Верещагин, Григорий Егорович

Википедиысь материал
Григорий Егорович Верещагин
Верещагин Григорий Егорович.jpg
Кушемнимыз Удморт[1]
Вордӥськем дырыз 11-тӥ коньывуонэ 1851({{padleft:1851|4|0}}-{{padleft:10|2|0}}-{{padleft:11|2|0}})
Вордӥськем интыез
Кулон дырыз 27-тӥ гудырикошконэ 1930({{padleft:1930|4|0}}-{{padleft:8|2|0}}-{{padleft:27|2|0}})[2] (78 лет)
Кулэмын
Кунмуртлыкез (подданство)
Ужудысэз гожъяськись, шаертодосчи, этнограф, дышетӥсь, баӵко

Григорий Егорович Верещагин (куд-ог документъёсын Георгиевич но гожтэмын, 11-тӥ коньывуонэ 1851, Полом, Ватка губерния — 27-тӥ гудырикошконэ 1930[2], Иж, Горький улос[d]) — Росси империысь но СССР-ысь гожъяськись, удмуртъёс пӧлысь нырысетӥез быдӟым югдытӥсь, удмурт чеберлыко литератураез кылдытӥсь, тодосчи-этнограф, мерлык но вӧсьбур удысъёсын ужась[1][3].

Улон сюресэз

Вордӥськиз 11-тӥ коньывуонэ 1851-тӥ арын туала Кез ёросысь Полом гуртын. Пинал дырысеныз калык устолыкен, литератураен, живописен, киужъёсын кырӟанэн тунсыкъяськылӥз, арганэн, гитараен но фисгармониен шудылӥз[4][1][3].1870-тӥ арын Сарапулысь реальной училищеез йылпумъяса, Льӧльшур гуртын земской школа усьтӥз но отын дас ар ӵӧже дышетӥсь луыса ужаз. Льӧльшурын сяна, тодон-валанзэ нылпиослы пыӵатыны выриз Сарапул уездысь ик Шаркан, Сосновка, Брангурт черкогуртъёсын.

XIX даурлэн пумаз вӧсьбуро сан басьтӥз. 1895-тӥ арысен 1900-тӥ арозь Алабгоысь черкын диакон луыса тыршиз, 1900-тӥ арысен 1927-тӥ арозь — Сарапул уездысь (али Пичи Пурга ёросэ пыре) Брангуртын баӵко вал. Россиын Совето власть юнмам бере, Верещагин вӧсьбуро ужезлэсь ӧз куштӥськы, огдыре ик гуртысь школаын дышетӥз. Ас калыкезлэсь лулчеберетсэ утьыны но ӝутыны турттэмез понна 1927-тӥ арын баӵкоысь куштӥзы но черк причетлэн юртысьтыз уллязы. Пыдйылчи кылем Верещагин кузпалыныз ӵош Ижкарын улӥсь пиез доры кошконо луиз. 1930-тӥ арын 27-тӥ гудырикошконэ инсультлэсь кулӥз[5].

Григорий Верещагинлэн дышетэм муртъёсыз: К. М. Баушев, И. Д. Дмитриев-Кельда но Я. Т. Чазов Совето власть вакытэ наукаосъя кандидатъёс луизы.

Тодос ужъёсыз но творчествоез

Наука удысын Верещагин нырысетӥ вамышъёссэ лэсьтӥз Льӧльшур школаын ужакуз ик. Этнографиен герӟаськем трос материалъёс люкаса, Санкт-Петербургын печатлаз Вотяки Сосновского края (1886) но Вотяки Сарапульского уезда Вятской губернии (1889) монографиоссэ. Императорлэн географияя ӟуч обществоез (ИРГО) та ужъёсыз понна Григорий Егоровичез азвесь медален пусйиз. Озьы Верещагин та обществолэн членэз луиз. 1896-тӥ арын Верещагин поттэ «О книгах на вотском языке» брошюразэ, отын со выль удмурт алфавит ӵектэм сяна (улонэ пыӵатэмын ӧй вал), ӟуч кылысь удмурт кылэ берыктэм вӧсьбуро произведениосты сэрттэ-пертче, озьы удмурт литературно-художественной критикаез но литературоведениез инъя, шуыны луоз.

Литература удысын ужаны кутскиз бергес. Тросэз тодосчиос (Кедра Митрей, П. К. Поздеев, П. П. Домокош, В. М. Ванюшев, Т. Г. Владыкина но мукетъёсыз) Верещагинлэн 1889 аре потэм «Вотяки Сарапульского уезда» монографияз пыртэм  «Чагыр, чагыр дыдыке» кылбур — ӵапак Верещагинлэн аслаз гожтэм кылбурез луэ шуыса малпало, со кылбур ик, пе, удмурт чеберлыко литературалы инъет выллем луиз (озьы 1989-тӥ арын Москваын нырысьсэ пусйизы удмурт литературалэн кылдэмез дырысен 100 ар тырмонэз). Мукет тодосчиос (Р. Ш Насибуллин, А. Г Шкляев,А. Г. Красильников, Д. М. Сахарных) соин но, таин но соглаш уг луо. Котьма ке но, 1924-тӥ арын кылбуръёсыз печатласькизы «Гудыри» газетын но «Кенеш» журналын; Кылбур чуръёсыз озьы ик печатламын «Руководство к изучению вотского языка» научно-методической ужаз. Верещагин выжыкылъёс-поэмаос но гожъяз: «Зарни чорыг», «Батыр дӥсь», «Скоробогат-Кащей». Ӧз палэнскылы очерк жанрлэсь — «Общинное землевладение у вотяков Сарапульского уезда» очеркез сӥземын удмурт калыклэн сям-йылолъёсызлы.

