Калыкъёслэн огъя луон нуналзы

Калыкъёслэн огъя луон нуналзы
Нижний Новгородын Кузьма Мининлы но Дмитрий Пожарскийлы синпелет, усьтэмын 2005-тӥ арын 4-тӥ шуркынмонэ
Тип	Россилэн ожгар данлыко кун нуналыз
Мукет сямен	Инмар Анайлэсь Казанской оброссэ пусъён (Мускоез мозмытэмен валче но Россиез Речь Посполитойлэсь 1612-тӥ арын мозмытон), Сӥзьыл Казанской
Валатонэз	Сӥзьыл 1612-тӥ арын Кыкетӥ калык ополчение Муско Кремльысь польско-литовской захватчикъёсты улляз
Юнматэмын	Бугыръяськон вакытлэн йылпумъяськонэзлы сӥзьыса, 2005-тӥ арын 4-тӥ шуркынмонэ 22 коньывуонэ (1 шуркынмонэ) 1612
Кылдытӥсез	29.12.2004-тӥ арын кутэм 201—ФЗ номеро Федерал кат
Пусъё	Россия Россия Южная Осетия Южная Осетия ПМР ПМР
Дырыз	4шуркынмонэ
Сям-йылолъёс	парад, молебен, крестный ход, кар ярмарка, патриотической но просветительской акциос
Медиафайлъёс РувикиМедиа пушкын

Калыкъёслэн огъя луон нуналзы ӟуч Де́нь наро́дного еди́нства — Россиысь кун праздник, пусйиське арлы быдэ 4 шуркынмонэ, 2005-тӥ арысен кутскыса. Россиысь ожгар данлыклэн нуналыз. 2004-тӥ арын 29-тӥ толсуре кутэм 201-ФЗ номеро Федерал катъя, шутэтскон нуналэн ялэмын.

Калыкъёслэн огъя луон нуналзы

Дырыз

22 коньывуонэ (1 шуркынмонэ) 1612 арын Кузьма Минин но Дмитрий Пожарский кивалтэм улсын Калык ополчение польско-литовской ожгарчиосты Китай-городысь улляз но Кремль пала чигнатӥз. Князь Пожарский Китай-городэ Инмар Анайлэн Казанской обросэныз пыриз.

Калык ополченилэн полякъёсты вормемез. Мининлы но Пожарскийлы пуктэм синпелетлэн барельефез

24-тӥ коньывуонэ (3-тӥ шуркынмонэ) полякъёс Неглинное поттӥсь кремль ӟезьыосты усьтӥзы; нырысь ик котретэ басьтэм ӟуч калыкез, бояръёсты, дворянъёсты но купецъёсты лэзизы. Пожарский но Минин калыкез асьсэ земской станазы келязы. 25-тӥ коньывуонэ (4-тӥ шуркынмонэ) кремльысь вань ӟезьыос вӧлак усьтӥськизы но ӟуч ожгарчиос Кремле пыризы, нырысь крестный ход, солэн азяз архимандрит Дионисий, солэн пумитаз, кияз Владимирской Богородицаен, Кремльысь элассон ахиепископ грек Арсений потӥз. Полякъёс ож-тӥрлыкъёссэз куштыса пегӟыны кутскизы. Соосты ӟуч станэ уллязы.

1649-тӥ арын царь Алексей Михайлович Инмар Анайлэн Казанской обросэзлы сӥзем нуналэз гужем гинэ ӧвӧл, 22-тӥ коньывуонэ, нырысетӥ пиез Дмитрий Алексеевич вордӥськон нуналэ но (юлиан дырпусъя) пусйыны косӥз. «Инмар Анайлэсь Казанской оброссэ пусъён нунал (Мускоез но Россиез полякъёслэсь 1612-тӥ арын мозмытон нунал)» али но возиське православной но калык дырпусъёсын (совето вакытэ Мускоез мозмытон нунал ӧз пусйиськылы).

Дырыз пумысен споръяськонъёс

1995-тӥ арын 13-тӥ южтолэзе кутэм 32-ФЗ номеро «Россилэн ожгар данлыко но буре ваён нуналъёсыз» Федерал катын ожгар данлыклэн нуналыз 4-тӥ шуркынмон — Калыкъёслэн огъя луон нуналзы шуыса пусъемын. Дырыз тупатэмын нижегородской староста Кузьма Минин но князь Дмитрий Пожарский кивалтэм улсын калык ополченилэн Китай-городэз мозмытэмзылы. Катӵектослэн пояснительной запискаяз тазьы пусъемын:

«4 ноября 1612 года воины народного ополчения под предводительством Кузьмы Минина и Дмитрия Пожарского штурмом взяли Китай-город, освободив Москву от польских интервентов и продемонстрировав образец героизма и сплочённости всего народа вне зависимости от происхождения, вероисповедания и положения в обществе».

