Артистлэн нуналыз
| Артистлэн нуналыз | |
|---|---|
 | |
| Типез | Ӧнерлыко |
| Кылдытӥсез | РФ кивалтэт |
| Пусъё | арлы быдэ |
| Дырыз | 17-тӥ толшоре |
Артистлэн нуналыз (ӟуч: День арти́ста) — Россиысь ӧнерлыко нунал, кылдытэмын 2025-тӥ арын пӧсьтолэзе, Росси Федерациысь театр удысын ужасьёслэн союззылэн тӧроезлэн Владимир Машковлэн кичӧлтэмезъя. Дырыз, актёр устолыкез кылдытӥсьлы Константин Станиславскийлы сӥзьыса, солэн вордӥськем нуналаз тупатэмын, 17-тӥ толшоре[1]. Праздник музыкантъёслэн, кырӟасьёслэн, киноын, театрын но циркын шудӥсь артистъёслэн ӧнерлыко нуналзы луэ[2].
Роси Федерациысь Культурая министерство со решениез юнматӥсь ведомственной нормативной акт поттыны кулэ[3].
Историез
Ӟуч актёрлэн нуналыз Россиын нырысьсэ ортчиз 1917-тӥ арын. Сое радъяз Ӟуч театр дэменлык, театрез азинтонлы но кулэяськись актёръёслы юрттэт коньдон люкан понна[4].
2024-тӥ арын толсурлэн кутсконаз Владимир Машков Росси Федерациысь Театр удысын ужасьёслэн огазеяськонзылэн (СТД, ӟуч: Союз театральных деятелей) секретариатэзлэн паськытатэм кенешоназ Артистлэсь нуналзэ кылдытыны ӵектӥз. Солэн кылъёсызъя: «та нунал театр удысын валтӥсез луоз. Солэн нимыз юнме шорысь быръемын ӧвӧл, со званиос бордысь потэ: калык артист но дано артист. Сыӵе нимъёс театр, крезьгур, цирк, эстрада но кино удысъёсын адӟем карымон ужъёссы но вормонъёссы понна сётӥсько»[5].
Машков озьы ик пусйиз, таӵе амалэн Росси Федерациысь СТД Мария Гавриловна Савиналэсь но Театр дэменлыклэсь исторической кичӧлтонзэс берентыны турттэ шуыса. Озьы Артистлэн нуналаз арлы одӥг пол артистъёс спектакль возьматъязы но поттэм коньдонзэс Санкт-Петербургын ветеран-артистъёслы нырысетӥ юрт пуктонлы сётъяллязы[5].
Актёръёслэн мукет праздникъёссы
Быдэс дуннеын но Россиын 26-тӥ гудырикошконэ Актёрлэн калыккуспо нуналыз пусйиське. Со сӥземын Вашкала Римысь актёрлы Генезий Римскийлы. Со асьме вапумысь III даурын улӥз, христианъёсты сцена вылын возматъянназ ачиз но выль вӧсьбуре выйиз, ачиз христианин луиз. Со сярысь калык азьын шара верамысьтыз, кужмысь виемын вал. Берло со вӧсьлыкоос радэ поттэмын но актёръёслы, музыкантъёслы но эпилектикъёслы юрттӥсь луэ шуыса ялэмын[6][7].
Валэктонъёс
- ↑ В России 17 января будет отмечаться День артиста, Interfax.ru (3 гудырикошконэ 2025). Эскеремын: 15 гудырикошконэ 2025 арын.
- ↑ В России 17 января будут отмечать новый праздник — День артиста, Коммерсантъ (3 гудырикошконэ 2025). Эскеремын: 15 гудырикошконэ 2025 арын.
- ↑ В России будет отмечаться День артиста [ӟуч] government.ru (2025-08-03).
- ↑ День русского актера. Проект 1917 [ӟуч] project1917.ru. Эскеремын 15.08.2025 арын
- ↑ 1 2 Машков предложил учредить День артиста, TACC. Эскеремын: 15 гудырикошконэ 2025 арын.
- ↑ Генесий Мим [ӟуч] pravenc.ru. Эскеремын 15.08.2025 арын
- ↑ Catholic Encyclopedia: Genesius [ӟуч] newadvent.org. Эскеремын 15.08.2025 арын
