Тубылов, Афанасий Ильич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Тубылов.
Афанасий Ильич Тубылов
Tubylov AI.jpg
Флаг
Удмурт АССР-ысь Вылӥ Кенешлэн Президиумезлэн Тӧроез
1977-тӥ арын 27-тӥ толсурысен — 1990-тӥ арын 14-тӥ оштолэзёзь
Азьпалчиез Пётр Сысоев
Бӧрысьчиез Интыуж быдтэмын;
Валентин Тубылов Удмурт АССР-ысь Вылӥ Кенешлэн Тӧроез интые
Вордӥськемын 21-тӥ тулыспалэ 1929({{padleft:1929|4|0}}-{{padleft:2|2|0}}-{{padleft:21|2|0}})
Пичи Кибья, Бадӟым Кибья волость, Можга утем, Вотской автономной область, РСФСР, СССР
Кулэмын 2-тӥ толшоре 2016({{padleft:2016|4|0}}-{{padleft:1|2|0}}-{{padleft:2|2|0}}) (86 лет)
Дышетскемез Ижысь дышетӥсьёсты дасянъя институт, Педагогикая удмурт кун институт
Данъетъёсыз
Ужысь Горд Знамя нимо орден SU Medal For Valiant Labour in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg SU Medal Forty Years of Victory in the Great Patriotic War 1941-1945 ribbon.svg
SU Medal For Valiant Labour in the Great Patriotic War 1941-1945 ribbon.svg

Афана́сий Ильи́ч Тубы́лов (21-тӥ тулыспалэ 1929, Бадӟым Кибья волость[d], Нижний Новгород улос[d] — 2-тӥ толшоре 2016, Иж) — совето кун но мерлыко ужась, политик, дышетӥсь, Удмурт АССР-ысь Вылӥ Кенешлэн Президиумезлэн Тӧроез (1977—1989). Удмурт Элькунысь калыкез дышетон удысысь дано ужась, Удмурт Элькунлэн дано муртэз.

Улон сюресэз

Вордӥськиз 1929-тӥ арын 21-тӥ тулыспалэ Пыӵас (али — Можга) ёросысь Пичи Кибья починкаысь[1] крестьян семьяын[2]. Покчиез, витетӥез, пинал вал. Бадӟым Кибьялась сизьым аръем школаез йылпумъяса, Можгаысь педучилищее пыриз, сое 1946-тӥ арын быдтӥз. Студент вакытаз ВЛКСМ-е  [ӟуч] (удм. пыриз[3].

Распределениея Бадӟым Кибья школае покчи классъёсты дышетыны шедиз. Кӧня ке толэзь ортчыса, шоретӥ классъёсын озьы ик арифметикаез, ӟуч кылэз, физикаез но химиез нуыны кутскиз[3].

1948-тӥ арын Пыӵас ёросысь Бобья-Учаысь сизьым аръем школалы завуче юнматӥзы[3].

1949-тӥ арын дышетсконзэ азинтӥз Ижысь дышетӥсьёсты дасянъя институтын. Сое 1951-тӥ арын йылпумъяса, Педагогикая удмурт кун институтысь физикая но математикая ёзэтэ заочной амалъя дышетскыны пыриз[3].

1951-тӥ—1952-тӥ аръёсы — Нылга ёросысь Бадӟым Норьяысь сизьым аръем школаын математикалы дышетӥз. 1952-тӥ арысен 1958-тӥ арозь Нылга ёросысь Парсьгуртысь сизьым аръем школаен кивалтӥз, нош 1958-тӥ арысен 1966-тӥ арозь — Нылга ёросысь Областной черкогуртысь тямыс аръем школаен но Областнойысь нылпи юртэн[3].

1966-тӥ—1967-тӥ аръёсы — Уваысь 4-тӥ шор ёзо школалэн директорез вал[3].

1967-тӥ арын толсур пумын Ува ёросысь ужасьёслэн депутат кенешсы Тубыловез исполкомлы тӧрое бырйиз. Та ужинтыяз со КПСС-лэн XXIV ӧтчамаз  [ӟуч] (удм. делегат вал[3].

