Ванюшев, Василий Михайлович

Василий Михайлович Ванюшев
Василий Михайлович Ванюшев
Вордӥськем нуналыз	10-тӥ тулыспалэ 1936
Вордӥськем интыез	Кизнер ёрос, Удмурт Автономной Советской Социалистической Республика, Киров улосвыл[d], РСФСР, СССР;
Кулон нуналыз	17-тӥ оштолэзе 2026 (90 лет)
Кулэм интыез	Иж, Россия;
Кун	СССР; Россия;
Ужудысэз	гожъяськись, кылбурчи
Данъетъёсыз
	Медиафайлъёс РувикиМедиа пушкын

Василий Михайлович Ванюшев (10-тӥ тулыспалэ 1936, Кизнер ёрос, Киров улосвыл^[d] — 17-тӥ оштолэзе 2026, Иж) — удмурт кылбурчи, литератураез эскерись, публицист. Филология наукаосъя доктор, профессор. Удмуртиысь калык писатель, культура удысысь дано ужась, Россиысь Писательёслэн союззылэн членэз, Педагогикая калыккуспо академилэн членэз. Вордӥськиз 10-тӥ феврале 1936-тӥ арын Удмурт АССР-ысь Кизнер ёросысь Улӥ Кусо-Какся гуртын.

Улон но ужан сюресэз

Василий Михайловия Ванюшев вордӥськиз Удмурт АССР-ысь Кизнер ёросын крестьян семьяын. 1955-тӥ Можга педучилищеез арын йылпумъяз, 1960-тӥ арын Мускоысь кун университетысь журналистикая факультетэз, общественной наукаосъя академилэсь аспирантуразэ. 1960-тӥ-1961-тӥ аръёсы «Советской Удмуртия» газетлэн редакцияз ужаз, 1961-тӥ-1962-тӥ аръёсы Удмурт ОК ВЛКСМ-лэн пропагандая но агитацияя ёзэтаз инструктор луыса тыршиз. 1962-тӥ-1970-тӥ аръёсы идеологияя ёзэтлэн кивалтӥсез, «Комсомолец Удмуртии» газетлэн редакторезлэн воштӥсез но редакторез вал.

1973-тӥ арысен ужаз Удмурт историяя, кылъя но литературая институтын: нырысь директорлэн наукая воштӥсез вал, берло наукая валтӥсь сотрудник луиз. 1975-тӥ арын утиз кандидат диссертацизэ, 1997-тӥ арын — доктор диссертацизэ. 1998-тӥ-2003-тӥ аръёсы Ванюшев кивалтӥз Удмурт кун университетысь удмурт филология факультетысь удмурт литературая кафедраен.

Ванюшевлэн кивалтэмез улсын УИИЯЛ-ын Г. Е. Верещагинлэн ужъёсызъя трос томъем бичет поттонлы дасяськон кутскиз. Василий Михайлович тодос кусыпъёс тупатӥз мукет элькунъёсысь но финн-угор кунъёсысь литературоведъёсын — Чувашиен, Татарстанэн, Мордовиен, Комиен, Финляндиен, Эстониен но мукет.

Улонысь кошкиз 2026-тӥ арын 17-тӥ оштолэзе Ижкарын^[1].

Творчествоез

Василий Михайлович шаерысьтымы пӧртэм газетъёсын-журналъёсын печатлаз аслэсьтыз кылбуръёссэ, рецензиоссэ. Нош 1973-тӥ арын вордӥськиз нырысетӥ книгаез — «Нити времён». 1976-тӥ арын югыт дуннее потӥз «Выжыосы» книгаез, 1980-тӥ арын — «Шунды но гудыри» книгаез. Со арын ик Ванюшев дася «Расцвет и сближение» монографизэ, 1987-тӥ арын — «Вершины корнями сильны» монографизэ. 1982-тӥ арын лыдӟисьёс кие вуиз «Вить чиньы — одӥг кикур» книгаез, 2006-тӥ арын — «Меми гожтэт=мамино письмо» поэмаез.

Ванюшевлэн творчествояз бадӟым инты басьто нылпи, вордӥськем шаердэ яратон, эшъяськон темаос. Со быгатыса уже кутэ пӧртэм инкуазь образъёсты. Та юн шӧдӥське 1985-тӥ арын потэм «Колосок, задевший небо» кылбур бичетаз но.

Василий Михайловичлэн ужъёсыз берыктэмын пор, бигер, чуваш кылъёсы. 1993-тӥ арын со юрттӥз поттыны удмурт литературалы сӥзем антологиез чуваш кылын — «Салам, Шупашкар!», «Содружество» (1995). Ванюшевлэн кылбур чуръёсыз печатласькизы «Литературная газета», «Литературная Россия» газетъёсын, «Дружба народов», «Урал», «Волга», «Театральная жизнь», «Луч» журналъёсын, «Удмуртский юмор», «Встреча друзей», «Между Волгой и Уралом», «Побратимы», «Вдохновение», «Отражение» альманахъёсын.

