Воздушно-десантной войскоослэн нуналзы

Википедиысь материал
Воздушно-десантной войскоослэн нуналзы
ВДВ-лэн нуналыз. Москва, ВДНХ, 2013-тӥ ар.
ВДВ-лэн нуналыз. Москва, ВДНХ, 2013-тӥ ар.
Юнматэмын 1930-тӥ арын СССР-ын
Пусъё БелоруссияFlag of Belarus.svg Белоруссия,
КазахстанFlag of Kazakhstan.svg Казахстан,
РоссияFlag of Russia.svg Россия,
СССРFlag of the Soviet Union.svg СССР (1930—1991),
УкраинаFlag of Ukraine.svg Украина
Дырыз 2-тӥ гудырикошконэ (арлы быдэ)
Пусъён ужрадъёс запасэ келям десантникъёслэн шествиоссы, концертъёс
Сям-йылолъёс ӵош служить карем эшъёсынызы пумиськылонъёс
Логотип РУВИКИ.Медиа Медиафайлъёс РувикиМедиа пушкын

Воздушно-десантной войскоослэн нуналзы (ӟуч: «День Возду́шно-деса́нтных войск») — Россиын, Белоруссиын но СНГ-ысь мукет кунъёсын воздушно-десантной войскоосты сӥлы карон но буре ваён нунал.

Пусйиське арлы быдэ 2-тӥ гудырикошконэ[1].

Историез

Воздушно-десантной войскоослэн кылдон нуналэнызы лыдъяське 2 гудырикошкон 1930-тӥ ар. Со нуналэ Воронеж кар котырын СССР-ысь ВС-лэн Московской военной округысьтыз ВВС-лэн нырысетӥ опытно-показательной учениосыз дыръя десантной группаысь 12 мурт, боевой задачаез быдэстон понна, нырысьсэ парашютэн тэтчиз.

Воздушно-десантной войскоос кылдытэмын вал ар ортчыса — 1931-тӥ арын, эшшо ар ортчыса, соос совето Военно-воздушной кужымъёс пӧлы пыртэмын[2].

Кылдэмзы бере 60 ар ӵоже воздушно-десантной подразделениос пӧртэм ожтӥрлыко вачевуонъёсы пыриськылӥзы, нош нимаз луись войско инлык 1991-тӥ арын гинэ сётэмын. Со дырысен ик ВДВ-лэн нуналыз паськыт пусйиськыны кутскиз.

Росси Федерациысь Воздушно-десантной войскоослэн нуналзы арлы быдэ 2-тӥ пӧсьтолэзе пусйиське Росси Федерацилэн Президентэзлэн В. В. Путинлэн 2006-тӥ арын 31-тӥ куартолэзе 549-тӥ номеро «Росси Федерациысь Ожтӥрлыко Кужымъёсын ӧнер праздникъёс но буре ваён нуналъёс кылдытон сярысь» Косэтэзъя. Кылдытон мугъёс пӧлысь валтӥсез ― асьме кун ожгар сям-йылолъёсты улӟытон но азинтон, военной службалэсь данзэ будэтон но кунэз утён но кышкыттэмлыкъя ужпумъёсты сэрттон-пертчонын ожгар ӧнерчиослэсь ӟечлыксэс пусъён[3][2].

Рязаньысь ВДВ-лэн училищеысьтыз курсантъёс юртэз штурмен басьтыны быгатэмзэс возьмато

1997-тӥ арын десантникъёслэн пуксён интыязы (Воронежысь Генерал Лизюков нимо урам) гранит излэсь буре ваён пус но мемериал пул юнматэмын. Со пул вылын гожтэмын: «Та интые 1930-тӥ арын 2-тӥ гудырикошконэ СССР-ын нырысьсэ воздушной десант пуксиз».

Та дырез ик ВДВ-лэн кылдэм нуналыныз лыдъяло. 2020-тӥ арын Россиысь Воздушно-десантной войскоослы 90 ар тырмиз[4][5]. Та нуналлы сӥзем ужрадъёс паськыт ортчизы Рязаньын, сое «ВДВ-лэн шоркарез» шуыса нимало — отын интыяськемын Рязаньысь гвардейской вылӥ воздушно-десантной командной училище  [ӟуч] (удм.[6]. Со десант офицеръёсты дасясь кык военной училищеос пӧлысь одӥгез но быдэс дуннеысь одӥг гинэ быдэсак профильной луисез[7] лыдъяське).

ВДВ-лэн нуналызлы сӥзем ужрадъёсын, котьку сямен, «Рязань — столица ВДВ» кырӟанэз быдэсто, сое гожтӥз РВВДКУ-ысь «Крылатая пехота» ансамбль.

