Парашютистлэн нуналыз
Парашютистлэн нуналыз,ӟуч День парашютиста — совето но росси парашютизмен вырисьёслэн неофициальной праздниксы, пусйиське арлы быдэ 26-тӥ пӧсьтолэзе[1].
Озьы ик пусйиське куд-ог постсоветской кунъёсын но Украинаын[2][3].
Историез
1929-тӥ арын ВВС РККА-лэн комбригез Леонид Григорьевич Минов «Ирвин» компанилэн заводаз вуылыса, спасательной парашют лэсьтонэн тодматскиз, ачиз но кӧня ке пол тэтчиз. СССР-е берытскыса, Миновез ВВС РККА-ысь парашютэн тэтчаны дышетонъя инструкторе юнматӥзы. 1930-тӥ арын гужемозь Муско военной округысь 11-тӥ авиационной бригадаысь 30 мылкыд карисьёслы парашютэн тэтчанъя теоретической курс ортчытӥз[4].
1930тӥ арын 26-тӥ пӧсьтолэзе Воронеж котырын 5 совето лётчикъёс но механикъёс (Мошковский, Егоров, 3ахаров, Коваленков, Кухаренко, Мухин, Поваляев, Пойдус, Филиппов, Фрейман, Черкашин) Минов кивалтэм улсын, СССР-ын нырысьсэ самолётысь парашютэн тэтчизы. Уже кутэмын вал «Ирвин» американ компанилэн парашютъёсыз, кудъёссэ Минов США-е вуылыкуз басьтыса вайиз вал[5]. Сборъёс ортчон дыръя, 26-тӥ пӧсьтолэзьысен 29-тӥ пӧсьтолэзёзь 59 тренировочной но адӟытон тэтчонъёс радъямын вал.
1930-тӥ арын басьтэм опыт Совето Союзын парашютизмез азинтонлы инъет сётӥз. 1931-тӥ ар пумозь совето парашютистъёс 600 пала тренировочной но адӟытон тэтчонъёс лэсьтӥзы[6]. Та выль тунсыкъяськон калыклы кельшемен валче, каръёсысь шутэтскон паркъёсын «парашютной вышкаос» пуктылэмын вал, отысь котькуд мылкыд карись тэтчаны быгатылӥз[7].
Валэктонъёс
- ↑ В России отмечают День парашютиста // Аргументы и факты.
- ↑ 26 липня - День парашутиста(недоступная ссылка) (укр.) // Інститут лідерства та соціальних наук.
- ↑ День парашутиста(недоступная ссылка) (укр.) // Федерация парашютного спорта Украины.
- ↑ Советский парашютизм: как все начиналось
- ↑ Парашютное дело в СССР спецназ.орг.
- ↑ [www.calend.ru/holidays/0/0/2636/ День парашютиста] // calend.ru.
- ↑ День парашютиста // Вести ФМ.