15-тӥ шуркынмон — Григориан дырпусъя — арлэн 319-тӥ нуналыз (касьян аре — 320-тӥез). Ар пумозь 46 нунал кылемын.
☀️ Ижкарын Шунды 8 час 22 минутэ ӝужа, пуксе 16 час 31 минутэ. Югыт нуналлэн кыстӥськемез 🕒 8 час 9 минут.
🌒 Егит Толэзь (будэмез 5.24 нунал).
Нунал тодметъёс
- Кеносъёсты эскерон нунал (ӟуч: Житница). Та нуналозь юрт котыр быдэсак толлы дасямын, кеносъёс тырмытэмын луыны кулэ ини, шуо[1].
- Шушыос кырӟало ке ― кезьытскоз.
- Куакаос лымшор пала кесясько ке ― шунытскоз.
Нимнуналзэс пусъё
- Мapкиaн, Кoнcтaнтин, Дeмьян, Ивaн, Кузьма.
Праздникъёс но буре ваён нуналъёс
- Сырьёез кык полэс уже кутонлэн нуналыз (ӟуч: Всемирный день рециклинга, или Всемирный день вторичной переработки).
Йӧскалык праздникъёс
Тумошо праздникъёс
- Уноятон таблицалэн дунневыл нуналыз.
Луэм учыръёс
Удмуртиын
- 1886 — Сарапулын типография усьтӥськиз. Отын одӥг печать машина, кык типограф станок, одӥг литограф станок вал. Тямыс адями тыршиз. Типографиын кар думаосысь, гурт кенешъёсысь журналъёс, докладъёс но кар но гурт управаосысь, дышетон кенешъёсысь отчётъёс, пӧртэм огазеяськонъёслэн уставъёссы, ялонъёс, афишаос, счётъёс, отён гожтэтъёс, бланкъёс печатласькизы. Со ёросъёсын типографиосты усьтыны инъет луиз.
Россиын но дуннеын
Кинг Жиллетт, бритваез кылдытӥсь
- 1492 — Христофор Колумб аслаз дневниказ нырысьсэ тамак сярысь гожтэм.
- 1904 — американец Кинг Кемп Жиллетт вошъяськись лезвиен бритвалы патент басьтӥз.
- 1905 — Севастопольысь ӝутӥськонэ потэм матросъёс ыбылэмын.
- 1917 — «Россиысь калыкъёслэн правооссы сярысь декларация» кутэмын.
- 1922 — Дальневосточной республика (ДВР) РСФСР-лэн пушпӧлаз пыртэмын.
- 1932 — Ленинградысь Казанской соборын осконлэн историезлы сӥзем музей усьтӥськиз.
- 1934 — СССР-ысь нырысетӥез куараё телепередачалэн трансляциез ортчиз.
- 1955 — Ужаны кутскиз Ленинградысь метрополитен.
- 1960 — «Поларис» баллистической ракетаез азинлыко эскерон ортчытэмын.
- 1969 — К-19 но Gato вуул пыжъёс Баренцев зарезьын мырӟиськизы.
- 1971 — Intel компания нырысетӥ микропроцессорез поттӥз (4004 моделез).
- 1982 — Л. И. Брежневлэн шӧйыз Горд площаде ватэмын.
- 1988 — «Буранлэн» инсьӧры нырысетӥ но со ик берпуметӥез лобанэз.
Осип Петров, ӟуч опера кырӟась
Вордӥськизы
- Удмуртиысь тодмо муртъёс
- 1927 — Светлана Киселёва (Тронина), Глазовын вордӥськем биологи наукаосъя кандидат.
- 1957 — Геннадий Бекманов, удмурт актёр, режиссёр, кырӟан гожъясь но кырӟась.
- 1959 — Наталья Боталова, удмурт дышетӥсь.
- Россиысь но дуннеысь тодмо муртъёс
- 1738 — Уильям (Фридрих Вильгельм) Гершель, Англиысь астроном но оптик.
- 1807 — Осип Петров (кул. 1878), ӟуч опера кырӟась, бас.
- 1953 — Игорь Ливанов, ӟуч актёр.
Дмитрий Мамин-Сибиряк, ӟуч гожъяськись
Кулӥзы
- Удмуртиысь тодмо муртъёс
- Россиысь но дуннеысь тодмо муртъёс
Валэктонъёс
Россия — Призывниклэн нуналыз.
Бразилия — Республика ялон нунал[2].
Казахстан — Тенге ― йӧскалык валюталэн нуналыз.
Япония — Нылпиослэн нуналзы.
