15-тӥ толсуре

← → Толсур
Вн Пкс Вирн Па УдмА Кӧсн Ан 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2025-тӥ ар

15-тӥ толсуре — Григориан дырпусъя — арлэн 349-тӥ нуналыз (касьян аре — 350-тӥез). Ар пумозь 16 нунал кылемын.

Нунал тодметъёс

• Абакумлэн нуналыз (ӟуч День Аввакума, Абакумов день). Мукет сямен Тӧдьы Толлэн нуналыз шуо. Та нуналэ, пе, корка пушкын йыггетыны уг яра, коркакузё йыркуръяськоз, шуо.
• Туннэ зол лымыяз ке ― тулыс шуныт луоз.
• Ӟольгыриос ӟильырто ке ― куазь шунытскоз, липет улэ ватско ке ― кезьыт кариськоз.

Нимнуналзэс пусъё

• Аввакум, Андрей, Афанасий, Владимир, Елена, Иван, Константин, Маргарита, Мария, Матвей, Николай, Сергей, Степан, Тамара.

Янус. Сатурнлэн дасэтӥ спутникез

Праздникъёс но буре ваён нуналъёс

• — Эсперантистъёслэн нуналзы (ӟуч День Заменгофа) (праздник эсперантистов).
• — Чайлэн калыккуспо нуналыз (ӟуч Международный день чая).

Йӧскалык праздникъёс

• Россия Россия —
  • РФ ВВС Радиотехнической войскоосызлэн кылдон нуналзы (ӟуч день образования радиотехнических войск ВВС РФ) (1951-тӥ ар).
  • Ӧнер ужзэз быдэстыкузы бырыны шедем журналистъёсты буре ваён нунал (ӟуч день памяти журналистов, погибших при исполнении профессиональных обязанностей).
• Нидерланды Нидерланды — Королевстволэн нуналыз (ӟуч день королевства) .

Тумошо праздникъёс

• Антидепрессантъёслы сӥзем нунал (ӟуч День антидепрессантов)

Луэм учыръёс

Удмуртиын

• 1919 — Глазкарын усьтӥськиз профсоюзъёслэн утемысь нырысетӥ съездзы.
• 1923 — Рабочей, крестьян но красноармейской депутатъёслэн Советсылэн округысь исполкомезлэн Сарапулысь социальной обеспечениея ёзэтэз кылдытэмын.
• 1941 ар —
  • СССР-ысь ожтӥрлыкъя наркомлэн Д.Ф. Устиновлэн Ижкарысь мотоциклет поттон заводлэн инъет вылаз "Максим" пулемёт поттонэз радъян сярысь приказэз поттэмын. Быдӟым Атыкай ож аръёсы Ижкарысь мотозавод (завод № 524) 83 сюрс пулемет поттӥз. (ЦГА УР, ф.1467, оп.3, д.154, л.314; ЦДНИ УР, ф.16, оп.1, д.4253).
  • 15-тӥ-16-тӥ толсуре Ижкарын УАССР-ысь гурт эмчиослэн 2-тӥ ӧтчамзы ортчиз. (ЦГА УР, ф.568, оп.1, д.128, л.3).
  • Дэри ёросысь "5 лет УАССР" нимо совхоз интывылын аэродромез лэсьтон йылпумъямын (объект № 118).
• 1965 — Быдэс Россиысь историяя но культурая памятникъёсты утёнъя мерлэн Ижысь люкетэз кылдытэмын.

Россиын но дуннеын

Чернобыльская АЭС

• 1791 — США-ын Конституцияз пыртэм дас тупатон кужымлыко луиз.
• 1877 — Томас Эдисон фонографез кылдытонлы патент басьтӥз.
• 1905 — Петербургын Пушкинлэн Юртэз кылдытэмын.
• 1917 — Горд Армиын нырысьсэ кутыны кутскизы висъян пусэз — горд кизили.
• 1941 — холокост: трос сюрс еврейёс ыбылыса быдтэмын Дробицкой Ярын Харьков дорын.
• 1966 — О. Дольфус (Франция) Медонской обсерваториын Сатурнлэсь дасэтӥ спутниксэ ― Янусэз синйылтӥз.
• 1967 — куашказ Шундыпуксёнпал Виргиниез но Огайоез герӟась Азвесь выж; 46 мурт бырыны шедиз.
• 1984 — «Вега-1» автоматической межпланетной станция лэземын вал.
• 1990 — Киргиз ССР-лэн Верховной Советэз Кун суверенитет сярысь декларациез кутӥз.
• 2000 — Чернобыль АЭС-лэн 3-тӥ энергоблокезлэн ужез дугдытэмын. ЧАЭС быдэсак дугдытэмын.

Нерон Клавдий Цезарь Август Германик

Вордскизы

• 1908 — Михаил Бывальцев, удмурт крезьгурчи, крезьгуро фольклорез бичась.
• 1928 — Игорь Стыценко, Удмуртиысь инженер-механик, Ижысь мотозаводлэн директорез 1965 арысен 1990 арозь.
• 1953 — Татьяна Чернова, удмурт кылбурчи но журналист.

• 37 — Нерон, Римысь император.
• 1832 — Александр Гюстав Эйфель, Франциысь инженер-строитель.
• 1852 — Антуан Анри Беккерель, Франциысь физик, физикая Нобель премилэн лауреатэз (1903).
• 1859 — Людвик Лазарь Заменгоф, поляк син эмъясь но эсперанто кылэз кылдытӥсь.
• 1934 — Станислав Шушкевич, белорус политик, Беларусь Республикаысь Вылӥ Кенешлэн тӧроез (1991—1994).

Валерий Чкалов, лётчик-испытатель

Кулӥзы

• 1938 — Валерий Чкалов, лётчик-испытатель, Советской Союзлэн Героез.
• 1958 — Вольфганг Паули, Швейцариысь физик-теоретик, физикая Нобель премилэн лауреатэз (1945).
• 1964 — Сергей Иванович Ожегов, ӟуч кылэз валэктӥсь кыллюкамез кылдытӥсь.
• 1966 — Уолт Дисней, Америкаысь кинорежиссёр но продюсер.
• 1981 — Михаил Жаров, совето актёр, СССР-ысь калык артист.
• 1997 — Василий Овсиенко, юрист, Удмурт кун университетлэн профессорез.
• 2014 — Григорий Евдокимов, ожгар лётчик, полковник, Совето Союзлэн Героез.

Валэктонъёс