Этнографлэн ужъёсыз берыктэмын ӟуч, бигер, мадьяр, финн, эстон кылъёсы. Г. Е. Верещагинлэсь творчествозэ котыр ласянь эскериз кылбурчи Василий Ванюшев. Денис Сахарных но Алексей Коробейников историкъёс но Верещагинлы сӥзем статьяос гожъяллязы[6][7][8].

Мерлыко удысын

Верещагин мыло-кыдо пыриськылӥз Ватка карын, Кузонын, Ижкарын радъяськылӥсь научно-промышленной но сельскохозяйственной адӟытонъёслы экспонатъёс дасянэ но озьы ик Сарапулысь но Ижкарысь шаертодонъя музейёсы[3].

Защита ласянь этнограф-эксперт чотын пыриськиз Мултан ужен герӟаськем судебной процессэ[4].

Валэктонъёс

  1. ↑ 1 2 3 Верещагин Григорий Егорович / Ванюшев В. М. // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 232. — 768 с. — 2200 экз. — ISBN 978-5-7659-0486-2.
  2. ↑ 1 2 Bibliothèque nationale de France Autorités BnF (фр.): Усьтэм даннойёслэн платформазы — 2011.
  3. ↑ 1 2 3 Христолюбова Л. С. Верещагин Григорий Егорович // Учёные — удмурты : Биобиблиографический справочник / рецензенты В. Н. Савельев, В. К. Кельмаков и др. — Ижевск : Удмуртия, 1997. — С. 42—44. — 860 с. — 1200 экз. — ISBN 5-7659-0645-1.
  4. ↑ 1 2 Верещагин Григорий Егорович // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 102. — 540 с. — 300 экз. — ISBN 978-5-901304-62-4.
  5. ↑ Начало развития удмуртской литературы (1889-1919). Верещагин Григорий Егорович [ӟуч], Национальная библиотека УР. Воршуд. Эскеремын: 20 шуркынмонэ 2025 арын.
  6. ↑ Сахарных Д. М. История «первого удмуртского стихотворения» (печатланы сётэмын)
  7. ↑ Сахарных Д. М. Шумиловская цитата: к биографии Григория Верещагина // Демидовские чтения на Урале. Тезисы докладов. Екатеринбург. Март 2-3. 2006. С. 397—398
  8. ↑ Сахарных Д. М. Был ли Григорий Верещагин автором стихотворения «Чагыр, чагыр дыдыке»? // Тезисы докладов XXXIII итоговой студенческой научной конференции УдГУ. Ижевск, 2005. С.97-99

Литература

  • Вотяки Сосновского края. — СПб., 1896. — 218 с. — Зап. Императ. Рус. геогр. о-ва; Т. 14, вып. 2.
  • Вотяки Сарапульского уезда Вятской губернии. — СПб., 1889. 197 с. — Зап. Императ. Рус. геогр. о-ва; Т. 14, вып. 3
  • Сказки и легенды вотяков // Изв. Сарапул. зем. музея. М., 1914. — Вып. 2. — С. 107—156.
  • Батыр дӥсь: Поэма-выжыкыл // Молот. — 1967. — № 12. С. 44-50.
  • Зарни чорыг: Поэма-выжыкыл // Об удмуртском фольклоре и литературе. — Ижевск, 1973. — Вып. 1. — С. 117—123.
  • Скоробогат-Кащей: Поэма // Вопросы своеобразия жанров удмуртской литературы и фольклора: Сб. ст. — Ижевск, 1983. С. 97-142.
  • Чагыр, чагыр, дыдыке… : Кылбуръёс но поэмаос / Люказ но юькыл гожтиз П. К. Поздеев. Послесловиез И. П. Тукаевлэн. Ижевск: Удмуртия, 1984. — 92 с.
  • Собр. соч.: В 6 т. / Под ред. В.М Ванюшева. — Ижевск, 1995—2005. — (Сер. «Памятники культуры»).
  • Ильин Я. Луппов но Верещагин. Кинъёс со? // Гудыри. — 1924. 4 янв.
  • Поздеев П. Кӧня арес тыныд, удмурт литература? // Сов. Удмуртия. — 1965. — 6 янв.
  • Гусев В. Первый удмуртский учёный и литератор // Удм. правда. — 1976. — 6 окт.
  • Ванюшев В., Поздеев П., Уваров А. Григорий Егорович Верещагин // История удмуртской советской литературы. — Устинов, 1987. — Т. 1. — С. 25-38.
  • Домокош П. История удмуртской литературы. — Ижевск, 1993. С. 180—184.
  • Ванюшев В. Творческое наследие Г. Е. Верещагина в контексте национальных литератур Урало-Поволжья. — Ижевск, 1995. — 294 с.
  • Ванюшев В. Верещагин Григорий Егорович // Удмуртская Республика: Энцикл. — Ижевск, 2000. — С. 226.
  • ГУК «Республиканская библиотека для детей и юношества» 2006—2008.

Чӧлсконъёс

«https://udm.ruwiki.ru/w/index.php?title=Верещагин,_Григорий_Егорович&oldid=424399»-ысь басьтэмын