Василий Ванюшев басьтӥськиз югдытӥсьлэсь Г. Верещагинлэсь творчествозэ эскерон борды, солы сӥзем 9 книгаез потӥз. Озьы ик палэнэ ӧз кельты удмурт писательёсты но — Кузебай Гердэз, Кедра Митреез, Михаил Петровез, Михаил Коноваловез но мукетъёссэ.

Данъетъёсыз

Пусъемын Кузебай Герд нимо йӧскалык премиен. Удмурт Элькунлэн Кун премиезлэн (1996) но Удмурт Элькунысь кивалтэтлэн литература удысысь премиезлэн лауреатэз (2014). Удмуртиысь Кизнер ёрослэн дано кунмуртэз (2008).

Библиография

Книгаосыз

Ванюшев В. М. Нити времён: Очерки о родном крае. — Ижевск: Удмуртия, 1973. — 89 с.: ил.
Ванюшев В. М. Расцвет и сближение: О типологии соотношения национального и интернационального в удмуртской и других младописьменных литературах: [Монография]. — Ижевск: Удмуртия, 1980. — 252 с.
Ванюшев В. М. «Дор» — значит «Родина» // Дедушкин родник: Рассказы и сказки удм. писателей для детей. — М., 1981. — С. 3—10.
Ванюшев В. М. Солнечный каравай: Стихи / Пер с удм. А. Кондратьева. — М.: Дет. лит., 1983. — 31с.
Ванюшев В. М. Колосок, задевший небо: Стихи / Пер. с удм. — Устинов: Удмуртия, 1985. — 56 с.
Ванюшев В. М. Вершины корнями сильны. — Ижевск, 1987. — 264 с.
Ванюшев В. М. Шунды-Мумы (Солнце-Матушка). — Ижевск: Удмуртия, 1990. — 142с.
Ванюшев В. М. Салам, Шупашкар!: Калавсем, савасем / Пер. с удм. — Чебоксары, 1993. — 95 с.
Ванюшев В. М. Поэтическая дилогия Г. Е. Верещагина: Учеб. пособие. — Ижевск, 2002. — 210 с.
Ванюшев В. М. Меми гожтэт = Мамино письмо : поэма / пер. с удмурт. А. Демьянова. — М. : Рос. Литфонд, 2005. — 87 с.
Ванюшев В. М. Удмуртская литература (обзор), Н. С. Байтеряков, Г. Е. Верещагин, Кузебай Герд, Кедра Митрей, Г. Д. Красильников // Литература народов России. XX век. — М.: Наука, 2005.
Ванюшев В. М. Удмурт Выжы книга = «Как будто Книга бытия…»: Поэма. — Ижевск, 2006. — 71с.
Ванюшев В. М. Вязь идей, времён, событий: избранные труды / Российская академия наук. Уральское отделение. Удмуртский институт истории, языка и литературы. — Ижевск: Институт компьютерных исследований, 2016. — 460 с. Рус., удм., англ. яз. ISBN 978-5-4344-0393-1

Удмурт кылын книгаосыз

Ванюшев В. М. Выжыосы: Кылбуръёс но балладаос. — Ижевск: Удмуртия, 1976. — 64 с.
Ванюшев В. М. Шунды но гудыри: Кылбуръёс. — Ижевск: Удмуртия, 1980. — 108 с.
Ванюшев В. М. Вить чиньы — одйг кикур: Нылпиослы кылбуръёс / худож. Р. К. Тагиров. — Ижевск: Удмуртия, 1982. — 40 с.
Ванюшев В. М. Шунды — Мумы : кылбуръёс но поэмаос. — Ижевск : Удмуртия, 1990. — 142 с.
Ванюшев В. М. Аръёсын ваче син : кылбуръёс, балладаос, поэмаос. — Ижевск : Удмуртия, 1995. — 176 с.

Коллективной книгаос и но бичетъёс

Своеобразие выражения национального начала в творчестве Г. Д. Красильникова // Г. Д. Красильников — писатель и человек. — Ижевск, 1982. — С. 157—168.
История удмуртской советской литературы В 2 т. / Рук. авторского коллектива В. М. Ванюшев. ИМЛИ им. А. М. Горького АН СССР, НИИ при СМ УАССР. — Устинов, 1987.—Т. 1.—252 с.; Ижевск, 1988. — Т. 2. — 332 с.
Творческое наследие Г. Е. Верещагина в контексте национальных литератур Урало-Поволжья. — Ижевск, 1995—296 с.
Григорий Верещагин и Кузебай Герд // Как молния в ночи. Ижевск, 1998. — С. 391—397.

Валэктонъёс

↑ Скончался народный писатель Удмуртии, литературовед Василий Ванюшев, Коммерсантъ (20 оштолэзе 2026). Эскеремын: 4 пӧсьтолэзе 2026 арын.

[1] Скончался народный писатель Удмуртии, литературовед Василий Ванюшев, Коммерсантъ (20 оштолэзе 2026). Эскеремын: 4 пӧсьтолэзе 2026 арын.

[1]