Удмурт Элькунлэн дано муртъёсыз
Удмурт Элькунлэн дано муртэз ӟуч: Почётный гражданин Удмуртской Республики ― Удмуртись вылӥ данъян ним но Удмурт Элькунлэн вылӥ данъетэз луэ[1].
Дано нимын пусъёнлэн радыз
«Удмурт Элькунлэн дано муртэз» экономика, тодос, лулчеберет, устолык, дышетон, тазалыкез утён, катрадлыкез утён, кун лэсьтӥськонын, юрттэт сётон, атыкай музъемез утён но мукет удысъёсын вордскем шаер, кун но калык азьын лэсьтэм ӟеч ужъёсыз понна[1].
«Удмурт Элькунлэн дано муртэз» дано нимын пусъем муртъёслы сӥё-дано ужрадын диплом, удостоверение, вкладыш - удостоверениез воштӥсь кагаз, гадь лента но гадь пус сётӥське[1].
«Удмурт Элькунлэн дано муртэз» дано нимын пусъем муртъёслэсь фамилизэс нимысьтыз чаклам "Удмурт Элькунлэн дано муртъёсыныз Книгае" гожто. Со Книга Ижкарысь Кун Кенешлэн юртаз утиське.
Удмурт Элькунлэн Кункатэзъя (п."з" ст.84), «Удмурт Элькунлэн дано муртэз» дано нимез сётэ Удмурт Элькунлэн Кун Кенешезлэн Тӧроез[1].
«Удмурт Элькунлэн дано муртэз» дано ним сётон сярысь представление ужъюртъёсысь, организациосысь коллективын яке интыысь аскивалтон ёзэтъёсын эскериське. Собере Ужъюртъёслэн но мукет организациослэн кивалтӥсьёссы дэмлам муртэз министерствоослэн нео ведоомствоослэн кивалтӥсьёсынызы эскеро но интыысь кивалтонлэн представительной ёзэтэзлэн сессияз эскерыны ысто. Собере сессилэсь решенизэ но представлениен ужкагазъёсты Кун Кенешлэн Тӧроез улсын ужась Наградаосъя ӧрие келяло[1].
«Удмурт Элькунлэн дано муртэз» дано ним басьтон понна, дэмлам муртлэн кун данъетъёсыз (Росси Федерацилэн, РСФСР-лэн но СССР-лэн орденъёсыз но медальёсыз) но Росси Федерацилэн но Удмурт Элькунлэн мукет дано нимъёсыз пусъем сярысь ужкагазъёсыз луыны кулэ.
«Удмурт Элькунлэн дано муртэз» дано ним арлы одӥг пол 4-тӥ шуркынмонэ Элькунлэн кунлык басьтон нуналыз азьын сётӥське. Дано ним сётон сярысь вань вань ивор вӧлмытон сӧзнэтъёсы сётӥське.
«Удмурт Элькунлэн дано муртэз» дано нимез озьы ик сётыны луэ дэмлам муртлэн кулэмез бере. Сыӵе учыре кулэм муртлы дано ним сётэм сярысь ужкагазъёс но гадь пусъёс семьяезлы сётӥсько[1].
Дано нимын пусъем муртлэн льготаосыз
«Удмурт Элькунлэн дано муртэз» дано нимын пусъем муртъёслы таӵе льготаос чакламын: - ваньмаз кар транспортъёсын дунтэк мынон-ветлон, таксиын сяна; - Удмурт Элькунысь пригородной но междугородний автобусъёсын дунтэк мынон-ветлон; - Элькун коньдэтысь толэзьлы быдэ 10 минимальной уждунлэн быдӟалаез тыриське. - Удмурт Элькунлэн дано муртъёсыз Удмурт Элькунлэн Кун Кенешезлэн но улон интызыя интыысь аскивалтонлэн котькуд сессиязы пыриськыны быгато. - Удмурт Элькунлэн дано муртэзлэн кузпалызлы яке быдэ вуымтэ нылпиосызлы, дано нимын пусъем муртлэн кулэмез бере, пырак азелы толэзьлы быдэ 5 минимальной уждунлэн быдӟалаез тыриське. Удмурт Элькунысь каръёслэн яке ёросъёслэн дано нимыныз пусъем муртлы одӥгзэ гинэ вознаграждениез бырйыны быгато[1].
