Финансистлэн нуналыз

Википедиысь материал
Банкиръёс асьсэ шумпотонзэс возьмато — Генри Гербо (фр. Gerbault, Henry).

Финансистлэн нуналыз ӟуч День финансиста — Россиысь юнматэм ӧнер праздник, 2011-тӥ арысен кутскыса, арлы быдэ 8-тӥ куарусёнэ пусйиське[1][2].

Праздник ужрадъёсты радъялляло мер огазеяськонъёс: «Финансовой рынокысь ӧнерчиослэн „САФИР“ дэменлыксы» но «Финансистъёслэн Гильдизы », Росси Федерайиысь коньдэт ужпумъёсъя министерство но Россиысь Шор Банклэн юрттэмзы улсын. Праздникез радъясь комитетэн 2012-тӥ арысен кивалтэ Росси Федерациысь коньдон ужпумъёсъя министр Антон Силуанов[3].

Азьвыл та нуналэз пусйылӥзы 8-тӥ куарусёнэ, Александр I императорлэн Росси империысь Коньдон ужпумъёсъя министерство кылдытон сярысь 1802-тӥ арын Манифест гожтон нуналлы сӥзьыса[2].

Праздниклэн официальной программаяз пыртэмын ужан но шулдыръяськон ужрадъёс:

Финансистъёслэн «Репутация» огъяросси премизы, ӟуч Всероссийская премия финансистов «Репутация» — кредитовани, финансировани но страховани удысысь одӥгез валтӥсез данъет, кудӥз сётӥське финансистъёслы рпосси коньдэт сӧзнэтэз азинтонын шӧдскымон уж нуэмзы понна, 2010-тӥ арысен кутскыса. Азьвыл аръёсы та премилэн лауреатъёсыз луизы Россиысь коньдэт удысысь тужгес яркытъёсыз огмуртъёс: Сергей Юрьевич Глазьев, Герман Оскарович Греф, Алла Георгиевна Грязнова, Евгений Григорьевич Ясин но трос мукетъёсыз.

Дышетсконниосын финансовой грамотностьлы сӥзем нуналъёс Огъяросси программа ӟуч Всероссийская программа «Дни финансовой грамотности в учебных заведениях»[4] — яланлыко ужрад, ортчытӥське 2011-тӥ арысен. Та программа улсын коньдэт удысысь ӧнерчиос быдэс Россиысь школьникъёслы но студентъёслы валэктон ужъёс нуо. 2015-тӥ арез басьтыса, пӧсьтолэзьлы программаез радъясьёс Росси Федерациысь 83 улосъёсысь ӝыны миллион пала егитъёсты дышетӥзы[5].

Йырвизь сынанъя «Арлэн финансистэз» культурно-деловой ӵошатскон ӟуч Интеллектуальный культурно-деловой конкурс «Финансистка года» — Россиысь коньдэт удысын ужась нылкышноослы 2011-тӥ арысен кутскыса, арлы быдэ ортчытъяськись ӵошатскон. 2015-тӥ арысен ӵошатсконлэн быръён этапез Россиысь Федерал округъёсын ортчытӥське.

Озьы ик нимаз кивалтон ёзъёсысь коньдэт но экономика ёзэтъёсын ужасьёс понна нуналъёс чакламын. Озьы, Россиысь кунпуш ужъёсъя министерстволэн 2000-тӥ арын 22-тӥ оштолэзе кутэм Косэтэзъя юнматэмын «Росси МВД-лэн пуш войскоосызлэн но кунпуш ужъёсъя ёзэтъёсысь финансовой но контрольно-ревизионной службаослэн нуналзы». Пусйиське 6-тӥ пӧсьтолэзе. Нуналыз герӟаськемын, 1918-тӥ арын 6-тӥ пӧсьтолэзе Советъёслэн V съездазы кунпуш ужъёсъя наркомлэн Петровскийлэн докладаз СССР-ысь НКВД-лэн финансовой ёзэтэзлэн радлыкез сярысь[6] нырысьсэ пусъем учырен. Кунпуш ужъёсъя министерстволэн 2008-тӥ арын 1-тӥ пӧсьтолэзе кутэм  565№ номеро Косэтъя, нуналэн нимыз «Росси МВД-лэн финансовой службаезлэн нуналыз»[7] шуысанимамын.

Та нунал ик (6-тӥ пӧсьтолэзь) Росгвардилэн кивалтӥсезлэн 2017-тӥ арын 8-тӥ шуркынмонэ гожтэм Косэтэзъя «Финансово-экономической службалэсь ёзэтъёссэ кылдытон нунал» шуыса пусъемын[8].

24-тӥ гудырикошконэ 2015-тӥ арын Росси Федерацилэн Президентэзлэн Косэтэзъя Росси Федерациысь Ожгар Кужымъёсын «Финансовой но экономической службалэн нуналыз» юнматэмын вал, сое пусйылӥзы 22-тӥ коньывуонэ. Праздниклэн нуналыз 1918-тӥ арын 22-тӥ коньывуонэ Революционной военной кенешлэн приказэзъя Революционной военной кенеш бордысь коньдон ужпумъёсъя ёзэт сярысь Положение ялэмен герӟаськемын[9].