Рязаньысь училищеын знамяосты сӥё-дано поттон

Рязаньысь военной ВУЗ-лы ВДВ-ез кылдытӥсьлэн, генерал Василий Маргеловлэн  [ӟуч] (удм. нимыз сётэмын. Ачиз Маргелов та войское бергес вуиз ке но, ӵапак со ВДВ-ез радъяз но десантникъёслэсь троссэ сям-йылолъёссэс кылдытӥз. Сое буре вайыса ик десантникъёс ас войскозэз асьсэ куспын — «Войска дяди Васи» шуыса нимало[8].

Рязаньын озьы ик ВДВ-лы сӥзем шор музей  [ӟуч] (удм. кылдытэмын (училище бордын интыяськемын) но воздушно-десантной войскоослэн валтӥсез полигонзы[9].

2022-тӥ арын ВДВ-лэсь нуналзэ Муско улосысь «Патриот» паркын но пусйизы, со нуналлы сӥзем ужрадъёс 2-тӥ гудырикошконысен 7-тӥ гудырикошконозь кыстӥськизы[10].

Та нуналэз пусъён сям-йылолъёс

Воздушно-десантной войскоослэн нуналзы, али службазэс нуись но запасысь ожгарчиослэн ӧнер нуналзы луэ но быдэс Россиын, Белоруссиын но СНГ-ысь мукет кунъёсын пусйиське[11].

Али службазэс нуись но азьвыл десантникъёсты ӧнер нуналэнызы ӟечкыла Россилэн президентэз Владимир Путин[12].

Валтӥсь ужрадъёс Рязаньын ортчо, Ленин нимо шор площадьын бадӟым концерт радъяське. Отчы, котьку сямен, РВВДКУ-лэн «Крылатая пехота» группаез пыриське, десантникъёслы сӥзем кырӟанъёсты быдэстэ, соос пӧлын тужгес тодмоез «Синева» кырӟан[13], со ВДВ-лэн гимнэз луэ[14].

«Спартак» нимо стадионын десантникъёслэсь купольной парашютэн тэтчамъёссэс но мукет быгатонлыкъёссэс адӟыны луэ[15].

Сӥё-дано ужрадъёсы ВКС-лэн пилотажной группаосыз но пыриськыло. Кылсярысь, 2019-тӥ арын стадион вадьсын Торжокысь вертолоётъёсын лобась «Беркуты  [ӟуч] (удм.» пилотажной группа но Кубинкаысь «Стрижи» но «Русские витязи» пилотажной группаос быгатонлыкъёссэс возьматӥзы[16].

Екатеринбургын кар тыметлэн ярдур урамаз показательной выступлениос ортчыло[17]. ВДВ-лэн нуналыз озьы ик Росиысь мукет каръёсын пусйиське. Озьы ик десантникъёслэн демонстрационной выступлениоссы, концертъёс, благотворительной ужрадъёс, калык фестивальёс, военной техникаен но калык киужъёсын адӟытонъёс но вузкарон ярмаркаос радъясько[18].

Москваын ВДВ-лэн нуналызлы сӥзем нуналъёс Максим Горький нимо шутэтскон паркын 2-тӥ гудырикошконэ ортчо, десантникъёс асьсэ ожгар эшъёсынызы пумиськыло, бырем тодмооссэс буре вайыло[17]. Десантникъёслэн фонтанъёсын пыласькемзы сяме пыӵаз ини, озьы соос инбамлы матын луэмзэс возьмато кадь[2]. Сиён-юонъёс пӧлысь та нуналэ тужгес сӥлы луо арбузъёс[2].

Рязаньын ВДВ-лэн нуналаз парашютэн тэтчон

2024-тӥ арын

2024-тӥ арын Москваын 10 часын ӵукна воин-интернационалистъёслы сӥзем синпелет азьын но Поклонной гурезьын  [ӟуч] (удм., Троекуровской но Новодевичье шайвылъёсын ВДВ-ен кивалтӥсьёслэн шайгуоссы вылэ сяска тырон уджрадъёс ортчизы. Собере Ильинка нимо ульча кузя Крестный ход ортчиз, Горд площадьын показательной выступлениос, Васильевской спускын  [ӟуч] (удм. празднниклы сӥзем концерт радъяськиз[19][20].

Воронежын ВДВ-лы сӥзем музеез сӥё-дано усьтон ужрад ортчиз (отын 50 экспонатлэсь экспозиция кылдытэмын, отчызэмос арбериос но соослэн копиоссы пыртэмын), озьы ик нимысьтыз ог 40 пумо ужрад дасямын вал[21].