Уджмурт Элькунлэн дано муртъёсыз пӧлысь нырысетӥосыз: Калашников М.Т., Кулакова Г.А., Тарасов В.С., Корепанова Е.М. но Машагатов В.Ф.
Дано муртъёсын лыдъет
| Ар | Тусъетэз | Нимтулыз | Улон аръёсыз | Ужудысэз | Валэктонъёс |
|---|---|---|---|---|---|
| 2015 | 
|
Аброськин Николай Павлович | 1.1.1951 | Армилэн генералэз, Нимысьтыз лэсьтӥськонъя федерал агентстволэн директорез (2004-тӥ-2011-тӥ аръёсы), Росси Федерациысь Кун думалэн депутатэз, Росси Федерацилэн Президентэзлэн ужъёсъя кивалтӥсезлэн нырысетӥ воштӥсез. | [2] |
| 2021 | 
|
Альес Михаил Юрьевич | 3.3.1956 | физико-математической наукаосъя доктор, профессор, Россиысь наукаосъя академилэн Урал ёзэтэзлэн Удмурт федерал исследовательской центрлэн директорез | |
| 2016 | 
|
Атаманов Михаил | 19.9.1945 | Удмурт тодосчи, филология наукаосъя доктор, Россиысь писательёслэн огазеяськонзылэн ёзчиез, Библиез удмурт кылэ берыктӥсь, протодьякон. | [3] |
| 2002 | 
|
Богомолова, Зоя Алексеевна | 5.2.1923 ― 13.10.2012 | росси гожъяськись, литературатодосчи, литературной критик, дышетӥсь, «Италмас» журналлэн валтӥсь редакторез. Член Союза писателей СССР-ысь гожъяськисьёслэн огазеяськонзылэн ёзчиез. Удмурт АССР-ысь культура удысысь дано ужасьт. | |
| 2015 | 
|
Боткина Зинаида Яковлевна | 28.1.1936 | "Истори синпелетъёсты но лулчеберетэз утёнъя огъяросси дэменлыклэн" Удмурт улос ёзэтэзлэн Президиумезлэн тӧроез, Удмурт Элькунысь культура удысысь дано ужась | [4] |
| 2008 | 
|
Владыкин, Владимир Емельянович | [[ |.]].[[ар|]] | истори наукаосъя доктор, профессор, Удмурт кун университетысь этнологияя но регионоведения кафедраен кивалтӥсь, Росси Федерациысь вылӥ школалэн дано ужасез , Россиысь гожъяськисьёслэн огазеяськонзылэн ёзчиез. | |
| 2014 | .jpg)
|
Волков, Александр Александрович | 25.12.1951 ― 20.5.2017 | Удмурт элькунысь Министръхёслэн Кенешсылэн тӧроез, Удмурт Элькунысь Кун Кенешлэн нырысетӥ но кыкетӥ ӧтчамъёсызлэн тӧроез,Удмурт Элькунлэн нырысетӥ Президентэз, Росси Федерациысь Федерал Собранилэн Федераци Кенешезлэн ёзчиез. | |
| 2021 | Голдина Римма Дмитриевна | Профессор | |||
| 2020 | 
|
Гольцов Владимир Гаврилович | 29.04.1942 | Легендарной автогонщик, «Париж-Дакар»ралли-марафонын вормись | |
| 2010 | 
|
Грищенко Петр Семёнович | комсомол, парти но профсоюз ужчи, КПСС-лэн удмурт обкомезлэн нырысетӥ секретарез (1985 – 1990 гг.). СССР-ысь но РСФС-ысь РВылӥ Кенешлэн депутатэз | ||
| 2020 | 
|
Гуцериев Микаил Сафарбекович | 9.03.1958 | Росси ужбергатӥсь, экономика наукаосъя доктор, кылбурчи | |
| 2021 | [[Файл:|90px]] | Ёлкин Пётр Васильевич | 29.04.1942 | живописец, график, мер ужчи | |
| 2021 | 
|
Желудов Григорий Владимирович | Кунпуш службаысь генерал-лейтенант | ||
| 2017 | [[Файл:|90px]] | Зиятдинов Фанил Газисович | «Купол» заводлэн 2014-тӥ арысен генеральной директорез | ||
| 2000 | 
|
