Бекманов, Геннадий Иванович

Геннадий Иванович Бекманов
Вордӥськем нуналыз	15-тӥ шуркынмонэ 1957({{padleft:1957|4|0}}-{{padleft:11|2|0}}-{{padleft:15|2|0}}) (68 лет)
Вордӥськем интыез	Ожмос, Дэри ёрос, Удмурт Автономной Советской Социалистической Республика, РСФСР, СССР
Кунмуртлыкез	СССР  Россия
Ужудысэз	актёр кырӟась
Карьераез	1981 — наст. время
Данъетъёсыз	Удмурт Элькунысь сӥё-дано артист[d]

Генна́дий Ива́нович Бе́кманов (ворд. 15-тӥ шуркынмонэ 1957, Ожмос, Удмурт Автономной Советской Социалистической Республика) — росси актёр, режиссёр, кырӟан гожъясь но быдэсъясь. Удмурт Элькунысь сӥё-дано но калык артист, Кузебай Герд нимо йӧскалык премилэн лауреатэз.

Улон сюресэз

Вордӥськиз 1957-тӥ арын 15-тӥ шуркынмонэ Удмурт Элькунын Дэри ёросысь Ожмос черкогуртын, куинь пиос пӧлысь берпуметӥез. Анайзы нылпиоссэ огназ будэтӥз.

Пичи дырысеныз сцена вылын шудылӥз, ас понназ баянэн шудыны дышетскиз. Школаез йылпумъямез бере, Удмурт Элькунысь Культурая училищее, оркестровой отделение дышетскыны пыриз. Нырысетӥ курс бере Совето армие кошкиз, Хабаровскын ракетчик луыса служить кариз.

Службаез бере Уфаысь искусствоосъя институтын тодон-валанзэ будэтӥз. 1981-тӥ арын, диплом басьтыса, Удмурт шаере берытскиз.

Ужаз Удмурт йӧскалык театрын, дас ар куспын пӧртэм спектакльёсын трос рольёсты быдэстӥз. Кӧня ке дыр ӵоже Ижысь "Спутник" нимо клубысь театрен кивалтӥз.

1991-тӥ арысен 1996-тӥ арозь «Катанчи» тетатрын кырӟаз, ачиз ик сое кылдытӥсьёс пӧлысь одӥгез вал.

1997-тӥ арын Удмурт театрын Егор Загребинлэн пьесаезъя пуктэм спектакльын Эш-Тэрек батырез шудӥз. Берлогес Алексей Дударевлэн "Вечер" пьесаезъя удмурт но ӟуч кылын «Чибориё пиштэ шунды» спектакль пуктӥз.

Оглом ог сю рольёсты быдэстӥ (ваньмыз сямен, валтӥсесь вал), соос пӧлысь тужгес яратоноез Кузебай Гердлэн ролез. Со Егор Загребинлэн «Кикы нош силе но силе» («А кукушка все кукует и кукует...») пьесаезъя пуктэмын. Удмурт спектакльёсын одно ик кырӟанъёс чузъясько. Огпол, мылкыд мар ке куашкамынгес вал, Галина Романовалэсь бичетсэ усьтӥ но одӥгез кылбурез син шорам йӧтӥз, соку ик кырӟан кылдӥз. Аслым но яраз, кылзӥсьёс но туж шуныт пумитазы. Со дырысен удмурт кылбуретэн тросгес тунсыкъяськыны но кырӟан гожъяны кутски. Вань кырӟанъёсы пӧлысь тужгес зол яра Анатолий Перевозчиковлэн кылъёсызъя гожтэм «Аргурезь» кырӟанэ.

— Геннадий Бекманов

Ӵемысь концертъёсын ас гожтэм кырӟанъёссэ быдэсъя. Ольга Зоринаен ӵошен кырӟалля. Удмурт учкисьёс тужгес но зол ярато Удмурт элькунысь сӥё-дано артистъёсын, Куинь Генаосын ӵош кырӟамзэс: — Геннадий Бекмановен, Геннадий Кузнецовен но Геннадий Ганьковен.

Мерлыко удысын

«Удмурт Кенеш» огъяудмурт ассоциаицилэн ёзчиез. Ожмос гурт поселенилэн депутатэз вал.

Семьяез

Кузпалыныз Валентаен ӵош дышетскизы (Валентина али дыре — Удмуртиысь сӥё-дано артистка). Александр пизы, шудтэм учыре сюрыса, 2000-тӥ арын бырыны шедиз . Вань на нылзы. Кузпалыныз люкиськемын.

Данъетъёсыз

• Удмурт Элькунысь сӥё-дано артист;
• Удмурт Элькунысь калык артист;
• Кузебай Герд нимо йӧскалык премилэн лауреатэз.

Спектакльёсын рольёсыз

• Матронлэ́н еги́т картэ́з, я́ке Ата́с Гири́ — 2 — Миша;
• Ревизор — Ляпкин-Тяпкин, судья;
• Мулта́н уж — Тимофеев, пристав;
• Бременские музыканты — Его Величество Глупый король;
• Алые паруса — Священник;
• Мертвые души — Губернатор
• Капитанская дочка — Белобородов;
• Чупчи́ крезь (с удм. — Песнь Чепцы) — Донды́;
• Жингре́с сӥзьы́л — Паримо́н;
• Собачье сердце — Баянист Шаровкин.

Валэктонъёс

Чӧлсконъёс

• Официальная страница в ВКонтакте
• Интервью с Геннадием Бекмановым
• Откровения ижевских актеров: засыпали на сцене, падали на зрителей и стирали ноги до крови