Шишкин, Николай Никифорович

Николай Никифорович Шишкин
Вордӥськем нуналыз	15-тӥ толсуре 1934({{padleft:1934|4|0}}-{{padleft:12|2|0}}-{{padleft:15|2|0}})
Вордӥськем интыез	Смагино черкогурт, Исаклы ёрос, Куйбышев улос, РСФСР
Кулон нуналыз	20-тӥ инвожое 2014({{padleft:2014|4|0}}-{{padleft:6|2|0}}-{{padleft:20|2|0}}) (79 лет)
Кулэм интыез	Иж, Россия
Кунмуртлыкез	СССР СССР → Россия Россия
Ужудысэз	Инженер-лэсьтӥськись, парламентарий
Данъетъёсыз

Никола́й Ники́форович Ши́шкин (15-тӥ толсуре 1934, Исаклы ёрос^[d] — 20-тӥ инвожое 2014, Иж) ― совето но росси инженер-лэсьтӥськись, РСФСР-ысь дано лэсьтӥськись, РСФСР-ысь калык депутат (1990—1993).

Улон сюресэз

Вордӥськиз 1934-тӥ арын 15-тӥ толсуре РСФСР-ысь Куйбышев улосысь Исаклы ёросысь Смагино черкогуртын.

1955-тӥ арын Сергиевысь гидромелиорацияя техникумез йылпумъяз, отӥяз Куйбышевысь инженерияя но лэсьтӥськонъя институтэ пыриз, сое 1960-тӥ арын быдтӥз.

1960-тӥ арын ужан сюрессэ мытӥз Ижкарысь мотоцикл поттон заводын, татын дырыз дыръя таӵе ужинтыосын тыршиз: инженер, старшой инженер, бюролэн кивалтӥсез, ОКС-лэн кивалтӥсезлэн воштӥсез. 1966-тӥ арын 2 номеро лэсьтӥськонъя управлениын валтӥсь инженер луиз. Отӥяз Россиысь Спецстройлэн Ижысь 18 номеро лэсьтӥськонъя управлениын валтӥсь инженер луыса ужаз.

Николай Шишкин кивалтэм улсын Ижын пуктэмын сюлэсь ятыр улоно коркаос, 20 школаос, 12 больницаос, куамынлэсь трос промышленностья но мерлыко инфраструктураысь объектъёс, соос пӧлын Кардиологияя центр, Мунё театр, Удмурт Элькунлэн Кун Кенешезлэн юртэз, Операя но балетъя крезьгуро кун театр кадь аспӧртэм лэсьтосъёс. Со сяна, заводын панельёсты пӧртэм пумо чеберъяса, ячеистой бетонлэсь борддоръёсын 12-16 этажъем панель юртъёслэсь проектъёссэс дасян но улонэ пыӵатон борды басьтӥськиз. Панель коркаосысь липет конструкциосты корт но бетон люкетъёслэсь лэсьтон амалъёсты, пенополиуретанлэсь быдэстэм конструкциослэсь пумъёссэс юнматон амалъёсты кылдытӥсьёс пӧлысь огез. Валтӥсь лэсьтӥськон-тупатъян ужъёсты механизация ласянь юнматонъя программаез кылдытон но улонэ пыӵатон понна трос лэсьтӥз. Озьы ик бетонэз кулэ интые тырон вылысь насосэн кисьтонъя технологиосты дасяз но улонэ кутӥз; тыроно растворез суранъя станциосты, штукатуркая но буян станциосты узырмытон но производствое пыртон бордын ужаз.

Удмуртиысь гурт удысысь лэсьтӥськонэ пыриськиз, озьы ӝутэмын вал: «Камский» совхозын сюро таза пудо вордонлы комплекс, 4 парсь вордон гид, 2 кунян вордон гид, «Вараксино» птицефабрикалы улоно комплекс но производствоя юртъёс.

1998-тӥ арысен «Удмуртнефтегазстрой-Город» ОАО-ын тыршиз.

Ужысь Горд Знамя, «Знак Почёта» но Калык Эшъяськон орденъёсын пусъемын. Удмурт Элькунысь Президентлэн 2005-тӥ арын 25-тӥ коньывуонэ кутэм 131 номеро указэзъя, Удмурт Элькунэз улон-вылонын но экономикаын азинтыны юрттэмез понна Николай Никифорович Шишкинлы «Удмурт Элькунлэн дано муртэз» ним сётэмын.

1990-тӥ арын РСФСР-ысь калык депутатэ быръемын вал. Пенсие потэмез бере 2014-тӥ арозь Удмуртилэн Президентэзлэн лэсьтӥськон комплексъя штатэ пырисьтэм советникез вал.

2014-тӥ арын 20-тӥ инвожое Ижкарын улонысь кошкиз.

Данъетъёсыз

• Ужысь Горд Знамя орден;
• «Данъян пус» орден;
• Калык Эшъяськон орден.

Валэктонъёс

Чӧлсконъёс

• Почетный гражданин Удмуртии Николай Шишкин скончался на 80 году жизни [ӟуч]