Зыков Михаил Ефимович | КПСС-лэн Ижысь горкомезлэн нырысетӥ секретарез (1963-1986). Огдыре ик Ижкарлэн дано муртэз | ||
| 2006 | 
|
Ионов Виктор Петрович | Социалистическо ужысь Герой. 1957-тӥ арысен Ижысь машина лэсьтон заводын тыршиз (али дыре – ОАО «Ижмаш»): 1967-тӥ-1986-тӥ аръёсы – механосборочной производствоен кивалтӥз, 1986-тӥ арысен – валтӥсь инженерлэн воштӥсез, генеральной директорлэн воштӥсез, 1998-тӥ-2011-тӥ аръёсы – ОАО "Ижмаш" музейлэн директорез. | ||
| 1995 | Калашников Михаил Тимофеевич | Стрелковой пыӵал тӥрлык кылдытӥсь совето но росси конструктор | |||
| 2005 | Калинин Валентин Егорович | Вавож ёросысь И.В. Мичурин нимо возёслэн тӧроез | |||
| 2010 | Капашин Валерий Петрович | Росси Федерациысь Промышленностья но вузкаронъя министерство улсысь Хими ожтӥрлыкез кышкыттэм утёнъя но быдтонъя федерал управлениелэн кивалтӥсез, генерал-полковник, техника наукаосъя доктор, профессор. | |||
| 2020 | Каримов Рауф Мухаметович | 1990-тӥ—1998-тӥ аръёсы Удмуртпотребсоюзлэн правлениезлэн тӧроез, 1998-тӥ арысен — Удмуртпотребсоюз Советлэн тӧроез. | |||
| 2011 | Князев Владимир Герасимович | Удмурт АССР-ысь гурт возёс удысысь дано ужась | |||
| 1998 | Корепанов-Камский Геннадий Михайлович | Крезьгурчи, кырӟась но дышетӥсь. Удмуртиысь Крезьгурчиослэсь огазеяськонзэс кылдытӥсь, но огазеяськонлэн нырысетӥ тӧроез | |||
| 1995 | Корепанова Екатерина Митрофановна | СССР-ысь калык дышетӥсь | |||
| 2021 | Красильников Владимир Анатольевич | Вавож ёросысь «Колос» гурт возёслэн тӧроез | |||
| 2018 | Крылов Георгий Степанович | Естествознания росси академилэн профессорез, гурт возёс наукаосъя кандидат, Ижысь Гурт возёс кун академилэн дано профессорез | |||
| 1998 | Кудинов Валентин Иванович | техника наукаосъя доктор, профессор, академик, Россиысь топливно-энергетического комплексысь дано ужась, Росси Федерациысь наука но техника удысысь дано ужась | |||
| 2016 | Кудрявцев Геннадий | "Ижысь мотозавод "аксион-холдинглэн" генеральной директорез. | |||
| 2019 | Кузнецов Пантелей Николаевич | Удмуртиысь калык крезьгурчи, Россиысь культура удысысь дано ужась, кырӟанъёслэн авторзы | |||
| 1995 | Кулакова Галина Алексеевна | Куасэн бызьылонъя ньыль полэс олимпи чемпион, дуннелэн укмыс полъем чемпионэз, спортъя дано мастер, РСФСР-ысь но СССР-ысь дано тренер. | |||
| 2020 | Куликов Кузьма Иванович | Совето но росси историк, публицист. Истори наукаосъя доктор, профессор, Росси Федерациысь наука удысысь дано ужась | |||
| 2008 | Курбатов Александр Павлович | Генерал-лейтенант, Росси Федерациысь дано лэсьтӥськись. Трос аръёс ӵоже "Нимысьтыз лэсьтӥськонъя федерал агентство улсысь 6 номеро нимысьтыз лэсьтӥськонъя управлениен" кивалтӥз. | |||
| 2007 | Липанов Алексей Матвеевич | Техника наукаосъя доктор, РАН-лэн академикез, Ижысь механической институтлэн ректорез (1975-1983), РСФСР-ысь вылӥ но шор дышетонъя министрлэн воштӥсез (1983-1988), Россиысь академилэн Урал ёзэтэзлэн Удмурт тодос центрезлэн Президиумезлэн тӧроез, УрО РАН Прикладной механикая институлэн директорез (1991-тӥ арысен) | |||
