5-тӥ шуркынмон — Григориан дырпусъя — арлэн 309-тӥ нуналыз (касьян аре — 310-тӥез). Ар пумозь 56 нунал кылемын.
☀️ Ижкарын Шунды 8 час 1 минутэ ӝужа, пуксе 16 час 52 минутэ. Югыт нуналлэн кыстӥськемез 🕒 8 час 51 минут.
🌘 Вуж Толэзь (будэмез 24.78 нунал).
Нунал тодметъёс
- Яко нунал (ӟуч: Яков день). Пу дасян нунал. Вазен бызьымтэ нылъёс сюан гозы пуно но гажанъёссылы кузьмало вылэм[1]. Та нуналэ нокинлы нормыр сётыны уг лэзё. Киын сётод, пыдын утчалод, шуо калыкын.
- Туннэ усем лымы ӧз ке шуна ― толалтэ куазь небыт улоз, гужем емышо луоз.
- Туннэ векчи бышкись лымы усиз ке ― толалтэ ӟырт кезьыт луоз.
Нимнуналзэс пусъё
- Яков, Николай, Владимир, Александр, Емельян, Игнатий, Максим, Ксения, Елисей, Евфросиния, Никифор.
Пороховой заговорен чаклам пуштытон. Эксперимент
Праздникъёс но буре ваён нуналъёс
- ООН
ООН — Цунами сярысь ивор вӧлмытонлы сӥзем нунал[2].
Йӧскалык праздникъёс
- Россия
Россия, Белоруссия
Белоруссия — Военной разведчиклэн нуналыз.
- Армения
Армения — Разведывательной войсколэн нуналыз.
- Казахстан
Казахстан — Внешней разведкалэн нуналыз[3].
Тумошо праздникъёс
- Вуж туспуктэмъёсты учкылон нунал.
- Останкино телебашнялэн кылдон нуналыз.
Луэм учыръёс
Удмуртиын
Россиын но дуннеын
- 1605 — пытсэтамын Англиысь Пороховой заговорлэн азьветлӥсез Гай Фокс.
- 1813 — Россия но Персия Гюлистанын тупанкыл гожтӥзы.
- 1914 — Великобритания Кипрез киултӥз.
- 1929 — Мускоын СССР-ысь нырысетӥез планетарий усьтӥськиз.
- 1952 — Северо-Курильскысь цунами, Россилэн историысьтыз тужгес бадӟымез.
- 1967 — Москваын Останкино телецентр ужаны кутскиз[4].
- 1990 — РСФСР-ысь калык депутатъёслэн съездзы Михаил Глинкалэсь «Патриотическая песня» кырӟанзэ кун гимнлы кутон понна умоен лыдъяз.
- 2006 — Ираклэсь азьвыл президентсэ Саддам Хусейнэз виён сярысь судъямын.
- 2010 — Кущёвской станицаын трос калык виемын.
Вордӥськизы
- Удмуртиысь тодмо муртъёс
- Россиысь но дуннеысь тодмо муртъёс
- 1824 — Михаил Лорис-Меликов, Россиысь кун но ожгар ужась, граф.
- 1878 — Кузьма Петров-Водкин, Россиысь но СССР-ысь суредась, гожъяськись но дышетӥсь.
- 1905 — Дмитрий Шепилов, совето экономист но политика удысын ужась, СССР-ысь Наукаосъя академилэн член-корреспондентэз.
- 1911 — Мэри Осборн, Америкаысь актриса.
- 1913 — Владимир Лифшиц, совето гожъяськись.
- 1921 — Дьёрдь Цифра, Венгриысь пианист-виртуоз.
- 1952 — Олег Блохин, СССР-ысь футболэн шудӥсь, 1975 арын Европаысь тужгес ӟечез футболэн шудӥсь.
- 1981 — Ксения Собчак, Россиысь телепередачаосты нуись.
Джеймс Максвелл, электромагнитной поле сярысь теориез кылдытӥсь
Кулӥзы
- Удмуртиысь тодмо муртъёс
- 1999 — Леонид Прозоров, удмурт суредась.
- Россиысь но дуннеысь тодмо муртъёс
- 1879 — Джеймс Клерк Максвелл, Англиысь физик, электромагнитной поле сярысь теориез кылдытӥсь.
Валэктонъёс
