Осипов, Борис Иванович

Борис Иванович Осипов
Борис Иванович Осипов
Вордӥськем нуналыз	5-тӥ толсуре 1938
Вордӥськем интыез	Юргамыш, Челябинск улос
Кулон нуналыз	10-тӥ тулыспалэ 2018 (79 лет)
Кулэм интыез	Омск, Россия;
Кун	СССР; Россия;
Ужудысэз	историк, лингвист, профессор

Бори́с Ива́нович О́сипов (5-тӥ толсуре 1938, Юргамыш^[d], Челябинск улос — 10-тӥ тулыспалэ 2018, Омск) — ӟуч историк но кылчи. Филология тодосъёсъя доктор, профессор.

Улон сюресэз

Вордскиз 1938-тӥ арын 5-тӥ толсуре Челябинск улосысь Юргамыш посёлокын (али Курган улосэ пыре). Борис куинь нылпиос пӧлысь шоретӥез вал^[1].

Школа бере Курган пединститутысь историко-филологической ёзэтэ пыриз, но 1958-тӥ арын вузысь но, комсомолысь но "политикаен сэрен" уллямын вал. Соин Юргамышысь кинотеатре суредасе интыяськоно луиз. 1961-тӥ арын Курган пединститутысь историко-филологической ёзэтэз заочной амалъя йылпумъяз. Собере 1965-тӥ арозь Куйбышевысь пединститутысь аспирантураын "Ӟуч кыл" ӧнеръя заочно дышетскиз. Со вакытэ ик Курган улосысь школаосын тыршиз^[2].

Аспирантураез йылпумъямез бере Барнаулысь пединститутэ ӟуч кылъя кафедрае старшой преподавательын ужаны келямын. 1969-тӥ арын, «История слитных и раздельных написаний в русской рукописной книжности к. XVII—XVIII вв.» темая кандидат диссертацизэ утемез бере, доцентэ быръемын вал. 1974-тӥ арын ужзэ воштоно луиз. Интыяськиз Шуяысь пединститутэ^[2].

1976-тӥ арын ӧтемын Удмурт кун университетысь филологияя факультетэ доцентэ. Нош 1982-тӥ арысен ӟуч кылъя кафедраын профессор вал, УдГУ-ын оглом 11 ар ӵоже ужаз. 1980-тӥ арын Ленинградысь кун университетын «История русского письма» темая доктор диссертацизэ утиз^[2].

1986-тӥ арысен ужаз Ф. М. Достоевский нимо Омск кун университетын огъя кылтодонъя кафедраын профессор но кивалтӥсь (1987-тӥ арысен) луыса, 1987-тӥ—1992-тӥ аръёсы — филология факультетысь декан. 1989-тӥ арысен "Ӟуч кыл" ӧнеръя аспирантураен кивалтӥз^[2].

РАН-ысь Орфографической комиссилэн ёзчиез вал^[2]^[3].

Осипов — ог 200 наука ужъёслэн авторзы, соос пӧлын ог 15 книгаос (монографиос, пособиос но мукет). Наука ужъёс сяна, кылбуръёс гожъяз.

Борис Осипов берпуметӥ нуналозяз Омск кун университетысь кунсьӧр кылъёсъя факультетын лекциос лыдӟиз но диссертациосъя кенешлэн уженыз кивалтӥз^[4].

Кулӥз 2018-тӥ арын 10-тӥ тулыспалэ висьыса^[5]^[6]. Ватэмын Омскысь Уйпал-Шундыжуӝан шайвылэ.

Удмуртиын

Осипов тунсыкъяськиз фонетикалэн но орфографилэн огъя ужпумъёсынызы, кылъёслэн кусыпъёсынызы, карысь просторечиен. Ваньмыз сямен ужъёсыз сӥземын ӟуч кыллы, озьы ке но Удмуртиын дыръяз Осипов саклык висъялляз удмурт кылтодонлэн куд-ог ужпумъёсызлы но. Кылсярысь, 1992-тӥ арын потэм статьяяз со юан пуктӥз: кызьы-о фонетика ласянь воштӥсько туала ӟуч кылъёс, удмурт кылэ пырыса? Со сяна, уно аръёс ӵоже со кивалтӥз Удмурт университетысь экспериментальной фонетикая лабораториен.

Валэктонъёс

↑ «Журналист». Кафедра журналистики УдГУ Эскеремын 2018-03-17 арын
↑ ¹ ² ³ ⁴ ⁵ В Омске скончался лингвист Борис Осипов, ВОмске (11.02.2018). Эскеремын: 3 коньывуонэ 2025 арын.
↑ Орфографическая комиссия РАН
↑ Профессор Борис Осипов до последнего дня читал лекции в ОмГУ
↑ Скончался профессор ОмГУ, известный лингвист Борис Осипов
↑ Умер профессор ОмГУ им. Достоевского Борис Иванович Осипов

[1] «Журналист». Кафедра журналистики УдГУ Эскеремын 2018-03-17 арын

[:0-2] ¹ ² ³ ⁴ ⁵ В Омске скончался лингвист Борис Осипов, ВОмске (11.02.2018). Эскеремын: 3 коньывуонэ 2025 арын.

[3] Орфографическая комиссия РАН

[4] Профессор Борис Осипов до последнего дня читал лекции в ОмГУ

[5] Скончался профессор ОмГУ, известный лингвист Борис Осипов

[6] Умер профессор ОмГУ им. Достоевского Борис Иванович Осипов

[1]

[2]

[3]

[4]

[5]

[6]