| 2011 | Маев Сергей Александрович | генерал-полковник, Россиысь ДОСААФ-лэн тӧроез (2009-2014 гг.) | |||
| 2007 | Мамонтов Анатолий Васильевич | Удмурт Элькунысь эктонъя но кырӟанъя "Италмас" кун академической ансамбльлэн чеберлыкъя кивалтӥсез но валтӥсь дирижёрез (1962-тӥ арысен), РСФСР-ысь но Удмурт АССР-ысь калык артист | |||
| 2008 | Марченко Анатолий Владимирович | инженер-механик, экономист, техника наукаосъя кандидат, Удмуртиысь дано нефтяник, Россиысь дано экономист. 1967-тӥ-2006-тӥ аръёсы "Удмуртторф" ОАО-лэн директорез, собере генеральной директорез (1982-тӥ арозь – "Ижторф"). 2006-тӥ арысен генеральной директорлэн советникез, директоръёслэн советсылэн тӧроез | |||
| 2008 | Масленникова Римма Николаевна | Воткалась машина лэсьтон заводысь станочница, сверловщица (1953-тӥ-1992-тӥ аръёсы). | |||
| 1995 | Машагатов Василий Фомич | РСФСР-ысь но УАССР-ысь дано врач. УАССР-лэн Вылӥ Кенешезлэн тӧроез (1971-тӥ—1980-тӥ аръёсы) | |||
| 2020 | Михайлова Надежда Александровна | 1-тӥ кун эмъяськоннилэн валтӥсь эмчиез (2006-тӥ—2017-тӥ аръёсы), 2017-тӥ арысен — Удмурт Элькунысь Кун Кенешлэн Тӧроезлэн воштӥсез. | |||
| 2018 | Мусинов Сергей Васильевич | Удмурт Элькунысь Кун Кенешлэн куинь ӧтчамысьтыз депутат, Удмурт Элькунысь промышленность удысысь дано ужась. ОАО «СЭГЗ». | |||
| 2021 | Орехов Владимир Викторович | 1981-тӥ арын Сарапулысь 12 номеро школаын 10 «В» классысь 26 дышетскисез террористъёс заложнике басьтӥзы. Мускоысь специальной назначениен «Альфа» группаысь ӧнерчиос вуытозь Владимир терриростъёсын вераськон кусып возьыса, нылпиосты мозмытыны удалтӥз. Владимир Ореховлэн сэзь но визьнодо луэменыз, одӥг адями но ӧз быры. | |||
| 1998 | Поскрёбышев Олег Алексеевич | кылбурчи, очерк но проза гожъясь, публицист, кылысь кылэ берыктӥсь. | |||
| 2015 | Походин Виктор Михайлович | Удмурт Элькунысь прокурор (1983-тӥ-2000-тӥ аръёсы). | |||
| 2011 | Прасолов Алексей Михайлович | Удмурт Элькунысь Кун Кенешлэн депутатэз, "Единая Россия" депутат фракцилэн кивалтӥсез, Росси инженерной Академилэн Удмурт ёзэтэзлэн академикез, Росси федерациысь дано лэсьтӥськись. | |||
| 2004 | Рождественский Владимир Николаевич | "Чепецкий механический завод" ОАО-лэн генеральной директорез | |||
| 2018 | Санников Герман Сергеевич | Удмурт Элькунысь кунпуш ужъёсъя министрлэн нырысетӥ воштӥсез | |||
| 2000 | Семенов Иосиф Ефимович | Сельскохозяйственник но мерлык но политика удысын ужась. 1950-тӥ арысен 1980-тӥ арозь Алнаш ёросысь «Прогресс» гурт возёслэн тӧроез | |||
| 2016 | Серов Вячеслав | "Увадрев-Холдинглэн" кивалтӥсез. | |||
| 2014 | Соловьёв Виталий Александрович, | Удмурт Элькунысь промышленность удысысь дано ужась | |||