Китай-город мозмытэмын вал 1612-тӥ арын 22-тӥ коньывуонэ (юлиан дырпусъя), со вакытэ григориан дырпусъя 1612-тӥ арын 1-тӥ шуркынмонлы тупа вал.

Куд-ог историкъёслэн малпамзыя, Кремль мозмытэмын вал 26 коньывуонэ (5 шуркынмонэ), куке поляк гарнизонлэн командованиез капитуляци сярысь гожтӥз, соку ик Кремльысь муско бояръёсты (россилэн законной Кивалтэтэз) но мукет бадӟым муртъёстылэзизы. Соос пӧлын вуоно эксэй Михаил Фёдорович но вал. Мукет нуналаз — 27 коньывуонэ (6 шуркынмонэ) — гарнизон сётӥськиз.

Праздниклэн историез

Та праздникез юнматонлэн кичӧлтӥсьёсыз пӧлысь одӥгез вал Владислав Сурков:

Что есть Русский Мир? Эта идея, я её когда-то ввёл в структуру государственной политики, когда мы меняли идеологические даты: отменили день празднования социалистической революции и ввели День народного единства. В России ведь не было ни одного праздника, связанного с событиями до Революции. Этот день стал днём русского национализма по сути своей. Была такая задача: как сказать об Империи, о нашем желании расширяться, но при этом не оскорбить слух мирового сообщества

4-тӥ шуркынмонэз праздник нуналъёс пӧлы пыртон сярысь озьы ик вазиськиз Россиысь Межрелигиозной совет 2004-тӥ арын куарусён толэзе. Думаысь Ужъя но мер политикая Комитет тае умоен лыдъяз, озьы со думалэн кичӧлтонэз луиз.

2004-тӥ арын 29-тӥ куарусёнэ Патриарх Московский и всея Руси Алексий Думалэсь 4-тӥ шуркынмонэз праздник нунал карон кичӧлтонзэ умоен лыдъяз но со пумысен таӵе кылъёс вераз:

«Этот день напоминает нам, как в 1612 году россияне разных вер и национальностей преодолели разделение, превозмогли грозного недруга и привели страну к стабильному гражданскому миру».

4-тӥ коньывуонэ та кичӧлтонэз умоен лыдъяз «Единая Россия» фракцилэн нырысетӥ воштӥсез Валерий Богомолов.

2004-тӥ арын 28-тӥ коньывуонэ Саратовысь Театральной площадьын Мер инэглэн Саратов улосысь Егитъёслэн парламентсылэн кичӧлтэмезъя, егит калыклэн но пӧртэм мер огазеяськонъёслэн ёзчиосызлэн В. В. Путинлэн реформаосызлы дурбасьтӥсь 8 сюрсъем митинг ортчиз. Люкаськем калык Росси Федерацилэн президентэзлы 4-тӥ шуркынмонэз йӧскалыкъёслэн огъя луон нуналынызы ялонэн вазиськиз.

2004-тӥ арын 23-тӥ шуркынмонэ, эскерон ваылысь, катӵектос Думае сётэмын вал, соя Росси Федерацилэн Ужан кодексаз воштэтъёс пыртыны кулэ вал: 7-тӥ шуркынмонэ Быдӟым Октябрь социалистической революцилэсь нуналзэ но 12-тӥ толсуре — Конституцилэсь нуналзэ пусъёнэз палэнтон, выль ар каникулъёсты кыкысен вить нуналозь йылэтон, озьы ик 4-тӥ шуркынмонэ выльзэ праздникез юнматон. Катӵектослэн авторъёсыз — Валерий Богомолов, Олег Еремеев (Единая Россия) но Владимир Жириновский (ЛДПР).

Со нуналэ ик Россиысь Межрелигиозной советлэн президиумезлэн ёзчиосыз Госдумалэн тӧроезлы Борис Грызловлы выль праздниклэсь пусъён дырзэ 4-тӥ шуркынмонэз бырйыны курыса вазиськизы. Выль праздник нуналэз юнматон кичӧлтонэз Совет умоен лыдъяз.