Архангельскын Вологодской шайвыл котырысь «Площадь Памяти» мемориал вӧзын сӥё-дано ужрадъёс но концерт программа радъямын вал[22].

Валэктонъёс

  1. ↑ День Воздушно-десантных войск в России. — История Воздушно-десантных войск ВС СССР и ВС РФ. РИА Новости // ria.ru (2 августа 2022 года). Эскеремын: 1 гудырикошконэ 2025 арын.
  2. ↑ 1 2 3 4 2 августа — День ВДВ: история и традиции праздника «голубых беретов», Известия (1 гудырикошконэ 2023). Эскеремын: 1 гудырикошконэ 2025 арын.
  3. ↑ Указ Президента Российской Федерации В. Путина от 31 мая 2006 года № 549 «Об установлении профессиональных праздников и памятных дней в Вооружённых Силах Российской Федерации». Официальный интернет-портал правовой информации // pravo.gov.ru. Архивная копия от 4 южтолэзе 2016 на Wayback Machine.
  4. ↑ Воздушно-десантные войска отмечают 90 лет со дня своего образования - ТАСС, TACC. Эскеремын: 1 гудырикошконэ 2025 арын.
  5. ↑ День Воздушно десантных войск отметят в Москве 2 августа 2018 года. — Традиции празднования, интересные факты, предстоящие мероприятия, // 4-women.ru (31 пӧсьтолэзе 2018). Архивировано 1 гудырикошконэ 2018 года. Эскеремын: 1 гудырикошконэ 2025 арын.
  6. ↑ Руководитель следственного управления принял участие в торжественном мероприятии, посвященном 93-й годовщине образования Воздушно-десантных войск - Следственного комитета Российской Федерации по Рязанской области
  7. ↑ Рязань – столица ВДВ. К 90-летию образования Воздушно-десантных войск
  8. ↑ "Войска дяди Васи". Почему генерала Маргелова называют отцом ВДВ, РИА Новости (20181227T0800). Эскеремын: 1 гудырикошконэ 2025 арын.
  9. ↑ Крылья для пехоты, ВО. Эскеремын: 1 гудырикошконэ 2025 арын.
  10. ↑ День ВДВ 2 августа 2022 в Москве и Подмосковье: программа, перекрытие движения, купание в фонтанах, Телеканал Царьград (1 гудырикошконэ 2022). Эскеремын: 1 гудырикошконэ 2025 арын.
  11. ↑ Десантники отмечают свой профессиональный праздник. — Сегодня в России отмечается День Воздушно-десантных войск Интернет-портал «Российской газеты» // rg.ru. Эскеремын 01.08.2025 арын
  12. ↑ Путин поздравил десантников с Днем ВДВ, Радио Sputnik (20210802T1225). Эскеремын: 1 гудырикошконэ 2025 арын.
  13. ↑ А мы – крылатая пехота Рязанские ведомости.
  14. ↑ В Рязани отмечают День ВДВ всем городом - Российская газета, Российская газета (2 гудырикошконэ 2023). Эскеремын: 1 гудырикошконэ 2025 арын.
  15. ↑ День ВДВ отпраздновали в Рязани
  16. ↑ День ВДВ в Рязани: танцы Дедов Морозов и рукопашный бой. Эскеремын: 1 гудырикошконэ 2025 арын.
  17. ↑ 1 2 Праздник "без ерундистики": День ВДВ в России, РИА Новости (20220802T1439). Эскеремын: 1 гудырикошконэ 2025 арын.
  18. ↑ Праздник «без ерундистики»: День ВДВ в России. — В России отмечают День Воздушно-десантных войск. Праздник «крылатой пехоты» — в фотоленте Ria.ru. РИА Новости // ria.ru (2 августа 2022 года). Эскеремын: 1 гудырикошконэ 2025.
  19. ↑ План проведения праздника «2 августа — день ВДВ» в г. Москве [рус.]
  20. ↑ План проведения праздничных мероприятий, посвящённых 94-й годовщине образования ВДВ и дню пророка Божия Илии — Союз Десантников России имени Героя Советского Союза, генерал-полковника Востротина В.А.
  21. ↑ День ВДВ в 2024 году: какого числа, история, традиции и как будут отмечать праздник в Воронеже [рус.]
  22. ↑ Как будут праздновать День ВДВ в Архангельске: программа мероприятия, 29.ру - новости Архангельска (31 пӧсьтолэзе 2024). Эскеремын: 1 гудырикошконэ 2025 арын.

Чӧлсконъёс

«https://udm.ruwiki.ru/w/index.php?title=Воздушно-десантной_войскоослэн_нуналзы&oldid=503394»-ысь басьтэмын