Марисов, Валерий Константинович

Валерий Константинович Марисов
Валерий Константинович Марисов
Вордӥськем нуналыз	23-тӥ коньывуонэ 1915
Вордӥськем интыез	Астрахань, Росси империя[d];
Кулон нуналыз	18-тӥ толшоре 1992 (76 лет)
Кулэм интыез	Иж, Россия;
Кун	СССР;
Ужудысэз	политик
Данъетъёсыз	;

Марисов, Валерий Константинович (Вордӥськиз 23 октябре 1915-тӥ арын — Улонысь кошкиз 18 январе 1992-тӥ арын) — советской кун но партийной ужась, КПСС-лэн Удмурт обкомезлэн нырысетӥ секретарез (1963–1985). Социалистической Ужлэн Героез (1982). Пусъемын Ленин нимо куинь медальёсын, Октябрь революцилэн орденэныз, кык пол "Орден трудового Красного знамени" орденъёсын.

Улон сюресэз

Вордӥськиз Астрахань городысь заводын ужасьёслэн семьяязы. Ужан сюрессэ кутскиз кочегар луыса. Бӧрысь пароходысь механиклэн юрттӥсез луыса ужаз.

1940-тӥ арын йылпумъяз Горький индустриальной институтэз.

1940-тӥ арысен 1944-тӥ арозь Воткинскысь машиностроительной заводын ужаз.

1944-тӥ арысен 1947-тӥ арозь – КГБ-ын.

1947-тӥ арысен партийной уж борды басьтӥськиз.

1949-тӥ арысен 1951-тӥ арозь – Воткинскысь ВКП (б) горкомезлэн кыкетӥ секретарез вал.

1951-тӥ арысен 1957-тӥ арозь Воткинскысь машиностроительной заводысь ЦК ВКП (б)-лэн парторгез но КПССлэн Удмурт обкомезлэн кивалтӥсез вал.

1957-тӥ арысен 1961-тӥ арозь – КПСС-лэн Удмурт обкомезлэн секретарез.

1963-тӥ арысен 1985-тӥ арозь – КПСС-лэн Удмурт обкомезлэн нырысетӥ секретарез.

1985-тӥ арысен пенсие потӥз.

Удмурт АССР-ысь но СССР-ысь (7-10 созывъёсы) Вылӥ Кенешлэн депутатэз, ЦК КПСС-лэн ёзчиез вал.

В.К.Марисовлэн кивалтэмез улсын ужаны кутскизы выль заводъёс, ӝутиськизы выль улон микрорайонъёс, азинскиз кар инфраструктура. Марисов фамилиен герӟаськемын Ижкарысь тужгес чебер инты – Шор карлуд (Удмурт Элькунысь Кивалтэт Юрт дорысен «Калыкъёс куспын Эшъяськон» монумент дорозь кыстӥськись фонтанной комплексэн чеберъям карлуд). Солэн калык пӧлын вӧлмем нимыз – «Марисово луд». Та архитектурной ансамблез В.К. Марисовлэн Удмуртия понна тыршемзэ пусйыса нимазы. 2009-тӥ арын 5 ноябре В.К. Марисовлэсь 90 арессэ пусъён юбилей ужрад ортчиз. Удмурт Элькунлэн азинсконаз трос кужымзэ сётэмез понна, Валерий Константинович Марисовлы сӥзьыса, Пушкинской урамысь 198 номеро юрт вылын мемориальной пул шуккемын. Та коркан со 1953-тӥ арысен улӥз.