Финансистлэн нуналыз выллем праздникъёс мукет кунъёсын но пусйиськыло:

• Белоруссиын, 26-тӥ южтолэзе 1998-тӥ арын Президентлэн Косэтэзъя юнматэмын вал «Банкъёсын но коньдэт удысын ужасьёслэн нуналзы», кудзэ пусъё толшорлэн нырысетӥ арнянуналаз. Нуналыз быръемын, Кун банклэн белорус ёзэтэз кылдэмлы сӥзьыса, со ужаны кутскиз 1922-тӥ арын 3-тӥ толшоре[10]. Беларусь Элькунысь обороная министрлэн 2001-тӥ арын 14 инвожое гожтэм Косэтэзъя юнматэмын «Беларусь Элькунысь Ожгар Кужымъёсын финансовой службаез кылдытон нунал», кудӥз пусйиське 18-тӥ пӧсьтолэзе. Нуналыз быръемын 1921-тӥ арын Шундыпуксёнпал фронтэн кивалтӥсьлэн фронтлы финансовой управление кылдытон сярысь Косэт гожтон нуналъя[11].

• Казахстанын Президентлэн 1998-тӥ арын 20-тӥ толшоре горжтэм Косэтэзъя юнматэмын «тенге — йӧскалык валюталэн нуналыз», пусйиське 15-тӥ шуркынмонэ. Нуналыз быръемын Казахстанын йӧскалык валютаез кутон нуналъя ― 15-т ӥ шуркынмонэ 1993-тӥ арын. 2011-тӥ арын 20-тӥ шуркынмонэ гожтэм Косэтъя юнматэмын праздниклэн выль нимыз — «Тенге — йӧскалык валюталэн нуналыз, Казахстан Элькунысь коньдэт сӧзнэтын ужасьёслэн ӧнер нуналзы»[12].

• Киргизиын Кивалтэтлэн 1998-тӥ арын 8-тӥ шуркынмонэ кутэм Пуктэтэзъя, юнматэмын «Кыргыз Элькунысь финансово-экономической ужасьёслэн нуналзы», пусйиське 10-тӥ толсуре[13]. 2001-тӥ арын выль нимыз юнматэмын — «Кыргыз Элькунысь коньдэт но эконом ика удысын ужасьёслэн нуналзы », но вылез пусъён дырыз — последнее воскресенье ноября[14]. В 2003 году установлена новая дата праздника — 7 июня[15].

• Сербиын «Финансовой службалэн нуналыз» ожгар праздникъёс пӧлы пыртэмын (серб Дан финансијске службе), пусйиське 8-тӥ шуркынмонэ. Нуналыз быръемын 1944-тӥ арын Калык обороная Советысь коньдэт ёзэтсэ кылдытон нуналъя[16].

Валэктонъёс

[Тупатыны | вики-текстэз тупатыны]
  1. ↑ Дмитрий Медведев Указом №1101 Президента России установлен День финансиста(ӟуч) Эскеремын 2012-09-08 аре
  2. ↑ 1 2 Медведев подарил финансистам праздник(ӟуч) Lenta.ru. Эскеремын 2012-09-08 аре
  3. ↑ День финансиста в России будут отмечать несколько дней(ӟуч) Lenta.ru. Эскеремын 2012-09-08 аре
  4. ↑ День финансиста совпадает с Международным днём грамотности, установленным ЮНЕСКО.
  5. ↑ Каждый финансист обязан, каждое учебное заведение может! finday.ru. Эскеремын 2016-03-31 аре
  6. ↑ Приказ МВД России от 22 апреля 2000 года № 421
  7. ↑ Об объявлении Дня финансовой службы МВД России от 01 июля 2008 - docs.cntd.ru
  8. ↑ Loading...
  9. ↑ Указ Президента РФ от 24 августа 2015 № 437
  10. ↑ [www.calend.ru/holidays/0/0/221/ День финансовых и банковских работников в Беларуси], calend.ru
  11. ↑ Военных финансистов — с праздником! Архивная копия от 4 шуркынмонэ 2016 на Wayback Machine, Белорусская военная газета
  12. ↑ О профессиональных и иных праздниках в Республике Казахстан - ИПС "Әділет"
  13. ↑ Постановление Правительства Киргызской Республики от 3 ноября 1998 года № 716
  14. ↑ Постановление Правительства Киргызской Республики от 16 апреля 2003 года № 219
  15. ↑ Постановление Правительства Киргызской Республики от 8 ноября 2001 года № 698
  16. ↑ Војни празници, Сайт Армии Сербии Шаблон:Sr icon
«https://udm.ruwiki.ru/w/index.php?title=Финансистлэн_нуналыз&oldid=272615»-ысь басьтэмын