28-тӥ шуркынмонэ

← → Шуркынмон
Вн Пкс Вирн Па УдмА Кӧсн Ан           1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2025-тӥ ар

28-тӥ шуркынмонэ — Григориан дырпусъя — арлэн 332-тӥ нуналыз (касьян аре — 333-тӥез). Ар пумозь 33 нунал кылемын.

Нунал тодметъёс

• Гурийлэн нуналыз (ӟуч Гурьев день). Та нуналэ ӵемысь куазь сульпаське, музъем улэ пырыны вырись убиръёсты уллян понна, Гурий куӵо вал вылын вуэм, шуо калыкын . Соин, та нуналэ сӥлы каро валъёсты, утялто, ческытгес сюдыны тыршо, нош та нуналэ вордӥськемъёслы сезьы но турын кузьмало. Туннэ нуналысен Толсур кӧсутён кутске.
• Туннэ куазь тӧло ке ― Тол Миколаозь (19-тӥ толсурозь) тӧласькыса улоз.

Нимнуналзэс пусъё

• Авив, Григорий, Гурий, Дмитрий, Евстохий, Елпидий, Кинтион, Маркелл, Никита, Николай, Паисий, Пётр, Самон, Стефан, Филипп, Фома, Анатолий.

Мускоысь Чудов м онастырь, 1917-тӥ ар

Праздникъёс но буре ваён нуналъёс

• Жалянлы сӥзем дунневыл нунал (ӟуч Всемирный день сострадания)

Йӧскалык праздникъёс

• Албания Албания — (ӟуч День независимости) (1912); озьы ик Флаглэн нуналыз шуыса тодмо луэ.
• Восточный Тимор Восточный Тимор — (ӟуч День независимости) (1975).
•  Мавритания — (ӟуч День независимости) (1960).
•  Панама — (ӟуч День независимости) (1821).

Тумошо праздникъёс

• Выль кылъёс малпан нунал (ӟуч День придумывания новых слов)
• Шляпаослэн нуналзы (ӟуч День шляп)
• Горд инсьӧрмулэн нуналыз яке Марслэн нуналыз (ӟуч День Красной планеты, День Марса)
• Англи бульдоглэн нуналыз (ӟуч День английского бульдога)

Луэм учыръёс

Удмуртиын

• * 1943 ― Ижысь цирклэн выль юртэз усьтэмын.

Россиын но дуннеын

Березина дурын ожмаськон. 1812-тӥ ар

• 1365 — Муско Кремльысь Ивановской площадьын Чудов монастырь инъямын,росси шоркарысь тужгес вашкалаез монастырь.
• 1660 — Кристофер Рен, Роберт Бойль но эшшо 10 тодосчиос Лондонысь королевской общество кылдытӥзы.
• 1789 — доктор Гильотен Учредительной собранилы гильотиналэсь ужанзэ возьматӥз.
• 1811 — Лейпцигын нырысьсэ шудэмын Бетховенлэн оркестрен фортепьянолы гожтэм 5 номеро концертэз.
• 1812 — Березина дурын ожмаськон: Березина шур вамен выжыкузы ӟуч арми чигнась французъёсты пазьгиз.
• 1919 — Нэнси Астор нылкышноос пӧлысь нырысетӥез Великобританиысь парламент депутатэ быръемын.
• 1935 — Н. А. Булганин кивалтэм улсын Моссовет Покровкаысь Успения черкез куашкатыны косӥз.
• 1943 ― антигитлеровской коалициен кивалтӥсьёслэн Тегеран конференцизы усьтӥськиз.
• 1964 — Марсэ Америкаысь автоматической станция «Маринер-4» лэземын.
• 2000 — Украинаын «кассетной скандал» кутскиз.

Фридрих Энгельс, марксизмез инъясь

Вордскизы

• 1933 — Виктор Тарасенко, Удмуртиысь ужысь ветеран, Ижкарлэн дано муртэз, Кун Кенешысь депутат.
• 1937 — Борис Басов, Удмуртиысь политолог но публицист.
• 1954 — Виктор Чучков, Удмуртиысь тодосчи, нейроморфолог, медицина наукаосъя доктор.

• 1820 — Фридрих Энгельс, Германиысь философ, марксизмез кылдытӥсь.
• 1880 — Александр Блок, литературалэн Азвесь даурысьтыз ӟуч кылбурчи.
• 1906 — Дмитрий Лихачёв, ӟуч филолог, литературатодосчи, академик, мерлыко ужась.
• 1915 — Константин Симонов, совето кылбурчи, прозаик но драматург.
• 1960 — Джон Гальяно, Англиысь модельер, Christian Dior мода юртлэн азьвыл арт-директорез.

Джеймс Нейсмит, баскетболэз кылдытӥсь

Кулӥзы

• 2008 — Скурыгин Герман Анатольевич (ворд. 1963-ти арын 15-тӥ куарусёнэ Удмурт Элькунын) — Россиысь капчи атлетикаен вырись, дуннеысь чемпионатлэн азьвесь призёрез, спорт амалэн ветлонъя калыккуспо классъем спортъя мастер, Россиысь куинь полэс чемпион. СССР-лэн но Европалэн Кубокъёссыллэн кузёзы. Россиысь спортъя дано мастер.
• 1939 — Джеймс Нейсмит, баскетболэз кылдытӥсь.
• 1945 — Дуайт Дэвис, Америкаысь теннисэн шудӥсь, США-ысь кивалтэтлэн ёзчиез.
• 1954 — Энрико Ферми, Италиысь физик, Нобель премилэн лауреатэз (1938).
• 2006 — Любовь Полищук, СССР-ысь но Россиысь актриса.
• 2010 — Лесли Нильсен, Америкаысь комедийной актёр.

Валэктонъёс