Валчеяськон нунал
| Донецк но Луганск Калык Элькунъёсты, Запорожье но Херсон улосъёсты Росси Федерациен валчеян нунал | |
|---|---|
 | |
| Пусъё | Россиын |
| Пусъён ужрадъёс | 30-тӥ куарусёнэ |
| Герӟаськемын | Россилэсь азьвыл музъемъёссэ СВО улсын Росси Федерацилэн пушпӧлаз пыртонэн |
Донецк но Луганск Калык Элькунъёсты, Запорожье но Херсон улосъёсты Росси Федерациен валчеян нунал (ӟуч День воссоединения Донецкой Народной Республики, Луганской Народной Республики, Запорожской области и Херсонской области с Российской Федерацией (озьы ик Выль улосъёсты Россиен валчеян ) — Россиысь данлыко но буре ваён нуналъёс пӧлысь одӥгез. Юнматэмын 2023-тӥ арын Росси Федерацилэн президентэзлэн Косэтэзъя. Пусйиське 30-тӥ куарусёнэ, ужан нунал[1].
Историез
21-тӥ тулыспалэ 2022-тӥ арын Донецк но Луганск калык элькунъёслэсь асэриклыксэс Россия шонерен лыдъяз (ДНР но ЛНР)[2]. ДНР но ЛНР, асэриклыксы понна 2014-тӥ арысен нюръяськись кунъёс, Россилы юрттэт курыса вазиськизы. Со вазиськонлы пумит 24 тулыспалэ 2022-тӥ арын Росси Федерациысь Ожгар Кужымъёс Украинаын нимазъям ожгар операциез кутскизы (СВО)[3]. Ожмаськонъёс улсын росси ожгарчиос Запорожье[4] но Херсон улосъёслэсь[5] бадӟым люкетсэс эскерет улэ басьтӥзы. Отын военно-гражданской администрациос (ВГА) кылдытэмын вал.
23-тӥ — 27-тӥ куарусёнэ 2022-тӥ арын ДНР-ын, ЛНР-ын, Запорожье но Херсон улосъёсын та улосъёсты Россилэн пушпӧлаз солэн выль асмосъёсыз чотын пыртон сярысь референдумъёс ортчизы. Бюллетеньёсын одӥг гинэ юан пуктэмын вал. ДНР-ын но ЛНР-ын улӥсьёс понна: «Кунлэсь Росси Федерацилэн пушпӧлаз выль асмос чотын пыртэмез тӥ умоен лыдъяськоды-а» шуыса? Запорожье но Херсон улосъёсын: «Улосэз, Украиналэн пушпӧлысьтыз поттыса, эсэрико кун кылдытон но Росси федерацилэн пушпӧлаз пыртонэз умоен лыдъяськоды-а шуыса?»[6]. ДНР-ын но ЛНР-ын, кудъёсаз 2020-тӥ арысен кун кылын ӟуч кыл гинэ лыдъяське, бюллетеньёс ӟуч кылын печатламын вал, Запорожье но Херсон улосъёсын — украин но ӟуч кылъёсын. Котькуд улосын быйисьёслэн лыдзы 50 %-лэсь ятыр луиз; референдуме пыриськисьёс пӧлысь бадӟым люкетэз РФ -ен валчеяськон понна куаразэс сётӥзы[7].
2022-тӥ арын 28 куарусёнэ референдумлэн йылпумъянъёсызъя, ДНР-лэн но ЛНР-лэн азьветлӥсьёссы Денис Пушилин но Леонид Пасечник, озьы ик Запорожье но Херсон улосъёсысь военно-гражданской администрациослэн тӧрооссы Евгений Балицкий но Владимир Сальдо Россилэн президентэзлы Владимир Путинлы улосъёсты Росси Федерацилэн пушпӧлаз выль асмосъёс чотын пыртыны курыса вазиськизы[8].
2022-тӥ арын 29-тӥ куарусёнэ РФ-лэн президентэз Запорожье но Херсон улосъёслэн асэриклыксы сярысь Косэтъёс гожтӥз[9].
