Дипломат ужасьлэн нуналыз
| Дипломат ужасьлэн нуналыз | |
|---|---|
 | |
| Типез | Ӧнер праздник |
| Мукет сямен | «Дипломатлэн нуналыз», «Дипужасьлэн нуналыз», «Росси дипломатилэн нуналыз» |
| Юнматэмын | Росси Федерациысь Президентлэн 2002-тӥ арын 31-тӥ коньывуонэ юнматэм указэныз |
| Пусъё | Росси Федерация |
| Дырыз | 10-тӥ тулыспалэ |
| Герӟаськемын | Посол приказ кылдытонэн |
 Медиафайлъёс РувикиМедиа пушкын | |
«Дипломат ужасьлэн нуналыз» (ӟуч: День дипломатического работника) — Россиысь Президентлэн В. В. Путинлэн 2002-тӥ арын 31-тӥ коньывуонэ юнматэм Росси Федерациысь вань дипломат ужасьёслэн ӧнер праздниксы. Пусйиське Россиын арлы быдэ 10-тӥ тулыспалэ.
Историез
Та праздникез пусъён нунал, 10-тӥ тулыспал, России Президентэн токма быръемын ӧй вал, со герӟаськемын Россиысь нырысетӥезлэн палэнысь политикалэн историеныз — Посол приказэн. 1549-тӥ арын та нуналэ со сярысь тужгес азьвылэз веран шараямын вал; солэн нырысетӥ кивалтӥсез луиз подьячий Иван Михайлович Висковатов (Висковатый), кудӥзлы Русьлэн эксэез Иван Грозный «посол ужлы приказ» сётӥз[1].
Пусъён
Та нуналэ Россиысь Президентлэн Администрациез, Правительстволэн Аппаратэз, Федерацияя Кенеш но Кун Дума кадь пӧртэм кун ёзэсъёсысь оскем муртъёс, озьы ик нимаз адямиос РФ-ысь МИД-э ӟечкылан телеграммаос келяло[2].
2009-тӥ арын «Дипужасьлэсь нуналзэ» пусъён вакытэ РФ-ысь премьер-министр Владимир Путин «Росси Федерациысь Кунгож ужъёсъя министерствоысь ужасьёслы но ветеранъёслы» ӟечкылан ыстӥз, отын, кылсярысь, дипломатъёслэн туала улонын интызылы дунъет сётэмын вал:
Росси дипломатия кунмылэсь палэнысь политикая курссэ быдэсъянын котьку сямен валтӥсь инты басьтэ, Россилэсь йӧскалык тунсыкъёссэ уте, дуннеын огсыр но кышкыттэмлыкъя ужан радлыке бадӟым кужымзэ понэ. Асьме дипломатъёслэн патриотизмзы, профессионализмзы но визьлыко луонлыкезлы Россилэсь калыккуспо авторитетсэ но кужымзэ юнматыны, азьланяз мерлыко но экономика удысъёсын ӝутскыны ӟеч инъетъёс кылдытыны юртто.
Та выллем веранъёсыныз В. В. Путин арлы быдэ вазиське[3][4][5].
Дипломатлэн нуналаз вазиськонэн арлы быдэ потэ РФ-ысь кунгож ужъёсъя министр но С. В. Лавров[2][6].
Кылдэмез
Дипломат ужасьлэн нуналэз кутэмын вал 2002-тӥ арын 31-тӥ коньывуонэ Росси Федерациысь Президентлэн В. В. Путинлэн 1279 номеро указэныз, отын пусъемын вал: «Дипломат ужасьлэсь нуналзэ юнматоно но сое 10-тӥ тулыспалэ пусйылоно»[7].
Ужрадъёс
МГИМО-ын Дипломат ужасьлэн нуналаз арлы быдэ сӥё-дано концертъёс ортчо[8].
2022-тӥ арын Дипломат ужасьлэн нуналэзлы Даниысь Наукая но лулчеберетъя росси центрын Даниысь дипломат миссилы сӥзем адӟытон усьтӥськиз[9].
2026-тӥ арын Дипломат ужасьлэн нуналыз азьын сяме пырем дипмиссилэн футболэн шудон бусыяз Россилэн Камбоджаысь Посольствоезлэн но Королевствоысь кунгож ужъёсъя но калык кусыпъёсъя министерстволэн командаоссы куспын эшъяськон матч ортчиз[10]. Россилэн Каирысь Посольствоез бордын ужась школалэн интывылаз Египетысь МИД-ын ужасьёслэн но СНГ-е пырись кунъёслэн дипмиссиоссы куспын эшъяськон футбол турнир радъяськиз[11].
Валэктонъёс
- ↑ Настоящее положение Висковатого [ӟуч] project68.narod.ru. Эскеремын 10-02-2026 арын
- ↑ 1 2 Выступление Министра иностранных дел Российской Федерации С. В. Лаврова на торжественном собрании по случаю Дня дипломатического работника [ӟуч] mid.ru. Эскеремын 10-02-2026 арын
- ↑ Путин поздравил сотрудников МИД РФ с Днём дипломатического работника [ӟуч] TACC. Эскеремын 10-02-2026 арын
- ↑ Путин поздравил сотрудников МИД с Днём дипломата [ӟуч] РИА Новости. Эскеремын 10-02-2026 арын
- ↑ Поздравление сотрудникам и ветеранам МИД России с Днём дипломатического работника [ӟуч] Президент Росии. Эскеремын 10-02-2026 арын
- ↑ Лавров поздравил коллег с Днём дипломатического работника [ӟуч] TACC. Эскеремын 10-02-2026 арын
- ↑ Указ Президента Российской Федерации № 1279 [ӟуч] Президент России (31-10-2002). Эскеремын 10-02-2026 арын
- ↑ Концерт ко Дню дипломатического работника [ӟуч] mgimo.ru. Эскеремын 10-02-2026 арын
- ↑ Об открытии выставки ко дню дипломата [ӟуч] Министерство иностранных дел Российской Федерации. Эскеремын 10-02-2026 арын
- ↑ В Посольстве России в Камбодже состоялся товарищеский футбольный матч по случаю Дня дипломатического работника [ӟуч] Министерство иностранных дел Российской Федерации (09-02-2026). Эскеремын 10-02-2026 арын
- ↑ По случаю Дня дипломатического работника на территории школы при Посольстве России в Каире состоялся товарищеский футбольный турнир [ӟуч] Министерство иностранных дел Российской Федерации (09-02-2026). Эскеремын 10-02-2026 арын
Чӧлсконъёс
