Красильников, Алексей Геннадьевич
| Алексей Геннадьевич Красильников | |
|---|---|
| Вордӥськем нуналыз | 13-тӥ коньывуонэ 1954 |
| Вордӥськем интыез | Алнаш, Алнаш ёрос, УАССР, СССР |
| Кулон нуналыз | 1-тӥ южтолэзе 2011 (56 арес) |
| Ужудысэз | филолог, культуролог, кун ужчи |
| Атаез | Геннадий Дмитриевич Красильников |
| Данъетъёсыз |
Удмурт Республикаысь Кун Кенешлэн Данъян грамотаез, «Парламент России» пус |
Алексей Геннадьевич Красильников (вордскемын 13 октябре 1954 аре, кулӥз 1 мартэ 2011 аре) — философи наукаосъя доктор, филологи наукаосъя кандидат, Росси Федерациысь вылӥ тодон-валан сётон удысысь дано ужась, пусъемын Удмурт Элькунысь Кун Кенешлэн Данъян грамотаеныз но «Парламент России» пусэн. Удмурт Элькунысь Кун Кенешлэн ньыль ӧтчамезлэн Майской округъя быръем депутатэз. Одӥг ӧтчамаз кивалтӥз Наукая, дышетонъя, культурая но егитъёсын ужан политикая ялан ужась ӧриен, берло та ӧриен кивалтӥсьлэн воштӥсез вал.
Алексей Геннадьевич Красильников вордӥськиз 1954-тӥ арын 13-тӥ коньывуонэ тодмо удмурт гожъясьчилэн Геннадий Дмитриевич Красильниковлэн семьяяз.
Тодон-валан люкан сюресэз
Школаез йылпумъяса, А. Красильников 1971-тӥ арын дышетскыны пыриз Удмурт кун университетысь филологияя факультетэ. 1976-тӥ арын УдГУ-эз йылпумъяса, дышетсконзэ азьланьтӥз Ленинградысь кун университетын. 1976-тӥ арысен 1980-тӥ арозь Удмурт кун университетысь кунсьӧр литературая кафедралэн ассистентэз луыса тыршиз. Бӧрысьгес сое та кафедрае ик валтӥсь дышетӥсе но доцентэ юнмато. 1980-тӥ арысен 1988-тӥ арозь Удмурт кун университетын филология факультетлэн деканэзлэн воштӥсез луыса тыршиз. 1989-тӥ арысен 1995-тӥ арозь УдГУ-ысь гуманитарной подготовкая но культуралэн историезъя кафедраен кивалтӥз.
Политикаын интыез
1995-тӥ арысен политикае пыриськиз. 1995-тӥ арысен 1999-тӥ арозь — Удмурт Элькунысь Кун Кенешлэн Тӧроезлэн воштӥсез вал. 1999-тӥ арын А. Г. Красильниковез юнматӥзы Наукая, дышетонъя, культурая но егитъёсын ужан политикая ялан ужась комиссиен кивалтӥсе. Со ужзэ со 2007 арозь быдэсъяз.
Дышетон удысын кивалтэмез
Алексей Геннадьевич Красильников 2008 арысен 2011 арозь Удмурт Элькунысь Дышетӥсьёслэсь тодон-валанзэс будэтонъя но быгатонзэс волятонъя институтэн (ИПК и ПРО УР) кивалтӥз.