2022-тӥ арын 30-тӥ куарусёнэ Россилэн президентэз Владимир Путин ДНР-ез, ЛНР-ез, Запорожье но Херсон улосъёсты РФ-лэн пушпӧлаз пыртон сярысь тупанкылъёс гожтӥз[10].
3 коньывуонэ ужкагазъёс умоен лыдъямын вал, гожтэмын кулэ луись федерал конституци катъёс, кудъёсыз 5-тӥ коньывуонэ кужымлыко луизы[11].
Катэз юнматон
2023 арын 12-тӥ куарусёнэ Россилэн президентэз В. В. Путин Кун Кенеше 30-тӥ коньывуонэз ДНР-ез, ЛНР-ез, Запорожье но Херсон улосъёсты РФ-ен валчеян нуналэн ялон сярысь катӵектос пыртӥз[12]. Ӵектос Россиысь ожгар данлыко но буре ваён нуналъёс сярысь Федерал катэ воштэтъёс пыртонэз кулэ каре вал[13].
Кичӧлтон кылдӥз улос парламентъёсы депутат быръёнъёс (8-10-тӥ куарусёнэ) ортчем бере, нунал ортчыса, выль улосъёсты Россиен валчеяськем бере татын со нырысьсэ ортчиз. Быръёнъёслы катрадлыко инлык сётэмын вал, 2023-тӥ арын 29-тӥ куартолэзе федерал катрадлыке, военной положение ялэм интыосын быръёнъёс ортчытон сярысь воштэтъёс пыртэм бере[14]. Выль улосъёсын быръёнъёсы пыриськем муртъёслэн лыдзы, тушмонлэн быръён интыосты ыбылонъёссы шоры учкытэк, тужгес вылӥын вал[15].
2023-тӥ арын 19 куарусёнэ Росси Федерацилэн Кун Кенешез «Россиысь ожгар данлыко но буре ваён нуналъёсты пусъён сярысь» 1995-тӥ арын 13-тӥ южтолэзе кутэм № 32-ФЗ номеро Федерал катлэн 1 статьяяз воштонъёс пыртӥз. Вань фракциос решениез умоен лыдъязы. 30-тӥ куарусён Донецк но Луганск Калык Элькунъёслэн, Запорожье но Херсон улосъёслэн Росси Федерациен валчеяськон нуналэнызы ялэмын[16].
Валэктонъёс
- ↑ 30 сентября в России будет отмечаться День воссоединения России и ДНР, ЛНР, Запорожской и Херсонской областей
- ↑ Путин подписал указы о признании независимости ЛНР и ДНР
- ↑ Военная операция на Украине. Хроника
- ↑ Запорожская область скоро вольется в семью народов России, заявил глава ВГА
- ↑ Администрация Херсонской области: Регион никогда не вернется в состав Украины
- ↑ Что известно о референдумах в ДНР, ЛНР и освобожденных областях Украины о вхождении в РФ
- ↑ Референдумы в ДНР, ЛНР, Херсонской и Запорожской областях. Главное
- ↑ Власти Херсонской области обратились к Путину с просьбой о присоединении к РФ
- ↑ Владимир Путин подписал указы о признании независимыми Херсонской и Запорожской областей
- ↑ Путин: выбор людей на новых территориях - их неотъемлемое право, закрепленное в Уставе ООН
- ↑ Путин подписал законы о принятии ДНР, ЛНР, Запорожья и Херсона в Россию
- ↑ О внесении изменений в статью 1-1 Федерального закона "О днях воинской славы и памятных датах России"
- ↑ Путин внёс в ГД проект об установлении Дня воссоединения России и новых регионов
- ↑ Организация выборов в новых регионах в 2023 году
- ↑ Явка на выборах в заксобрания новых регионов стала одной из самых высоких в России
- ↑ ГД приняла закон об установлении Дня воссоединения новых регионов с Россией
Россилэн ожгар данлыко но буре ваён нуналъёсыз | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| Ожгар данлыко нуналъёс |
| ||||||||||||||||||||
| Буре ваён нуналъёс |
| ||||||||||||||||||||