Госдумалэн заседанияз катӵектос нырысетӥ лыдӟонъёсын ик кутэмын вал, пумит кылзэс веразы коммунистъёс. 27-тӥ толсуре 2004-тӥ арын катӵектосэз куинетӥ лыдӟонъёсын юнматӥзы. 327 депутат сое умоен лыдъяз, вань коммунистъёс — «пумит» луизы, кыкез малпанзэ шараятэк кельтӥз.

Праздник сярысь малпанъёс

Ужан кодексэ воштэтъёс пыртэм бере но выль праздник нунал кылдэм бере калык пӧлын споръяськонъёс потӥзы.

Политологъёс но политика удысын ужасьёс праздник нунал пумысен ас мылкыдзэс вераллязы. Куд-огез та праздник калык пӧлын уз вӧлмы шуыса малпаз, мукетъёсыз Калыкъёслэн огъя луон нуналзылы азьланяз азинскон сӥзизы.

«Общественное мнение» фондлэн 2020-тӥ арын коньывуон толэзьлэн пумаз ортчытэм юалляськонъёсызъя, юаськемъёс пӧлысь 71 %-эз 4-тӥ шуркынмонэ юнматэм праздникез умоен лыдъяз.

Признать карымтэ кунъёс

Приднестровьеысь Молдаван Элькун. 4-тӥ шуркынмон — Калыклэн огъя луон нуналыз, Президентлэн 2012-тӥ арын 16-тӥ шуркынмонэ гожтэм косэтэзъя, буре ваён нуналъёс пӧлы пыртэмын, пусйиське но шутэтскон нуналэн уг лыдъяськы.

Ӝыныё признать карем кунъёс

Лымшор Осетия. 4-тӥ шуркынмонэ Калыкъёслэн огъя луон нуналзы пусйиське.

Фильмъёс

• «1612: Хроники смутного времени» (фильм, 2007)
• «Крепость. Щитом и мечом» (мультфильм, 2015)

Литература

• Андреев И. Л. и др. День народного единства: Биография праздника / Авт.: И. Л. Андреев, В. Н. Козляков, П. А. Михайлов, В. А. Токарев, Ю. М. Эскин; Вступ. ст. В. А. Никонова. — М.: Дрофа, 2009. — 352 с. — ISBN 978-5-358-03531-7.
• Головашина О. В., Аникин Д. А. Неожиданные издержки победы: 4 ноября в контексте политики памяти и массового исторического сознания // Вестник Томского государственного университета. — 2018. — № 429. — С. 66—73.
• Гугнина О. В. День 4 ноября 2005 года глазами историков и семиклассников: реализация герменевтического принципа // Историко-педагогические чтения. — 2006. — № 10. — С. 419—424.
• Ефремова В. Н. День народного единства: Изобретение праздника // Символическая политика: Сборник научных трудов. Вып. 1. Конструирование представлений о прошлом как властный ресурс / Отв. ред.: О. Ю. Малинова. — М.: ИНИОН РАН, 2012. — С. 286—300. — 334 с. — (Политология). — ISBN 978-5-248-00639-7.
• Макашова А. С. Традиции ноябрьских праздников в истории России: символическое содержание праздников // Вестник Санкт-Петербургского университета. Серия 6. Политология. Международные отношения. — 2012. — № 3. — С. 128—131.
• Малышева С. Ю. Эволюция исторической мифологии «ноябрьских» праздников в России // Вестник Пермского университета. История. — 2019. — Вып. 1 (44). — С. 138—147. — doi:10.17072/2219-3111-2019-1-138-147.
• Назаров В. Д. Что будут праздновать в России 4 ноября 2005 года? // Отечественные записки. — 2004. — № 5.

Чӧлсконъёс

• Федеральный закон от 29 декабря 2004 года № 201-ФЗ «О внесении изменений в статью 112 Трудового кодекса Российской Федерации»
• Известия. Праздничные дни. Как они появляются и кто их устанавливает. Интервью с Андреем Николаевичем Сахаровым, директором Института российской истории РАН.
• РИА Новости. День единения России. Справка
• Владислав Назаров. Что будут праздновать в россии 4 ноября 2005 года?
• Смирнов И. В. Политика vs наука. Вышла биография Дня народного единства
• День народного единства. История праздника
•  4 ноября — День народного единства

Валэктонъёс