| 2014 | Степнова Зоя Ивановна | Удмурт Элькунысь Кун Кенешлэн депутатэз, Удмуртиысь Нылкышно Союзлэн тӧроез, "Сактон" ЗАО-лэн генеральной директорез. | |||
| 2020 | Сударикова Наталья Алексеевна | РПосси Федерациысь дано дышетӥсь. 2016-тӥ—2017-тӥ аръёсы Удмурт Элькун Кивалтэтлэн тӧроезлэн воштӥсез, 2017-тӥ—2019-тӥ аръёсы Удмуртлэн Тӧроезлэн советникез | |||
| 2020 | Суханов Юрий Викторович | Удмурт Элькунысь Вылӥ судлэн тӧроез (1996-тӥ—2019-тӥ аръёсы) | |||
| 2004 | Сырых Алексей Федорович | Ленин нимо гурт возёслэн тӧроез (1973-тӥ—2000-тӥ аръёсы), Росси Федерациысь гурт возёс удысысь дано ужась | |||
| 1995 | Тарасов Василий Семенович | "Ижсталь" ПО-лэн генеральной директорез. Социальной ужысь Герой | |||
| 2000 | Торопов Артемий Демидович | Быдӟым Атыкай ожын эскадрильялэн штурманэз. Совето Союзлэн Героез | |||
| 2017 | Тихонова Тамара Ивановна | XV тол олимпи шудонъёслэн куасэн бызьылонъя кык полъем чемпионэз, дуннелэн кык полъем чемпионэз | |||
| 2019 | Толмачёв Виктор Григорьевич | "Воткинский завод" АО-лэн генеральной директорез (1995-тӥ–2020-тӥ аръёсы) | |||
| 2008 | Тубылов Афанасий Ильич | дышетӥсь, Ува ёросысь депутат кенешлэн исполкомезлэн тӧроез (1967-тӥ-1974-тӥ аръёсы), УАССР-ысь дышетонъя министр (1974-тӥ-1977-тӥ аръёсы), УАССР-ысь Вылӥ Кенешлэн Президиумезлэн тӧроез (1977-тӥ-1990-тӥ аръёсы), Удмурт Элькунысь Шор быръён ӧрилэн тӧроез (1990-тӥ-2000-тӥ аръёсы), РСФСР-ысь Вылӥ Кенешлэн 10-тӥ но 11-тӥ ӧтчамъёсысьтыз депутат (1980-тӥ ар, 1985-тӥ ар), УАССР-ысь Вылӥ Кенешлэн 8-тӥ-11-тӥ ӧтчасъёсысьтыз депутат (1971-тӥ-1985-тӥ аръёс) | |||
| 2010 | Тубылов Валентин Кузьмич | кун но политика удысын ужась. 1990-тӥ-1995-тӥ аръёсы – Удмурт Элькунысь Вылӥ Кенешлэн тӧроез, 1997-тӥ-2008-тӥ аръёсы – "Удмурт кенеш" огъяудмурт ассоциацилэн президентэз, 2009-тӥ арысен – "Удмурт кенеш" огъяудмурт ассоциацилэн вице-президентэз | |||
| 1996 | Ульяненко Нина Захаровна | Ьыдӟым Атыкай ожысь летчик, уйин лобась бомбардировочной полклэн звеноезлэн командирез. Совето Союзлэн Героез. 1945-тӥ арын 24-тӥ инвожое ортчем Вормон Парадэ пыриськем мурт | |||
| 2005 | Черных Евгений Васильевич | Ижысь металлургической заводысь сталевар | |||
| 2005 | Шишкин Николай Никифорович | Росси Федерациысь дано лэсьтӥськись | |||
| 2014 | Фоминов Александр Михайлович | 1987-тӥ арысен элькунысь парти, профсоюз но кун ёзэтъёсын ужась, Удмурт Элькунысь Кун Кенешлэн 3-тӥ но 4-тӥ ӧтчамъёсысьтыз депутат, Удмуртиысь Мер инэглэн тӧроез | |||
| 2012 | Николай (Шкрумко Николай Яковлевич | Ижысь но Удмуриысь митрополит (1993-тӥ арысен 2015-тӥ арозь). | |||
| 2003 | Шутов Валерий Агафангелович | Ижысь ради озаводоэн генеральной директорез (1978-тӥ—1992-тӥ аръёсы). | |||
| 2019 | Ярыгин Владимир Александрович | Росси Федерациысь дано конструктор, кызьлэсь трос пӧртэм граждан но боевой пыӵал тӥрлык кылдытӥсь |