Программистлэн нуналыз

Программистлэн нуналыз
Юнматэмын	11-тӥ куарусёнэ 2009-тӥ арын Россилэн Азьмуртэзлэн Дмитрий Медведевлэн 1034-тӥ номеро Косэтэзъя
Пусъё	Россия Россия
Дырыз	арлэн 256-тӥ арыз (13 куарусёнэ огшоры ар, 12 куарусёнэ — касьян аре)
2025	13.09.2025
2026	13.09.2026
2027	13.09.2027

Программистлэн нуналыз (ӟуч: День программи́ста) — Росси Федерациысь ӧнер праздник, пусйиське арлэн 256-тӥ нуналаз. 256 лыдпус (2⁸), восьмиразрядной байтэз кутыса, кӧня пумо валатон поттыны луонэз возьматэ. Озьы ик со 2 лыдпуслэн максимальной быдэс степенез луэ (арысь 365 яке 366 нуналлэсь трос ӧвӧл).

Огшоры аре та праздник 13 куарусёнэ тупа, касьян аре — 12-тӥ куарусёнэ.

Историез

Нырысьсэ Программистлэсь нуналзэ пусъён сярысь малпанэз шараяз «Компьютерра» издательской юртлэн кивалтӥсез Дмитрий Мендрелюк 1996-тӥ арын 15-тӥ инвожое. Соку та ӧнер нуналэз пусйыны куарусёнлэсь нырысетӥ удмуртарнязэ дэмламын вал. 2002-тӥ арын «Параллельной технологиос» веб-студиын ужасьёс Валентин Балт но Михаил Червяков, калыклэн юрттэмез улсын, Пргораммистлэн нуналызлы арлэсь 256-тӥ нуналзэ юнматыны курыса, РФ Кивалтэтлы вазиськизы.

2009-тӥ арын 24-тӥ пӧсьтолэзе РФ массовой коммуникациосъя но связья министерстсво дасяз но , Россилэн Азьмуртэзлэн Косэтаз пыртон понна, РФ Кивалтэ «Программистлэн нуналыз сярысь» проектэз келяз.

2009-тӥ арын 11-тӥ куарусёнэ Россилэн Азьмуртэз Дмитрий Медведев 1034-тӥ номеро Косэт гожтӥз, кудӥзъя юнматӥськиз Россиысь вылез ӧнер праздник — «Программистлэн нуналыз».

Мукет нуналъёс

• 30 шуркынмонэ — Ивортодэтъёсты утёнъя калыккуспо нунал, 1988-тӥ арысен пусйиське. Ӵапак та арын пусъемын вал Моррис нумыр нимо нырысетӥез массовой эпидемия, озьы со кылдытӥсезлэн нимызъя нимамын.

• 10-тӥ толсуре — нырысетӥ нылкышно-программистлэн Ада Августа Байрон Кинг, графиня Лавлейслэн вордӥськем нуналызлы сӥзьыса (10-тӥ толсуре 1815-тӥ арын). Ада Бэббиджлэн аналитической машинаезлы нырысетӥ компьютерной программа гожтӥз, нырысьсэ уже кутӥз «ужан ячейкаос», «цикл» но мукет терминъёсты. Со туала компьютеръёслэн кылдонзы сярысь но азьпал ик вераз вал. Солэн нимыз сётэмын программированилэн Ада нимо кылызлы.

• 22-тӥ оштолэзе — Россиын, 2204 ужудыслэн вужмем кодировкаезлы сӥзьыса (берло 220400 луиз) (вычислительной техникалэн но автоматизированной системаослэн программной обеспеченизы). Выль классификацияя Россиын «ПО ВТ и АС» ужудыслэн кодэз 230105.65 — «Программистлэсь нуналзэ» 23-тӥ толшоре пусйыны луонлык кылдӥз.

• 1946-тӥ арын 14-тӥ тулыспалэ — ож йылпумяськем бере, калыклы но прессалы возьматэмын вал ЭНИАК.

• Тупамон дыр (тужгес но web-программистъёслы) — 4-тӥ оштолэзе (Ошибка 404). 4-тӥ оштолэзе быдэс католизмо дунне Вӧсьлыко Исидор Севильскийлэсь нуналзэ пусъе — компьютер но Интернет юзчиослэн нуналзы.

• Системной администраторлэн нуналыз.

Валэктонъёс

Чӧлсконъёс

• Россия празднует День Программиста
• Программисты требуют от Медведева праздник
• День программиста и его официальный статус