивалтэм улсын эктонъя кун ансамблькылдытэмын.
• 1940 — экранъёс вылэ потӥз «Том и Джерри» мультфильмлэн нырысетӥ сериез.
• 1945 — С-13 вуул лодка 3 сюрслэсь ятыр пассажирен валче «Генерал фон Штойбен» немец транспортэз выйтӥз.
• 1962 — Америкаысь пилот Фрэнсис Гэри Пауэрс совето разведчикен Рудольф Абелен воштэмын.
• 1992 — В. Г. Хорошавцевлэн но В. В. Бузиловлэн кичӧлтэмзыя компания «АСПЭК-холдинг» кылдытэмын.
• 1995 ― СНГ кунъёс куспын тупаса улон сярысь меморандум гожтэмын.
• 1997 ― суперкомпьютер IBM Deep Blue нырысьсэ вормиз Гарри Каспаровез.
• 2006 — Туринын XX тол Олимпи шудонъёс усьтӥськизы.
• 2009 — Музъемлэн орбитаяз нырысьсэ пусъемын искусственной спутникъёслэн ог-огенызы мырӟиськемзы.

Вордскизы

• 1919 — Григорий Симаков, удмурт нылпи гожъясьчи, журналист.
• 1936 — Василий Ванюшев, удмурт кылбурчи, тодосчи но публицист, Удмурт кун университетысь сӥё-дано профессор.
• 1947 — Леонид Васильев, удмурт крезьгурчи.
• 1859 — Александр Мильеран, француз кун ужчи, Францилэн Президентэз (1920—1924).
• 1890 — Борис Пастернак, ӟуч гожъяськись, Нобель премилэн лауреатэз (1958).
• 1898 — Бертольд Брехт, немец драматург, кылбурчи, режиссёр.
• 1911 — Мстислав Келдыш, совето математик но механик, СССР-ысь Наукаосъя академилэн президентэз (1961—1975).
• 1915 — Владимир Зельдин, актёр, СССР-ысь Калык артист.

Кулӥзы

• 1755 — Шарль Луи де Монтескьё, Франциысь правовед но философ, гожъясьчи-энциклопедист.
• 1837 — Александр Пушкин, быдӟым ӟуч кылбурчи.
• 1891 — Софья Ковалевская, ӟуч математик но механик.
• 1923 — Вильгельм Рентген, Германиысь физик, физикая Нобель премилэн нырысетӥ лауреатэз (1901).
• 1985 — Вильгельм Майер, совето историк-медиевист, Удмурт кун университетысь профессор.
• 2018 — Борис Осипов, ӟуч кылчи.