Финансистлэн нуналыз

Финансистлэн нуналыз
Официально	Финансистлэн нуналыз
Валатонэз	Финансовой системаын тыршисьёсты Россилэсь йӧскалык экономиказэ азинтэмзы понна сӥлы карон
Юнматэмын	РФ Азьмуртэзлэн 2011-тӥ арын 19-тӥ гудырикошконэ гожтэм косэтэныз, 1802-тӥ арын 8-тӥ куарусёнэ Россиысь Коньдон ужпумъёсъя министерстволэн кылдэменыз валче
Кылдытӥсез	Дмитрий Медведев
Пусъё	Россиын
Дырыз	8-тӥ куарусёнэ
Пусъён ужрадъёс	арлы быдэ
Сям-йылолъёс	Деловой ужрадъёс, ӧнерлыко данъетъёсын пусъён ( озьы ик «Репутация» премиен), просветительской акциос

Финансистлэн нуналыз (ӟуч: День финансиста) — Россиысь юнматэм ӧнер праздник, 2011-тӥ арысен кутскыса, арлы быдэ 8-тӥ куарусёнэ пусйиське. Юнматэмын РФ Азьмуртлэн Дмитрий Медведевлэн 2011-тӥ арын 19-тӥ гудырикошконэ гожтэм 1101-тӥ номеро косэтэныз. Сӥземын Александр I манифестэзъя 1802-тӥ арын 8-тӥ куарусёнэ Россиысь Коньдон ужпумъёсъя министерствоез кылдытонлы.

Историез

Азьвыл та нуналэз пусйылӥзы 8-тӥ куарусёнэ, Александр I императорлэн Росси империын Коньдон ужпумъёсъя министерство кылдытон сярысь 1802-тӥ арын Манифест гожтон нуналлы сӥзьыса. Со ик кунлэсь централизованной системазэ кылдытонлы инъет луиз.

Та нуналлы официальной инлык XXI дауре сётэмын. 2011-тӥ арозь финансистъёслэн ӧнер нуналзы официально юнматэмын ӧй вал. «Финансистлэн нуналыз» праздник официально юнматэмын РФ Азьмуртэзлэн Дмитрий Медведевлэн 2011-тӥ арын 19-тӥ гудырикошконэ гожтэм 1101-тӥ номеро косэтэныз.

Праздникез пусъён

Финансистлэн нуналаз, котьку сямен, огъянъёс лэсьтонлы, ас быгатонъёссэс шараянлы но ӧнерчиослэсь ужан амалъёссэс азинтонлы сӥзем ужрадъёс ортчыло. Соос пӧлтысь валтӥсьёсыз луо:

• Деловй ужрадъёс. Быдэс кунъя тематической конференциос, семинаръёс но котрес ӝӧкъёс ортчыло. Отын финансовой политикалы но экономика азинсконлы сӥзем юанъёсты сэртто-пертчо.
• Ӧнерлыко данъетъёс. Таязз ужрадын ужазы басьтэм азинсконъёссы понна данъеталляло. Тужгес кулэлыкоез соос пӧлысь Финансистъёслэн «Репутация» огъяросси премизы луэ. Сое, Россиысь финансовой системанз азинтэмзы понна 2010-тӥ арысен сётъялляло.
• Просветительской акциос. Та нуналлы улсатэмын «Дышетсконниосын финансовой грамотностьлы сӥзем нуналъёс» нимо огъяросси программа. Та программа улсын финансовой рынокысь ӧнерчиос егитъёслы но школаын дышетскисьёслы тодон-валанъёс сётъяло.

Россиысь ведомственной праздникъёс

Финансистлэсь огъя йӧскалык нуналзэ мукет сюбегатэм удысо праздникъёслэсь висъяны кулэ. Соос Россилэн нимаз ведомствоосаз кылдытэмын:

• Россиысь МВД-лэн финансовой службаяз ужасьёслэн нуналзы;
• РФ йӧскалык гвардилэн войскоосаз кылдытэм Финансово-экономической службалэн нуналыз;
• РФ Ожтӥрлыко кужымъёслэн войскоосазы кылдытэм финансово-экономической службалэн нуналыз.

Валэктонъёс