1971-тӥ—1985-тӥ аръёсы Афанасий Тубылов Удмурт АССР-ысь Вылӥ Кенешлэн депутатэз вал[3].

1974-тӥ арын Удмурт АССР-ысь югдытонъя министре юнматӥзы[3].

1977-тӥ—1989-тӥ аръёсы — Удмурт АССР-ысь Вылӥ Кенешлэн Президиумезлэн Тӧроез, РСФСР-ысь Вылӥ Кенешлэн Президиумезлэн Тӧроезлэн воштӥсез. Удмурт АССР-ысь Вылӥ Кенешлэн депутатэз оглом 20 ар ӵоже вал.

1990-тӥ—2000-тӥ аръёсы — Удмурт Элькунысь Быръёнъёсъя элькун комиссилэн (ЦИК) тӧроез. Ужатозяз элькунын быръёнъёсъя 15 кампаниос но референдумъёс  [ӟуч] (удм. радъямын вал, соос пӧлын — 1991-тӥ арын РСФСР-лы нырысетӥ Президентэз быръёнъёс, РФ-ысь Конституциез кутонъя референдум но 1993-тӥ арын толсуре Кун Думалэн нырысетӥ ӧтчамаз депутатъёсты быръёнъёс, Удмуртиысь парламентэ нырысетӥосыз альтернативной быръёнъёс но интыысь кивалтон ёзъёсы нырысетӥ быръёнъёс.

Афанасий Тубыловлэн огъя ужан стажез ог 54 ар люкаськиз, таос пӧлысь 50 арзэ со кивалтон ёзъёсын тыршиз[2].

Семьяез

1952-тӥ арын кузпалъяськиз Бадӟым Норья школаысь математикая но историяя дышетӥсен Раиса Николаевна Селюнинаен[3].

Данъетъёсыз

  • Ужысь Горд Знамя орден;
  • сизьым медаль, соос пӧлын:
    • «1941-тӥ—1945-тӥ аръёсысь Быдӟым Атыкай ож вакытэ ӟеч ужамез понна» (1945);
    • «Владимир Ильич Ленин вордскем дырысен 100 арез пусъён» (1970);
    • «1941-тӥ—1945-тӥ аръёсы Быдӟым Атыкай ожын Вормонлы 30 ар» (1975);
    • «1941-тӥ—1945-тӥ аръёсы Быдӟым Атыкай ожын Вормонлы 30 ар» (1985);
  • Удмурт Элькунысь кун данъетъёс;
  • Удмурт Элькунлэн дано кунмуртэз — Удмурт Элькунэз улон-вылонын но экономикаын азинтыны юрттэмез понна[4][5].

Валэктонъёс

  1. ↑ Виктор В. (23 марта 2016) Малая Кибья [ӟуч] rodnaya-vyatka.ru. Эскеремын 19.09.2025 арын
  2. ↑ 1 2 Ушёл из жизни Почётный гражданин Удмуртской Республики Афанасий Тубылов [ӟуч] udmgossovet.ru (02 января 2016). Эскеремын 19.09.2025 арын
  3. ↑ 1 2 3 4 5 6 7 8 9 10 Тубылов Афанасий Ильич (1929 г.) — Председатель Президиума Верховного Совета УАССР [ӟуч] alertino.com. Эскеремын 19.09.2025 арын
  4. ↑ А. А. Волков (27 октября 2008) О присвоении почётного звания «Почётный гражданин Удмуртской Республики» [ӟуч] zakon.udmr.ru. Эскеремын 19.09.2025 арын
  5. ↑ vovd14 Почётные граждане УР. Звание «Почётный гражданин Удмуртии» [ӟуч] iz-article.ru. Эскеремын 19.09.2025 арын
«https://udm.ruwiki.ru/w/index.php?title=Тубылов,_Афанасий_Ильич&oldid=507031»-ысь басьтэмын